ހުޅުމާލޭ ދެވަނަ ފިޔަވައްސަކީ މިއަދު 30،000 ވުރެ ގިނަ މީހުން ދިރިއުޅެމުން އަންނަ ސަހަރެކެވެ. އެތަނުގައި އަޅާފައިވާ 25 ބުރީގެ 16 ޓަވަރުގައި އެތައް ސަތޭކަ އާއިލާއެއް ދިރިއުޅެމުން އަންނައިރު، ހިޔާ ސަހަރަށް ބޭނުންވާ އަސާސީ ގިނަ ކަންކަން އަދިވެސް ފުރިހަމަވެފައެއް ނުވެއެވެ. ކުޑަކުދިން ހިތްހަމަޖައްސާލަންދާނެ ޕާކެއް، ފައިސާ ނަގާނެ އޭޓީއެމްއެއް، ރަނގަޅު ރެސްޓޯރެންޓެއް ނެތެވެ. އެންމެ ބޮޑު ދައްޗަކަށް އޮތީ، ޕަބްލިކް ޓްރާންސްޕޯޓުގެ ދަތިކަމެވެ.