މުޅި ސަރަހައްދު އެކުއެކީ ހަފުސް ކޮށްފި: ޚާން ޔޫނިސްގެ ރައްޔިތެއް

ފަަލަސްޠީނުގެ ޣައްޒާއަށް އިޒްރާއިލުން ދެމުންދާ ހަމަލާތަކުގެ ތެރެއިން ހުކުުރުދުވަހު ޚާންޔޫނިސް އަށް ދިން ހަމަލާތަކުގައި މުޅި އެސަރަހައްދު އެއްކޮށް ހަފުސް ކޮށްލައިފައިވާ ކަމަށް އެސަރަހަައްދުގެ ރައްޔިތަކު ބުނެފިއެވެ.

އަލްޖަޒީރާ އާއި ވާހަކަ ދައްކަމުން އަމަލް އަބޫ ދައްޤާ ބުނެފައިވަނީ ހަމަލާ ދީފައިވަނީ މީހުންތައް ނިދިން ނުހޭލެވިގެން އުޅެނިކޮށް ކަމަށެވެ.

“އަހަރެން އަވަސްވެގަތީ މަގުމައްޗަށް ނުކުންނަން، ރަނގަޅަށް ހެދުންވެސް ނުލެވޭ އޭރު، އަހަރެން ހެދުން ލީވެސް މަގުމަތީގައި ހުރެ، އޭރު އަހަރެމެން ދިރިއުޅޭ މުޅި ސަރަހައްދު އެއްކޮށް ހަފުސްވެއްޖެ”

21 އަހަރުގެ އަމަލް އަލްޖަޒީރާއަށް ބުނެފައިވެއެވެ.

“އަހަރެން އޮތީ ނިދާފަ، ހޭލެވުނީ ގާތައް ވެއްޓޭ އަޑަށް، އޭގެ ފަހުން އަހަންނަށް އިވުނީ އަހަރެންގެ ކޮއްކޮމެންގެ ރުއިމުގެ އަޑު، އެހެންވެ އެމީހުންގެ ގާތަށް ދިޔައިން، ދެން އިވުނީ މީހުންތައް ކޮންނަ އަޑު، އެމީހުން އަހަރެމެންނާއި ހިސާބަށް ކޮނެ، އަހަރެެމެން ސަލާމަތްކުރީ” 10 އަހަރުގެ ރީމް އަލްޖަޒީރާ އަށް ކިޔައިދީފައިވެއެވެ.

މީގެ އިތުރުން އަލްޖަޒީރާގައި އިޒްރާއިލް ސިފައިން ބުނި ކަމަށް ބުނެފައިވަނީ އެމީހުން ޚާން ޔޫނިސްގެ ދެކުނުގެ 400 ދިމާއަކަށް އަމާޒުކޮށް ހަމަލާދީފައި ވާކަމަށެވެ. އެއީ އެތައް ހާސް ޢާންމު ރައްޔިތުން ތަކެއް ދިރިއުޅެމުންދާ ސަރަހައްދެކެެވެ.