އިތުބާރު ނެތްކަމުގެ މައްސަލަ 8 ނޮވެންބަރަށް އެޖެންޑާ ކޮށްފި
ރައްޔިތުންގެ މަޖިލީހުގެ ރައީސް އަބްދުﷲ މަސީހް ގެ އިތުބާރުނެތް ކަމުގެ މައްސަލަ 8 ނޮވެންބަރ އަށް އެޖެންޑާކޮށްފިއެވެ.
މަޖިލީހުގެ އިދާރާއިން ވަނީ މިކަން ހުރިހާ މެންބަރުންނަށް އަންގާފައެވެ.
ރައްޔިތުންގެ މަޖްލިސް ރައީސް އަބްދުﷲ މަސީހް ގެ އިތުބާރު ނެތްކަމަށް 51 މެންބަރުންގެ ސޮޔާއެކު މަޖްލިސްއަށް މިއަދު ވަނީ ހުށަހަޅާފައެވެ.
ސޮއިކުރި މެންބަރުންގެ ތެރޭގައި ޕީޕީއެމްގެ ބައެއް މެންބަރުން ނާއި އެމްްޑީއޭގެ ބައެއް މެންބަރުން ހިމެނެ އެވެ.
އިދިކޮޅުފަރާތް ތަކުން މަސީހު އިތުބާރު ނެތްކަމުގެ މައްސަލަ 3 ފަހަރެއްގެ މަތިން ވަނީ މަޖްލީހަށް ވައްދާފައެވެ.
އެގޮތުން އެންމެ ފުރަތަމަ އިދިކޮޅު މެމްބަރުން ހުށަހެޅި މައްސަލަ ނާކާމިޔާބު ވީއިރު، އޭގެފަހުން ހުށަހެޅި އިތުބާރު ނެތް ކަމުގެ މައްސަލާގައި ގާނޫނީ މައްސަލަތަކެއް ހުރުމުން އެ މައްސަލަ ވަނީ ބޭރުކޮށްލާފައެވެ. ތިންވަނަ ފަހަރު ހުށައެޅިމައްސަލައިގެ ބޭރުކޮށްލީ މަޖިލީހުގެ މެންބަރުންތަކެއްގެ ގޮނޑި ގެއްލުނު ކަމަށް ކަނޑައަޅައިގެންނެވެ.
ފުރަތަމަ މައްސަލަ ހުށައެޅިއިރު މައްސަލަ ހުށައެޅުމަށްޓަކައި ބޭނުންވަނީ 15 މެންބަރުންގެ ސޮއިއެވެ.
ނަމަވެސް މިދިޔަ އަހަރު މަޖްލީސް ގަވައިދަށް ގެނައި ބަދަލުގައި އެ އަދަދު ވަނީ 42 ކަށް އިތުރުކޮއްފައެވެ.
Advertisement
This content is created and paid for by advertisers and does not involve Voice Journalists