ހައްދުފަހަނަ އަޅާފައިވާ އިސްރާއީލް ފުލުހުން ފަލަސްތީނު މީހުން އަލްއަޤްޞާއަށް ވަނުން މަނާކޮށްފައިވަނިކޮށް ޔަހޫދީ ވަޒަންވެރިންގެ ބޮޑު ޖަމާޢަތެއް އަލްއަޤްޞާ މިސްކިތުގެ ގޯތިތެރެއަށް ވައްދައި އެތަނުގެ ހުރުމަތް ކަނޑައިފިއެވެ.
މީޑިއާހެ ރިޕޯޓްތައް ބުނާ ގޮތުގައި މަދުވެގެން 91 ވަޒަންވެރިން މަޣާރިބާ ދޮރުކޮޅުން އިސްރާއީލު ފުލުހުންގެ ރައްކާތެރިކަމުގައި މިސްކިތު ސަރަޙައްދަށް ވަދެ ހިނގާފައިވެއެވެ. ހެނދުނާއި މެންދުރުފަހުގެ ވަގުތުތަކުގައި ޔަހޫދީން ވަނީ ފަލަސްތީނު މުސްލިމުން ގަސްދުގައި ރުޅިއެރުވުމުގެ ގޮތުން އެމީހުންގެ ދީނީ ހަރަކާތްތައްވެސް ކުރިއަށް ގެންގޮސްފައެވެ.
މި ކަން ހިނގި ވަގުތު އިސްތިއުމާރީ ފުލުހުން ދިޔައީ އަލްއަޤްޞާ މިސްކިތުގެ ދޮރުތައް ކައިރިން ފަލަސްތީނު ރައްޔިތުން ފައްސައި އެމީހުންނަށް އިންޒާރުދެމުންނެވެ.
ހުކުރާއި ހޮނިހިރު ފިޔަވައި ކޮންމެ ދުވަހެއްގެ ހެނދުނާއި މެންދުރުފަހު ޔަހޫދީ ފުލުހުންގެ އެހީތެރިކަމާއެކު، ޔަހޫދީން އަޤްޞާއަށް ވައްދައި އެ ތަނުގެ ހުރުމަތް ކަނޑަމުން ގެންދެއެވެ.
Advertisement
This content is created and paid for by advertisers and does not involve Voice Journalists
