އީވާ މިއަދުވެސް ފޮނުއްވީ ސަލާން؛ ޖަލްސާ އެއް ނުބޭއްވުނު!
މަޖިލީހުގެ ނައިބު ރައީސާ އީވާ އަބްދުالله ސަލާމް ފޮނުއްވުމުން މިއަދަށް ތައާވަލު ކުރި މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް ކަމުގެ ޖަލްސާ ވެސް ކެންސަލްކޮށްފިއެވެ.
މިއީ އިވާ އާލާސްކަންފުޅާ އުޅުއްވާތީ ކެންސަލްކުރި 5 ވަނަ ޖަލްސާއެވެ. މިއަދުގެ ޖަލްސާއަކީ އެމްޑީޕީގެ އެދުމަށް ތާވަލް ކުރެވުނު ޖަލްސާއެކެވެ. ޖަލްސާގެ އެޖެންޑާގައި އޮތީ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް ކަމުގެ މައްސަލަ އަށް ބަހުސް ކުރުމެވެ.
މިއަދުގެ ޖަލްސާ ކެންސަލްވި ސަބަބު ބަޔާންކޮށް މަޖިލީހުގެ އަމީން އާންމު ފާތިމަތު ނިއުޝާ އެމްޑީޕީގެ ޕާލިމަންޓު ގުރޫޕަށް ސިޓީއެއް ފޮނުވާފައިވާއިރު އޭގައި ވާގޮތުން ޖަލްސާ ކެންސަލްކޮށްފައިވަނީ ޖަލްސާގެ އެޖެންޑާގައި އޮތް މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތްކަމުގެ މައްސަލަ ކުރިއަށްގެންދާ ޖަލްސާއެއްގެ ރިޔާސަތު ހަމައެކަނި ބެލެހެއްޓޭނީ ނައިބު ރައީސްއަށްކަމަށް މަޖިލީހުގެ އިދާރާއިން ކަނޑައަޅާފައިވާތީއެވެ.
ނަޝީދުގެ މައްސަލަ ކުރިއަށް ނުގެންދެވޭ މައްސަލަ އެމްޑީޕީން މިހާރު ވަނީ ސްޕްރީމް ކޯޓަށްވެސް ހުށަހަޅާފައެވެ. އެ ކޯޓުން އެ މައްސަލަ ބަލައިގެންފައިވާއިރު، އެ މައްސަލައިގެ އަޑުއެހުމެއް ހޯމަ ދުވަހަށް ވަނީ ތާވަލް ކޮށްފައެވެ. އެ ކޯޓުގެ ނިންމުން އެމްޑީޕީން ގަބޫލު ކުރާނެ ކަމަށް އެމްޑީޕީން ވަނީ ބުނެފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
