ޞިއްޙީ ދާއިރާއިންވެސް 50 އެނދުގެ ހޮސްޕިޓަލެއް ތަރައްޤީކުރުމުގެ މަސައްކަތް، 2026 ވަނަ އަހަރު ފައްޓަވައިދެއްވާނެކަމުގައި އެމަނިކުފާނު ވަނީ ވިދާޅުވެފައެވެ.

"މިއަހަރު ނިމެންވާއިރަށް ހުރިހާ ރަށެއްގެ ހުރިހާ ކްލާސްރޫމްތަކެއް އޭސީ ކުރާނެ. އެކަން ވަރަށް ރަނގަޅަށް އެޑިއުކޭޝަން މިނިސްޓްރީން އެބަ ގެންދަވާ. އިރާދަކުރެއްވިއްޔާ މި އަންނަ ދިރާސީ އަހަރަށް ކުދީން ރާއްޖޭގެ ހުރިހާ ސުކޫލަކަށް ނިކުންނާނީ އޭސީ ކުރެވިފައި ހުރި ކުލާސްރޫމްތަކަށް ކިޔަވަން," ރައީސް ވިދާޅުވި އެވެ.

އެ ރަށުގެ ރައްޔިތުންނާއި ބައްދަލު ކުރައްވާ ވާހަކަފުޅު ދައްކަވަމުން އެކަމުގެ ޔަގީންކަން ރައީސް މިއަދު ވަނީ ދެއްވާފަ އެވެ.

އެމަނިކުފާނު ވިދާޅުވީ އެންމެ އިސް އެއް ސިޔާސަތަކީ ޚިޔާނާތާއި ވައްކަމަށް އޮތް މަގު ބަންދު ކުރުމެވެ. އެގޮތުން ކޮރަޕްޝަން ހުއްޓުވުމަށް ގާނޫނަށް ގެންނަން ޖެހޭ ބަދަލުތައް ގެންނަވާނެ ކަމަށް ވިދާޅުވި އެވެ.

އދ އަތޮޅުގައި އެ ހިދުމަތް ރަސްމީކޮށް ފަށާފަ އެވެ. އެ ގޮތުން އދ މަހިބަދޫގައި މިރޭ ވަނީ އައިޑީކާޑުގެ ހިދުމަތާއި ޕާސްޕޯޓްގެ ހިދުމަތް ފަށާފަ އެވެ. އެ ހިދުމަތް ފެށުމުގެ ގޮތުން ވަނީ އެ ރަށުގެ ރައްޔިތަކަށް ޕާސްޕޯޓް ދޫކޮށްފަ އެވެ.

ސަރުކާރުން ވަނީ، ރައީސުލްޖުމްހޫރިއްޔާގެ ވައުދުފުޅަކާ އެއްގޮތްވާ ގޮތުގެ މަތީން އޮމަދޫގެ ބައެއްގެ ގޮތުގައި ކަނޑައެޅުއްވި އެ ފަޅުތައް، އޮމަދޫ ކައުންސިލާ ރަސްމީކޮށް ހަވާލުކުރައްވާފަ އެވެ.

އެ ރަށް ތަރައްޤީކުރުމުގެ މަސައްކަތުގައި ވެސް ސަރުކާރުގެ ފުރިހަމަ އެހީތެރިކަމާއި އެއްބާރުލުން ލިބޭނެ ކަމުގެ ޔަޤީންކަން ރައީސުލްޖުމްހޫރިއްޔާ ދެއްވިއެވެ.