އެލައިޑް އިންޝުއަރެންސުން މިއަދު ގްރޭންޑް ޕާކްސައިޑުގައި ބޭއްވި ކޮންސްޓްރަކްޝަން އިންޑަސްޓްރީ ފޯރަމް (ސީއައިއެފް) 2026 ގައި ރަސްމީ އިންޝުއަރެންސް ޕާޓްނަރުގެ ގޮތުގައި ބައިވެރިވެ ޕެނެލް ސެޝަންތަކުގައި ހަރަކާތްތެރި ވެއްޖެއެވެ.
އެ ފޯރަމުގައި ޢިމާރާތްކުރުމުގެ ދާއިރާގެ ފަންނީ ބޭފުޅުންނާއި ސިނާޢަތާ ގުޅުން ހުރި ފަރާތްތައް އެއް ތަނަކަށް ޖަމާވެ އެ ދާއިރާއަށް ކުރިމަތިވެފައިވާ ގޮންޖެހުންތަކާއި ކުރިއެރުންތަކާ ގުޅޭ ގޮތުން ވަނީ މަޝްވަރާކޮށްފައެވެ. އެލައިޑްގެ ފަރާތުން ކަސްޓަމާ ސާވިސް މެނޭޖަރު ޙުސައިން ސަވާދު ވަނީ "ރީ-އިންޖިނިއަރިން ސަޕްލައި ޗެއިންސް އިން އޭން އޭޖް އޮފް ގްލޯބަލް ކޮންފްލިކްޓް" ޕެނެލް ސެޝަންގައި ބައިވެރިވެ ވާހަކަދައްކަވާފައެވެ. ދުނިޔޭގެ ސިޔާސީ ހަމަނުޖެހުންތަކުގެ ތެރޭގައި ސަޕްލައި ޗެއިންތަކަށް ދިމާވާ ގޮންޖެހުންތަކާއި ބަދަލުވަމުންދާ ބާޒާރުގެ ޙާލަތާ އެއްގޮތަށް ހަރުދަނާ ނިޒާމުތައް ބިނާކުރުމުގެ މުހިންމުކަމާ ގުޅޭ ގޮތުން އެ ސެޝަންގައި މަޝްވަރާކޮށްފައިވެއެވެ.
މީގެ އިތުރުން އެލައިޑް އިންޝުއަރެންސްގެ ސޭލްސް އެސިސްޓެންޓް މެނޭޖަރު މަރިޔަމް އަސްނާ ވަނީ "ސޭފްގާޑް ޔުއާ ކޮންސްޓްރަކްޝަން ޕްރޮޖެކްޓްސް" ގެ ނަމުގައި ޕްރެޒެންޓޭޝަނެއް ހުށަހަޅައިދެއްވާފައެވެ. އެ ޕްރެޒެންޓޭޝަންގައި ޢިމާރާތްކުރުމުގެ މަޝްރޫޢުތައް ލަފާނުކުރެވޭ ހާދިސާތަކުންނާއި ނުރައްކާތަކުން ރައްކާތެރިކުރުމުގައި ރިސްކް މެނޭޖްމެންޓާއި އެކަށީގެންވާ އިންޝުއަރެންސް ޙައްލުތަކުގެ މުހިންމުކަން ފާހަގަކޮށްފައިވެއެވެ.
މި ފޯރަމުގައި ބައިވެރިވުމަކީ ޢިމާރާތްކުރުމުގެ ދާއިރާގެ ފަރާތްތަކާ ގުޅިގެން ރާއްޖޭގެ ކޮންސްޓްރަކްޝަން ސިނާޢަތު އިތުރަށް ހަރުދަނާކުރުމަށް އެލައިޑް އިންޝުއަރެންސުން ކުރަމުންދާ މަސައްކަތްތަކުގެ ތެރެއިން ކުރި ކަމެއްކަމަށް އެލައިޑުން ބުނެއެވެ.
Advertisement
This content is created and paid for by advertisers and does not involve Voice Journalists
