އެމްއެމްޓީވީއަށް ދެންމެ ދެއްވި ބަސްދީގަތުމެއްގައި އިލެކްޝަންސް ކޮމިޝަންގެ ރައީސް މުހައްމަދު ޒާހިދު ވިދާޅުވީ މިހާތަނަށް 45 އިންސައްތަ މީހުން ވޯޓްލާފައިވާ ކަމަށް. މިއީ ރަނގަޅު އިންސައްތައެއް ކަން އޭނާ ފާހަގަ ކުރެއްވި

އެ ކޮމިޝަނުން ބުނީ މިހާތަނަށް 62,083 މީހަކު ވޯޓްލާފައިވާ ކަމަށް. އޭގެ ތެރޭގައި ހިމެނެނީ 28,838 އަންހެނުންނާއި 33,245 ފިރިހެނުން

އަމީނިއްޔާ ސްކޫލުގެ ވޯޓުލާ މަރުކަޒެއްގައި ބަހައްޓާފައު ހުރި ބޫތު ހުންނަ ގޮތުން ވޯޓުކަރުދާސް ފެންނާތީ އެސަރަހައްދުގައި ހަމަނުޖެހުން ހިންގަންފަށައިފިއެވެ.

ތިން އިންތިޚާބުގެ ވޯޓުލުން މިއަދު ކުރިއަށްދާއިރު އަދިވެސް 3 ފޮށީގެ ވޯޓުލުން ނުފެށޭކަން އިލެކްޝަންސް ކޮމިޝަނުން ހާމަކޮށްފިއެވެ.

މިއަދު ބާއްވާ ކައުންސިލް އިންތިޚާބާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބު އަދި ރިޔާސީ އިންތިޚާބާއި މަޖިލިސް އިންތިޚާބު އެއްދުވަހެއްގައި ބޭއްވުމާމެދު ރައްޔިތުން ދެކޭގޮތް ބެލުމަށް ނަގާ ފެންނަ ނުފެންނަ އިންތިޚާބުގެ ވޯޓުލުން ފަށައިފިއެވެ.

މިއަދު ތިން އިންތިޚާބެއްގެ ވޯޓުލުން ކުރިއަށްދާއިރު، އެތަނުން ވަކި އިންތިޚާބެއްގައި ވޯޓުލާން ބޭނުން ނޫން މީހުންނަށް އެ އިންތިޚާބެއްގެ ކަރުދާސްކޮޅު ނުދޭނެ ކަމަށާ، އަދި އެކަން އިއުލާންވެސް ކުރެވޭނެ ކަމަށް އިލެކްޝަންސް ކޮމިޝަނުން ރޭ ބުނެފިއެވެ.

އިލެކްޝަންސް ކޮމިޝަނުން ބުނެފައިވާ ގޮތުގައި ވޯޓުލުމުގެ ވަގުތު ހަމަވުމުގެ ކުރިން ކިއުލައިންގައި ތިބޭ ފަރާތްތަކަށް ވޯޓުލުމުގެ ފުރުސަތު ދެވޭނެއެވެ. ނަމަވެސް ކަނޑައެޅިފައިވާ ވަގުތު ހަމަވުމަށްފަހު ކިއުއަށް އެރުމުގެ ފުރުސަތު ބަންދުވާނެއެވެ.