މައިންބަފައިންނަށް އުރެދުމަކީ ތިމާގެ އަޅުކަންތަކުގައި ޖެހޭ ލައްތަކެެއް: ޚުތުބާ

މައިންބަފައިންނަށް އުރެދުމަކީ އެމީހެއްގެ އަޅުކަންތަކުގައި ޖެހޭ ލައްތަކެއް ކަމުގައި މިއަދުގެ ޚުތުބާގައި ބުނެފިއެވެ.

މައިންބަފައިންނަކީ ސުވަރުގޭގެ ދޮރުކޮޅުތަކެއް މައުލޫއަށް އިއްވި ޚުތުބާގައި ބުނެފައި ވަނީ މައިންބަފައިންނަށް ހެޔޮކޮށް ހިތުމަށް މާތް الله ގެ ހުރިހާ ރަސޫލު ބޭކަލުންނަށާއި ނަބީބޭކަލުންނަށްވެސް އަމުރު ކުރެއްވި ކަމަށެވެ. އަދި ތިމާގެ މުސްކުޅިވެފައިވާ މައިންބަފައިންނަށް ހިދުމަތްކުރާނެ ފުރުސަތު ލިބުނު މީހާ އެކަމަށްޓަކައި މާތް الله އަށް ޝުކުރުވެރިވާންޖެހޭ ކަމަށް ބުނެފައިވެއެވެ.

މިއާއެކު ޚުތުބާގައި ބުނީ، މައިންބަފައިންނަށް ޚިދުމަތް ކުރި މީހާއަށްޓަކައި ސުވަރުގޭގެ ދޮރުކޮޅެއް ހުޅުވައިދެއްވާފައިވާކަމަށާ އަދި މައިންބަފައިންނަށް އުރެދުމަކީ ތިމާގެ އަޅުކަންތަކުގައި ޖެހޭ ލައްތަކެއްކަމުގައިވެސް ބުނެފައިވެއެވެ.

މައިންބަފައިންނަށް އުރެދުމަކީ، ތިމާގެ އަޅުކަންތަކުގައި ޖެހޭ ލައްތަކެެކެވެ. އެއް ދުވަހަކު ރަސޫލާގެ އަރިހަށް މީހަކު އައިސް ދެންނެވިއެވެ. الله ގެ ރަސޫލ އެވެ! الله ފިޔަވައި އެހެން އިލާހަކު ނުވާކަމަށާއި، ކަލޭގެފާނަކީ اللهގެ ރަސޫލާ ކަމަށް އަޅުގަނޑު ހެކިވަމެވެ. ފަރުޟު ފަސް ނަމާދު އަދާކުރަމެވެ. އަޅުގނޑުގެ މުދަލުން ޒަކާތް ދެމެވެ. ރަމަޟާންމަހު ރޯދަ ހިފައވެ. އެހިނދު ނަބިއްޔާ ހަދީސް ކުރެއްވިއެވެ. ތިޔަގޮތުގެ މަތީގައި މަރުވި މީހާ ގިޔާމަތް ދުވަހުން ވާނީ ނަބީބޭކަލުންނާއި ސިއްދިޤުންނާއި ޝަހީދުންނާއިއެކު މިގޮތަށެވެ. މހެން ހަދީސް ކުރައްވައި ދެ އިނގިލިފުޅު އުފުއްލަވައި ލެއްވއެވެ. އެއީ މައިންބަފައިންނަށް އުފެދިފައި ނުވާ ނަމައެވެ.

އޭގެ އިތުރުން މައިންބަފައިންނަށް އަޅައިލުމާއި ކަމޭހިތުމަކީ އެކަމުގައި ޖަދަލުކޮށްގެން ނުވާނެ ކަމެއްކަމަށާއި މައިންބަފައިން ހިތުގައި ޖެހުނަދީގެން ނުވާނެކަމަށް ޚުތުބާގައި ބުނެފައިވެއެވެ.

"ބައެއް މީހުން ހީކުރާ ގޮތުގައި މައިންބަފައިންނަށް ހެޔޮކޮށް ހިތަން ވާނީ އެމީހުން ކަމަކަށް އެދުނީމައެވެ. މައިންބަފައިން ކަމަކަށް އެދޭނަމަ އެކަމެއް އަވަހަށް ކޮށްދޭންވާނެއެވެ. ނަމަވެސް އެމީހުންނަށް ކަމެއް ބޭނުންވިޔަސް އަދި ނުވިއަށް ދަރިން މައިން ބަފައިންނަށް އަބަދުވެސް ހެޔޮކޮށް ހިތަން ވާނެއެވެ." ޚުތުބާގައި ބުނެފައިވެއެވެ.

މީގެ އިތުރުން ބައްޕަ އާއި މަންމައަކީ ހިޔާވަހިކަމާއި ހިމާޔަތް ލިބޭ ދެގަސްކަމާއި އެއީ ދަރީންނަށް ރައްކާތެރިކަން ފޯރުކޮށްދޭ ވަރުގަދަ ކިއްލާތަކެއްކަމާއި އަދި އެއީ ދަރީން ދިފާއުކޮށް ސަލާމަތްކޮށްދޭ އައްޑަނަތަކެއްގެ ގޮތުގައި ހުތުބާގައި ވަނީ ސިފަކޮށްފައެވެ.

އަދި ދަރީންނަށް އެންމެ ހެޔޮ އެދޭ އިހްލާސްތެރި ނަސޭހަތްތެރިންކަމަށާއި މައިންބަފައިންގެ ނިއުމަތުގެ ފުރިހަމަ އަގު އެމީހަކަށް ވަޒަން ކުރެވޭނީ އާޚިރަތް ދުވަހުންކަމަށްވެސް ޚުތުބާގައި ބުނެފައިވެއެވެ.