ބަންގުލަދޭޝް ބޫޓާން ރާއްޖެ އަދި ނޭޕާލުން ބޯޑަރު ހުރަސްކޮށް ކުރާ ވިޔަފާރި އަވަސްކުރުމަށްޓަކައި މުދާ އައުމުގެ ކުރިން މަޢުލޫމާތު ބަދަލުކުރުމާ ގުޅޭ މެމޮރެންޑަމް އޮފް އިންޓެންޓް (އެމްއޯއައި) އެއްގައި ސޮއިކޮށްފިއެވެ.
މި އެއްބަސްވުމުގައި ސޮއިކުރީ ކުރިއަށް ގެންގޮސްފައިވަނީ 14 ވަނަ ސައުތު އޭޝިއާ ސަބްރީޖަނަލް އިކޮނޮމިކް ކޯޕަރޭޝަން (ސެސެކް) ކަސްޓަމްސް ގުރޫޕް ބައްދަލުވުމުގެ ހަވާސާގައި އިއްޔެ ގައި މާލޭގައެވެ.
މި ރަސްމިއްޔާތުގައި ދާޚިލީ ސަލާމަތާއި ލޭބާ އެންޑް ޓެކްނޮލޮޖީ ވަޒީރު ޢަލީ އިޙުސާން އާއި އޭޝިއަން ޑިވެލޮޕްމެންޓް ބޭންކު (އޭޑީބީ) ގެ ޕްރިންސިޕަލް ރީޖަނަލް ކޯޕަރޭޝަން ސްޕެޝަލިސްޓް ޑރ. ޔުރެންދްރާ ބަސްނެޓް ބައިވެރިވެވަޑައިގެންނެވިއެވެ.
ކަސްޓަމްސްއިން ބުނި ގޮތުގައި މި އެއްބަސްވުމުގެ ދަށުން ހަތަރު ޤައުމުގެ ކަސްޓަމްސް އިދާރާތަކަށް މުދާ ބޯޑަރާ ހަމައަށް ފޯރުމުގެ ކުރިން ކާގޯއާ ގުޅޭ މުހިންމު މަޢުލޫމާތު އެއް އިދާރާއިން އަނެއް އިދާރާއަށް ފޯރުކޮށްދެވޭނެއެވެ. އެގޮތުން ކަސްޓަމްސް ގެ ކޮމްޕްލަޔަންސް ވަރުގަދަކޮށް ސަރަޙައްދީ ފެންވަރުގައި ގުޅިގެން މަސައްކަތްކުރުމުގެ ނިޒާމު ހަރުދަނާ ކުރެވޭނެ ކަމަށެވެ.
މި ފިޔަވަޅުގެ ސަބަބުން ޕްރައިވެޓް ސެކްޓަރަށް ވެސް ބޮޑެތި ލުއިތަކެއް ލިބޭނެ ކަމަށް ބެލެވެއެވެ. ބޯޑަރުގައި ލަސްވާ ލަސްވުން ކުޑަކޮށް ލޮޖިސްޓިކްސް ޚަރަދު ދަށްކޮށް ޝިޕްމެންޓްތައް ލިބޭނެ ވަގުތު ލަފާކުރެވޭ މިންވަރު އިތުރުކޮށް ސަޕްލައި ޗެއިންގެ ރައްކާތެރިކަން ވެސް މި އެއްބަސްވުމުގެ ތެރެއިން ކަށަވަރު ކުރެވޭނެ ކަމަށް ކަސްޓަމްސްއިން ބުނެއެވެ.
Advertisement
This content is created and paid for by advertisers and does not involve Voice Journalists
