މަސްވެރިންގެ ދުވަސް ފާހަގަކުރުމަށް ރައީސް ދުވާފަރަށް ވަޑައިގަންނަވައިފި
މަސްވެރިންގެ ދުވަސް ފާހަގަކުރުމަށް މާޅޮސްމަޑުލު އުތުރުބުރި ދުވާފަރަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަޑައިގަންނަވައިފިއެވެ.
ހެނދުނު ރައީސް ދުވާފަރަށް ވަޑައިގެންނެވުމުން އެރަށުން ރައީސް ޑރ.މުއިއްޒުއަށް ވަނީ ވަރަށް ހޫނު މަރުހަބާއެއް ދަންނަވާފައެވެ.
ރައީސް ދުވާފަރަށް މި ކުރެއްވި ޒިޔާރަތުގައި އެރަށުގައި މަސްވެރިންގެ ދުވަސް ފާހަގަކުރުމަށް ކުރިއަށްގެންދާ ހަރަކާތްތަކުގެ އިތުރުން، ދުވާފަރުގެ ބިން ހިއްކުމުގެ މަޝްރޫއާއި، އަސާސީ ހިދުމަތްތަތް ތަރައްގީކުރުމާއި އަދި މިނޫންވެސް ތަރައްޤީގެ ގިނަ މަޝްރޫޢުތަކެއްގެ އަމަލީ މަސައްކަތް ފަށްޓަވައި ދެއްވާ، ބައެއް މަސައްކަތްތަކުގެ ނިމުން ފާހަގަކުރެއްވުމަށް ވަނީ ހަމަޖެހިފައެވެ.
ރައީސުލްޖުމްހޫރިއްޔާގެ މި ދަތުރުފުޅުގައި އެމަނިކްފާނުގެ އިތުރުން އަނބިކަނބަލުން ސާޖިދާ މުޙައްމަދު އަދި ބައެއް ވަޒީރުންނާއި ސަރުކާރުގެ ބައެއް މުއައްސަސާތަކުގެ އިސްވެރިން ވެސް ބައިވެރިވެވަޑައިގަންނަވައެވެ.
Advertisement
This content is created and paid for by advertisers and does not involve Voice Journalists
