ފޮޓޯ: ފަލަސްތީންއިންފޮމޭޝަންސެންޓާރ
ފޮޓޯ: ފަލަސްތީންއިންފޮމޭޝަންސެންޓާރ
ދުނިޔެ 27 Oct 2026 | 18:49

އިޒްރޭލާ ހެދި ފަލަސްޠީނު ދަރިވަރުންގެ ތަޢުލީމީ ހައްޤަށް ބޮޑެތި ހުރަސްތަކެއް

އިޒްރޭލުގެ އަނިޔާވެރި ޢަމަލުތަކުގެ ސަބަބުން ފަލަސްޠީނުގެ ދަރިވަރުންގެ ތަޢުލީމަށް ބޮޑެތި ގޮންޖެހުންތަކެއް ކުރިމަތިވެފައިވާ ކަމަށް، ކުޑަކުދިންގެ ޙައްޤުތައް ހިމާޔަތްކުރުމަށް މަސައްކަތްކުރާ ބައިނަލްއަޤުވާމީ ޖަމްޢިއްޔާއެއް ކަމަށްވާ 'ސޭވް ދަ ޗިލްޑްރަން' އިން ހާމަކޮށްފިއެވެ.

އެ ޖަމިއްޔާއިން ބުނީ ހުޅަނގު އައްސޭރީގައި ދިރިއުޅޭ އެތައް ހާސް ކުޑަކުދިންނަށް ތަޢުލީމު ޙާޞިލުކުރުމުގެ ޙައްޤުން މަޙްރޫމުވެ، ސްކޫލަށް ދިއުމަކީ ނުރައްކާތެރި ކަމަކަށް ވެފައިވާ ކަމަށެވެ. 'ސޭވް ދަ ޗިލްޑްރަން' އިން ބުނި ގޮތުގައި، އިޒްރޭލުގެ ވަޒަންވެރިންގެ ޙަމަލާތަކާއި، އިޒްރޭލުގެ ސިފައިން ދަތުރުފަތުރުގެ މިނިވަންކަމަށް އަޅާފައިވާ ހުރަސްތަކުގެ ސަބަބުން، ތަޢުލީމު ލިބުމަށް ހުރަސްއެޅިފައިވާ ދަރިވަރުންގެ ޢަދަދު، ވޭތުވެދިޔަ އަހަރުގެ މި މުއްދަތާ އަޅާބަލާއިރު ދެގުނައަށް ވުރެ އިތުރުވެފައިވެއެވެ. މިކަންކަމުގެ ސަބަބުން ކުޑަކުދިންގެ ހަޔާތަށް ނުރައްކާތެރި އަސަރުތަކެއް ކުރަމުންދާ ކަމަށް ވެސް އެ ޖަމްޢިއްޔާއިން ފާހަގަކުރެއެވެ.

މިދިޔަ ސެޕްޓެމްބަރު މަހުގެ 1 ވަނަ ދުވަހުން ފެށިގެން އޮކްޓޯބަރު މަހުގެ 20 ވަނަ ދުވަހާ ދެމެދު ހިނގާފައިވާ 174 ޙާދިސާއެއްގައި، 140 ސްކޫލަކަށާއި 24,500 ދަރިވަރުންނަށް ސީދާ އަސަރުކޮށްފައިވެއެވެ. މި މުއްދަތުގެ ތެރޭގައި ފަލަސްޠީނުގެ ދަރިވަރުންނަށް ޖުމްލަ 875 އަށް ވުރެ ގިނަ ކިޔެވުމުގެ ގަޑި ގެއްލިފައިވާކަމަށް ރިޕޯޓުކުރެވިފައިވާއިރު، މިއީ ފަލަސްޠީނުގެ ތަޢުލީމީ ނިޒާމަށް ކުރިމަތިވެފައިވާ ބޮޑު ގޮންޖެހުމެއްކަން ފާޅުކޮށްދެއެވެ.

ހުޅަނގު އައްސޭރީގައި އިޒްރޭލު ސިފައިން ޤާއިމުކޮށްފައިވާ 942 ޗެކްޕޮއިންޓާއި އެހެނިހެން ހުރަސްތަކުގެ ސަބަބުން ކުޑަކުދިންނަށް ގަޑިއަށް ސްކޫލަށް ދިއުމަށް ގިނަ ދަތިތަކާ ކުރިމަތިލާން ޖެހެއެވެ. މިކަމުގެ ސަބަބުން ބައެއް އާއިލާތަކުން، ކިޔެވުން ކުރިއަށް ގެންދިއުމަށްޓަކައި އެހެން ސަރަޙައްދުތަކަށް ބަދަލުވުމަށް މަޖުބޫރުވެފައިވާކަން 'ސޭވް ދަ ޗިލްޑްރަން' އިން ފާހަގަކޮށްފައިވެއެވެ.

މީގެ އިތުރުން، ދަރިވަރުން ގޮވައިގެން ދަތުރުކުރާ އުޅަނދުތައް ހުއްޓުވައި، ގަލާއި ދަނޑިބުރިން ޙަމަލާދީ ގެއްލުން ދިނުމާއި، އިޒްރޭލުގެ ހައްދުފަހަނައަޅާފައިވާ ވަޒަންވެރިން ސްކޫލް އިމާރާތްތަކަށް ވަދެގަތުމަށް މަސައްކަތް ކުރުމާއި، އިޒްރޭލު ސިފައިން ކަރުނަގޭސް ޖެހުމާއި، މަގުމަތިން ދަރިވަރުންނާއި މުދައްރިސުން ހިފެހެއްޓުމުގެ ޢަމަލުތައް ވަނީ އިންތިހާއަށް އިތުރުވެފައެވެ. މިކަންކަމުގެ ސަބަބުން ކުޑަކުދިންނަށް ނަފްސާނީ އަދި ޖިސްމާނީ ގޮތުން ބޮޑެތި އަސަރުތަކެއް ކުރަމުންދާކަމަށް 'ސޭވް ދަ ޗިލްޑްރަން' އިން ފާހަގަކޮށްފައިވެއެވެ.

މިކަމާ ގުޅިގެން 'ސޭވް ދަ ޗިލްޑްރަން' އިން ވަނީ ކުޑަކުދިންނަށާއި، މުދައްރިސުންނަށާއި، ތަޢުލީމީ މަރުކަޒުތަކަށް ދޭ ޙަމަލާތައް ވަގުތުން ހުއްޓައިލުމަށް ގޮވާލައިފައެވެ. އަދި ދަތުރުފަތުރަށް ހުރި ހުރަސްތައް ނައްތާލައި، ފަލަސްޠީނުގެ ސްކޫލްތަކަށް ފުރިހަމަ ރައްކާތެރިކަން ދިނުމަށް ވެސް އެ ޖަމްޢިއްޔާއިން ވަނީ ބައިނަލްއަޤުވާމީ މުޖުތަމަޢަށް ގޮވާލައިފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

މުސްލިމުންގެ އާބާދީ ކްރިސްޓިއަނުންނަށްވުރެ އިތުރުވާނެ ކަމަށް ލަފާކުރުމުން، ކްރިސްޓިއަނުން ކައިވެނިކޮށް ގިނައިން ދަރިން ހޯދުމަށް ގޮވާލައިފި
22 Nov 2026 ދުނިޔެ

މުސްލިމުންގެ އާބާދީ ކްރިސްޓިއަނުންނަށްވުރެ އިތުރުވާނެ ކަމަށް ލަފާކުރުމުން، ކްރިސްޓިއަނުން ކައިވެނިކޮށް ގިނައިން ދަރިން ހޯދުމަށް ގޮވާލައިފި

2035 ވަނަ އަހަރު އަންނަންވާއިރަށް ދުނިޔޭގެ އެންމެ ބޮޑު އާބާދީ އޮތް ދީނަކަށް އިސްލާމްދީން ވެގެންދާނެ ކަމަށް ދިރާސާއަކުން ދެއްކުމާ ގުޅިގެން، ކައިވެނިކޮށް ގިނައިން ދަރިން ހޯދުމަށް އެމެރިކާގެ ކުރީގެ ވައިޓް ހައުސް ޕްރެސް ސެކްރެޓަރީ ކެރޮލައިން ލީވިޓް ކްރިސްޓިއަނުންނަށް ގޮވާލައިފިއެވެ.

އިސްރާއީލުގައި ސަރުކާރެއް އެކުލަވާލުމަށް އައިޒެންކޮޓް، ނަތަންޔާހޫގެ ލިކުޑް ޕާޓީއަށް މަޝްވަރާއަށް ދައުވަތު ދީފި
22 Nov 2026 ދުނިޔެ

އިސްރާއީލުގައި ސަރުކާރެއް އެކުލަވާލުމަށް އައިޒެންކޮޓް، ނަތަންޔާހޫގެ ލިކުޑް ޕާޓީއަށް މަޝްވަރާއަށް ދައުވަތު ދީފި

އިސްރާއީލުގެ އާ ސަރުކާރެއް އެކުލަވާލުމުގެ މަސްއޫލިއްޔަތު ހަވާލުކުރެވިފައިވާ ކުރީގެ އަސްކަރީ ވެރިޔާ ގާޑީ އައިޒެންކޮޓް، ބެންޖަމިން ނަތަންޔާހޫގެ ކަނާތުފިޔައިގެ ލިކުޑް ޕާޓީއާ އެކު ކޯލިޝަން މަޝްވަރާތައް ފެށުމަށް ދައުވަތު ދީފިއެވެ.

ދީނީ އަދި ރޫޙާނީ ކަންކަމަށް އިސްކަންދޭ އުމުރުން ދުވަސްވީ މީހުންގެ ދިރިއުޅުން، ދީނާ ދުރުމީހުންނަށްވުރެ މާ އުފާވެރި: ދިރާސާ
22 Nov 2026 ދުނިޔެ

ދީނީ އަދި ރޫޙާނީ ކަންކަމަށް އިސްކަންދޭ އުމުރުން ދުވަސްވީ މީހުންގެ ދިރިއުޅުން، ދީނާ ދުރުމީހުންނަށްވުރެ މާ އުފާވެރި: ދިރާސާ

އުމުރުން ދުވަސްވާއިރު ދީނީ އަދި ރޫޙާނީ ކަންކަމަށް ލޯބިކުރާ މީހުންނަށް ދިރިއުޅުމުގައި ލިބޭ އުފާވެރިކަމާއި، ދިރިއުޅުމުގެ ފެންވަރު މާ ބޮޑަށް ރަނގަޅު ކަމަށް ބައިނަލްއަޤްވާމީ ފެންވަރުގައި ކުރެވުނު ދިރާސާއަކުން ދައްކައިފިއެވެ.

އިސްރާއީލުގެ މީހުންނާއި، ޖަމާޢަތްތަކަށް އޮސްޓްރޭލިޔާއިން ދަތިކުރުމުގެ ފިޔަވަޅު އަޅައިފި
18 Nov 2026 ދުނިޔެ

އިސްރާއީލުގެ މީހުންނާއި، ޖަމާޢަތްތަކަށް އޮސްޓްރޭލިޔާއިން ދަތިކުރުމުގެ ފިޔަވަޅު އަޅައިފި

އިސްރާއިލުން، ފަލަސްޠީނުގެ ހުޅަނގު އައްސޭރީގައި ބިން ފޭރުން އިތުރުކުރަމުންދާ މައްސަލައާ ގުޅިގެން، އިސްރާއީލުގެ ތިން ފަރުދަކަށާއި ހަތަރު ޖަމާޢަތަކާ ދެކޮޅަށް އޮސްޓްރޭލިޔާ ސަރުކާރުން ދަތިކުރުމުގެ ފިޔަވަޅު އަޅައިފިއެވެ.

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް: ރައީސް މުޢިއްޒު
15 Nov 2026 ހަބަރު

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް: ރައީސް މުޢިއްޒު

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް، އިރުމަތީ ޤުދުސްއަކީ އެ ޤައުމުގެ ވެރިރަށް ކަމުގައި ކަނޑައަޅައިގެން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ފަލަސްތީނުގެ ހުޅަނގު އައްސޭރީގައި އިތުރު 895 ޔަހޫދީ އާބާދީ ޔުނިޓް އިސްރާއީލުން އަޅަނީ
14 Nov 2026 ދުނިޔެ

ފަލަސްތީނުގެ ހުޅަނގު އައްސޭރީގައި އިތުރު 895 ޔަހޫދީ އާބާދީ ޔުނިޓް އިސްރާއީލުން އަޅަނީ

ފަލަސްތީނުގެ ރަސްމީ ނޫސް އެޖެންސީ، ވަފާއާ ހަވާލާދީ 'ކޮލޮނައިޒޭޝަން އެންޑް ވޯލް ރެސިސްޓެންސް ކޮމިޝަން' އިން މިކަން ވަނީ ކަށަވަރުކޮށްދީފައެވެ.

ޣައްޒާގެ ނާސިރު މެޑިކަލް ކޮމްޕްލެކްސްއަށް އިސްރާއީލުން ދިން ހަމަލާއަކީ ހަނގުރާމައިގެ ޖަރީމާއެއް: ހަމާސް
12 Nov 2026 ދުނިޔެ

ޣައްޒާގެ ނާސިރު މެޑިކަލް ކޮމްޕްލެކްސްއަށް އިސްރާއީލުން ދިން ހަމަލާއަކީ ހަނގުރާމައިގެ ޖަރީމާއެއް: ހަމާސް

އިސްރާއީލުން ދިން މި ހަމަލާގައި 6 މީހަކު ޝަހީދުވެ، މަދުވެގެން 20 މީހަކު ވަނީ ޒަހަމްވެފައެވެ.

އިސްރާއީލުން ޣައްޒާގެ މެޑިކަލް ކޮމްޕްލެކްސްއަކަށް ހަމަލާދީފި: އެކި ސަރަޙައްދުތަކުން 9 މީހުން ޝަހީދުކޮށްލައިފި
12 Nov 2026 ހަބަރު

އިސްރާއީލުން ޣައްޒާގެ މެޑިކަލް ކޮމްޕްލެކްސްއަކަށް ހަމަލާދީފި: އެކި ސަރަޙައްދުތަކުން 9 މީހުން ޝަހީދުކޮށްލައިފި

އިސްރާއީލުގެ ޓެރަރިސްޓް އިސްތިއުމާރީ ބާރުތަކުން ޣައްޒާގެ އެކި ސަރަޙައްދުތަކަށް ދިން ވަރުގަދަ ޙަމަލާތަކެއްގައި މަދުވެގެން ފަލަސްޠީނުގެ 9 މީހަކު ޝަހީދުކޮށްލައިފިއެވެ. މި ޙަމަލާތައް ދީފައި މިވަނީ، ޣައްޒާއަށް ބޯކޮށް ވާރޭވެހި ފެންބޮޑުވުމުގެ ސަބަބުން ޙާލުގައި ޖެހިފައިވާ އެތައް ލައްކަ ރައްޔިތުންނަށް ފެން ނުވަންނަ ފަދަ ޓެންޓުތައް ފޯރުކޮށްދިނުމަށް އދ. އިން އިލްތިމާސެއް ކޮށްފައިވާ ދަނޑިވަޅެއްގައެވެ.