ގދ. ތިނަދޫ ކައުންސިލުން އެރަށަށް ސިޓީއެއްގެ ދަރަޖަ ހޯދުމަށް ދައުލަތުގެ ކަމާގުޅުން ހުރި އިދާރާތަކަށް ގދ. ތިނަދޫ އާބާދީއާއި ގުޅޭގޮތުން ޞައްޙަ ނޫން މަޢުލޫމާތު ޙިއްޞާކޮށްފައިވާކަމަށް ތުޙުމަތު ކުރެވޭ މައްސަލަ ބަލައިގެންފައިވާ ކަމަށް ޕީޖީ އޮފީހުން ބުނެފި އެވެ.
އެ މައްސަލާގައި ފުލުހުން ތަހުގީގު ނިންމައި ދައުވާކުރުމާމެދު ގޮތެއް ނިންމަައިދިނުމަށް ޕީޖީ އޮފީހަށް މައްސަލަ ފޮނުވީ މިއަދު އެވެ. އެ އޮފީހުން މިރޭ ބުނީ އެ މައްސަލަ ބަލައިގެންފައިވާ ކަމަށެވެ.
އަދި ބުނީ ދަޢުވާކުރުމާމެދު ގޮތެއް ނިންމުމަށްޓަކައި މައްސަލަ ދިރާސާކުރަމުންދާ ކަމަށެވެ. މައްސަލާގައި އަޅާ ފިޔަވަޅުތައް ހާމަކުރަމުންދާނެ ކަމަަށް ވެސް ބުންޏެވެ.
ތިނަދޫއަށް ސިޓީއެއްގެ ދަރަޖަ ދިނީ ކުއްލި ގޮތަށް 2023 ގެ ރިޔާސީ އިންތިޚާބުގެ ތެރޭގައެވެ. އިންތިޚާބު ދުވަސްވަރު އެކަންކުރީ ސިޔާސީ ގޮތުން މަންފާ ލިބޭނެތީ އެވެ. ތިނަދޫއަށް ސިޓީއެއްގެ ދަރަޖަ ދިނުމަކީ އޭރުގެ ދެ ކެންޑިޑޭޓުން ކަމަށްވާ ރައީސް ސޯލިހާއި ރައީސް މުޢިއްޒުގެ ވެސް ވައުދެކެވެ.
ކުއްލި ގޮތަކަށް ތިނަދޫއަށް ސިޓީއެއްގެ ދަރަޖަ ދިނީ އެ ރަށުގައި 8،000 މީހުންގެ އާބާދީއެއް އޮއްވަ އެވެ. ގާނޫނު ބުނާގޮތުން ސިޓީއެއްގެ ދަރަޖަ ދެވޭނީ އާބާދީގައި 10،000 ހަމަވުމުންނެވެ.
Advertisement
This content is created and paid for by advertisers and does not involve Voice Journalists
