އާސެނަލުން 50 މިލިއަން ޕައުންޑަށްވުރެ ބޮޑު އަގަކަށް އެސްޓަން ވިލާއަށް ކުޅެމުން އަންނަ ކޮންސާ ގަތުމަށް އެއްބަސްވެއްޖެއެވެ.
އިނގިރޭސި ބައެއް މީޑިއާތަކުން ބުނެފައިވަނީ މިހާރު ކުރިއަށް ދަނީ، އިނގިރޭސި ގައުމީ ޓީމުގެ ޑިފެންޑަރު އެމިރޭޓްސް ސްޓޭޑިއަމަށް ބަދަލުވުމުގެ ކުރިން ފުރިހަމަކުރަންޖެހޭ މެޑިކަލް ޓެސްޓުތައް ހެދުމުގެ މަސައްކަތެވެ.
ކޮންސާ ހޯދުމަށް އާސެނަލުން ވިލާއާއެކު އަލުން މަޝްވަރާތައް ފަށާފައިވާކަން ބީބީސީން މިދިޔަ ހަފުތާގައި ހާމަކުރި ނަމަވެސް، އޭރު ދެ ކްލަބުގެ މެދުގައި އެއްބަސްވުމަކަށް އާދެވިފައެއް ނުވެއެވެ. އޭގެ ފަހުން އާސެނަލުން ބަޔާ ލެވަކޫސަންގެ ޖަރެލް ކުއަންސާ ހޯދުމަށް މަސައްކަތް ވަނީ ކޮށްފައެވެ.
އުމުރުން 28 އަހަރުގެ ކޮންސާ 2019 ވަނަ އަހަރުގެ އެސްޓަންވިލާއަށް ބަދަލު ވުމަށްފަހު، އަޭނާ ވަނީ އެ ކްލަބަށް 286 މެޗު ކުޅެދީފައިވެއެވެ.
ވޯލްޑް ކަޕް ނިމުމުން ޗުއްޓީގައި ހުރުމާ ގުޅިގެން ކޮންސާ ވިލާގެ ޕްރީ-ސީޒަން އެއްވެސް މެޗެއްގައި ބައިވެރިވެފައެއް ނުވެއެވެ. އޭގެ ތެރޭގައި ޔޫއެފާ ސުޕަ ކަޕްގައި ޕީއެސްޖީ އަތުން 2-1 އިން ވިލާ ބަލިވި މެޗުވެސް ހިމެނެއެވެ. ވޯލްޑް ކަޕްގައި އިނގިރޭސި ޓީމުން ތިންވަނަ ހާސިލުކުރިއިރު ކޮންސާ ވަނީ އެ މުބާރާތުގެ ހުރިހާ މެޗެއްގައި ކުޅެފައެވެ.
Advertisement
This content is created and paid for by advertisers and does not involve Voice Journalists
