މާލޭ ވިޔަފާރި ބަނދަރު ކ. ތިލަފުއްޓަށް ބަދަލުކުރުމުގެ މަޝްރޫޢަށް ބޭނުންވާ ބިން ގަންނާނެ ފައިސާ ހޯދުމަށް އެމްޕީއެލް އާއި އެސްޓީއޯ އާއި އެޗްޑީސީ ޝެއާހޯލްޑަރުންގެ ގޮތުގައި ހިމެނޭ ކުންފުންޏެއް ސަރުކާރުން އުފައްދައިފިއެވެ.
"މޯލްޑިވްސް ޕޯޓް ޑިވެލޮޕްމަންޓް ޕްރައިވެޓް ލިމިޓެޑް" ގެ ނަމުގައި މިދިޔަ އޮގަސްޓް މަހު ރަޖިސްޓްރީ ކުރި މި ކުންފުނީގެ މެނޭޖިން ޑިރެކްޓަރަކަށް ހަމަޖައްސާފައި ވަނީ މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯ ހުސެއިން ޝަފީގެވެ.
ބޯޑު މެންބަރުންގެ ގޮތުގައި އޭނާގެ އިތުރުން އަލީ ޒުހައިރު ޝިމާދް އިބްރާހިމް މުހައްމަދު ނިޒާމް އަހުމަދު ސާލިމް އަދި މުހައްމަދު ލަމްއާން ހިމެނިވަޑައިގަންނަވައެވެ.
އަދަދު ނޫހަށް ޔަގީންވެފައިވާ ގޮތުގައި މި ކުންފުނި އުފެއްދީ ތިލަފުށީ ބަނދަރު ތަރައްޤީކުރާ ސަރަހައްދުގެ ބިން ގަތުމަށް ފައިސާ ނެތުމުގެ ސަބަބުންނެވެ.
ކަރުދާހުގައި ކުންފުނީގެ މާލީ ޙާލަތު ވަރުގަދަކުރުމުގެ ބޭނުމުގައި ސްޓޭޓް ޓްރޭޑިން އޮގަނައިޒޭޝަން (އެސްޓީއޯ) ބައިވެރިކޮށްފައިވާ ކަމަށްވެއެވެ. މި ކުންފުނި އުފެއްދި ކަން ސަރުކާރުން ރަސްމީކޮށް ހާމަކޮށްފައެއް ނުވެއެވެ.
ތިލަފުށީ ބަނދަރު ތަރައްޤީކުރުމުގެ ފުރަތަމަ ފޭސް 2026 ވަނަ އަހަރުގެ ފެބްރުއަރީގައި ޗައިނާ ހާބާ އިންޖިނިއަރިން ކޮމްޕެނީއާ ހަވާލުކޮށްފައިވާއިރު އެ ފޭސްގެ ދަށުން ކުރަނީ ބަނދަރުގެ ދިރާސާ އާއި ޑިޒައިންގެ މަސައްކަތެވެ.
ބަނދަރުގެ ކީވޯލް އެޅުން އެމްޓީސީސީއާ ވަނީ ހަވާލުކޮށްފައެވެ. މި މަޝްރޫޢު ޗައިނާ ކުންފުންޏަކާ ޙަވާލުކުރުމާ ގުޅިގެން އެމެރިކާ އާއި އިންޑިއާއިން ކަންބޮޑުވުން ފާޅުކޮށްފައިވެއެވެ.
"މި ޕްރޮޖެކްޓު އެވޯޑުކޮށްފައި ވަނީ މި ބާވަތުގެ ޕްރޮޖެކްޓުތައް އެވޯޑް ކުރުމަށް ހަމަޖެހިފައިވާ ގާނޫނުތަކާއި އިޖުރާއަތުތަކާ އެއްގޮތަށް. އެ ނިންމުން ނިންމާފައި ވަނީ ރާއްޖޭގެ ދުރު ރާސްތާގެ ތަރައްގީއަށް ރިއާޔަތް ކުރުމަށްފަހު. އެ ނިންމުމަކީ ވަކި ގައުމަކާމެދު ދެކޭ ގޮތް ހާމަވާ އަދި ވަކި ގައުމަކާ މެދު އޮތް ގުޅުމަކަށް ބަދަލެއް ވެސް އަންނާނެ ނިންމުމެއް ނޫން"
އެ ކަންބޮޑުވުންތަކާ ގުޅިގެން އިޤްތިޞާދީ ވުޒާރާއިން ނެރުނު ބަޔާނެއްގައި ބުނެފައި ވަނީ
މާލޭ ވިޔަފާރި ބަނދަރު ތިލަފުއްޓަށް ބަދަލުކުރުމުގެ މި މަޝްރޫޢުގެ ފުރަތަމަ ފޭސްގެ ޢަމަލީ މަސައްކަތް މިހާރު ކުރިއަށް ދެއެވެ.
Advertisement
This content is created and paid for by advertisers and does not involve Voice Journalists
