އެޗްޑީސީން ޚިދުމަތް ހޯދަން ގުޅައި ކިޔުގައި މަޑުކުރާކަށް ދެން ނުޖެހޭނެ

ހައުސިންގް ޑިވެލޮޕްމަންޓް ކޯޕަރޭޝަން, އެޗްޑީސީން ޚިދުމަތް ހޯދަން ގުޅައި ކިޔުގައި މަޑުކުރާކަށް ދެން ނުޖެހޭނެ ކަމަށް އެ ކޯޕަރޭޝަނުން ބުނެފިއެވެ.

މީގެ ކުރިން އެޗްޑީސީން ޚިދުމަތް ހޯދުމަށާއި އެނޫން ކަންކަމުގައި މައުލޫމާތު ސާފުކުރުމަށް ގުޅަން ޖެހެނީ އެ ކޯޕަރޭޝަންގެ ހޮޓްލައިން ނަންބަރު 1516 އަށެވެ. އެގޮތަށް ގުޅައިގެން ބައެއްފަހަރު ކޯލް ކިޔޫގައި އެތައް އިރަކު މަޑު ކުރަން ޖެހުމުގެ ސަބަބުން އާއްމުން ޝަކުވާވެސް ކުރާއިރު، އެ މައްސަލަ އެޗްޑީސީން މިހާރު ވަނީ ހައްލު ކޮށްފައެވެ.

އެގޮތުން އެޗްޑީސީން ބުނީ، އެ ކޯޕަރޭޝަންގެ ޚިދުމަތް ހޯދުމަށް ކިޔޫގައި މަޑުކުރުމުގެ ބަދަލުގައި، މެސެޖަކުންވެސް ބޭނުން ކަމަކަށް އެދެވޭނެ ކަމަށެވެ.

އެގޮތުން، ފުރިހަމަ ނަމާއި، ގުޅޭނެ ފޯނު ނަންބަރު، އައިޑީކާޑު ނަަންބަރު އަދި ބޭނުންވާ ކަމެއް ލިޔުމަށްފަހު 7253535 މެޖެސު ކޮށްލުމުން، އެ ކޯޕަރޭޝަނުން އެ ފަރާތަކާއި ގުޅައިގެން އެކަމެއް ކުރިއަށް ގެންދާނެ ކަމަށްވެސް ބުނެފައިވެއެވެ.