ޕާކިސްތާނަށް އެހީވުމަށް އދން އަނެއްކާވެސް ގޮވާލައިފި

މިއަހަރުގެ ޖޫން މަހުގެ ފަހުކޮޅުން ފެށިގެން ޕާކިސްތާނަށް ކުރަމުންދާ މޫސުމީ ވިއްސާރައިގެ ސަބަބުން ހާލުގައި ޖެހިފައިވާ އެތައްހާސް އިންސާނީ އެހީ ފޯރުކޮށްދޭން ދުނިޔޭގެ ކާބޯތަކެއްޗާ ބެހޭ ޕުރޮގުރާމު (ޑަބްލިޔު.އެފް.ޕީ)އިން ބުނެފިއެވެ.

މޫސުމީ ވިއްސާރައިގެ ސަބަބުން އެތައް ހާސް ބައެއް ގެދޮރު ގެއްލިފައިވާއިރު، އެތައް ބަޔަކު ވަނީ ހާލުގައި ޖެހިފައެވެ. ޕާކިސްތާނުގައި ހާލުގައި ޖެހިފައިވާ މީހުންނަށް އެހީތެރިކަން ފޯރުކޮށްދިނުމަށް އިތުރަށް ފައިސާ ހޯދުމަށް ޑަބްލިޔު.އެފް.ޕީ.ގެ ފަރާތުން ޕާކިސްތާނަށް ކަނޑައަޅާފައި ހުންނަވާ ކަންޓްރީ ޑިރެކްޓަރ ކްރިސް ކޭއެ ވަނީ ގޮވާލައިފައެވެ.

ކޭއި ވިދާޅުވި ގޮތުގައި، ޕާކިސްތާނުގައި ޞިއްޙީ ކާރިސާއެއް ފެށިފައި މި ވަނީ ބޯކޮށް ވާރޭވެހުމުގެ ސަބަބުން ފެންބޮޑުވެފައިވާ ސަރަޙައްދުތަކުން ފެންގަނޑު ހިނދުން ލަސްވުމުގެ ސަބަބުންނެވެ. މި ކާރިސާގެ ސަބަބުން ރައްކާތެރި ގޮތުގައި ފާޚާނާ ކުރެވޭނެ އެއްވެސް ގޮތެއް ނެތް އިރު ހާމަ ތަންތަނަށް ފާޚާނާ ކުރަން ޖެހުމުގެ ސަބަބުން ނުރައްކާތެރި ބަލިތައް ފެތުރެމުންދާ ކަމުގައި އޭނާ ވިދާޅުވިއެވެ.

ޕާކިސްތާނަށް ބޯކޮށް ވާރޭ ވެހި ބޮޑު ސަރަހައްދެއްގައި ބޮޑުވެފައިވާ ފެންގަނޑު މިހާރު ހިނދެން ފަށާފައިވީ ނަމަވެސް އެ ހާދިސާގައި ގެދޮރު ހަލާކުވި އެތައް ހާސް ބަޔަކު މިހާރު ވެސް ދިރިއުޅެން ޖެހިފައިވަނީ، ސްކޫލްތަކާއި މައިދާންތަކުގައި ސަރުކާރުން ތައްޔާރުކޮށްދިން ވަގުތީ ހިޔާތަކުގަ އާއި، ހުސް ބިންތަކުގައި އެމީހުން އަމިއްލަ އަށް ހެދި ވަގުތީ ފޭލިގެތަކުގަ އެވެ.

ފެންބޮޑުވުމުގެ ސަބަބުންނާއި މިފަދަ އެހެނިހެން ކަންކަމުގެ ސަބަބުން ޕާކިސްތާނުގައި ފެނުގެ ޒަރީޢާއިން ޖެހޭ ބަލިތައް އަންނަނީ ހަލުވިކަމާއެކު ފެތުރެމުންނެވެ. އޭގެ ތެރޭގައި ބޭރަށް ހިންގުމާއި، ކޮލެރާއާއި، ހަމުގެ ބަލިތަކާއި، މެލޭރިއާ ފަދަ އެތައް ބަލިތަކެއް ހިމެނެއެވެ.

ކޭއި ވިދާޅުވީ، ފެންބޮޑުމުގެ ސަބަބުން އެގައުމުގައި މަދިރި ގިނަވެ މަދިރީގެ ޒަރީޢާއިން ފެތުރޭ ބަލިތައް ކަމުގައިވާ ބޭރަށް ހިންގުން ފަދަ ބަލިތައް ޢާންމުވެއްޖެ ކަމަށެވެ. މީގެ އިތުރުން މެލޭރިޔާ، ހަމުގެ ބަލިތައް ޖެހޭ މީހުންގެ އަދަދުވެސް އިތުރުވެފައިވާ ކަމަށް އޭނާ ވިދާޅުވިއެވެ.