އިސްރާއިލް ސިފައިން ކަމަލް އަދްވާނީ ހޮސްޕިޓަލް ވަށައިލައި، ބިރުވެރިކަން ފެތުރިފައި!

އިސްރާއީލުގެ ސިފައިން ފަލަސްތީނުގެ ޣައްޒާގެ އުތުރުގެ ކަމާލް އަދުވާން ހޮސްޕިޓަލް ވަށާލާފައިވާއިރު، އެ ހޮސްޕިޓަލް ތެރޭގައި އާންމުން ބިރުވެރިކަންމަތީ ތާށިވެފައި ތިބި ކަމަށް ޣައްޒާގެ ހެލްތު މިނިސްޓްރީން ބުނެފިއެވެ.

ފެސިލިޓީއާ ކައިރި އިސްރާއީލު ސިފައިން ކުރަމުންދާ ހަޅުތާލުތަކުގައި 100 އަށް ވުރެ ގިނަ މީހުން ޝަހީދުވެފައިވާ ކަމަށްވެސް އެ މިނިސްޓްރީގެ  ޑިރެކްޓަރު ޖެނެރަލް މުނީރު އަލް ބުރްޝް ކަމާލް މައުލޫމާތު ދެއެވެ.

"އިސްރާއީލުގެ އިސްތިއުމާރީ ބާރުތަކުން ހޮސްޕިޓަލްގެ ހުރިހާ ފަރާތެއް ވަނީ ވަށާލާފަ.  ބަޑިއާއި އާޓިލަރީ ޝެލްތައް ވަނީ ހޮސްޕިޓަލްތަކަށް އަމާޒުކޮށްފައި.ބަލި މީހުންނާއި އަނިޔާވެފައިވާ މީހުންނާއި ހޮސްޕިޓަލުގައި ހިޔާވަހިކަން ހޯދި މީހުން ތިބީ ބިރުވެރިކަމުގެ ތެރޭގައި."

އަލް ބުރްޝް ވިދާޅުވި އެވެ.

ހޮސްޕިޓަލުން ބޭރަށް ނުކުތުމަށށް މަސައްކަތް ކުރާ މީހުންނަށް އިސްރާއީލުގެ ސްނައިޕަރުން ހަމަލާ ދޭތީ ކަމާލް ހޮސްޕިޓަލްގެ ގޯތިތެރޭގައި ވަޅުނުލެވި ކަފުން ކޮށްފައިވާ ޝާހީދުންގެ ހަށިތައް ވަނީ އަތުރާލެވިފައެވެ.

ކަމާލް އަދުވާން ހޮސްޕިޓަލް ތެރޭގައިވެސް އަލްޝިފާ ހޮސްޕިޓަލް އާއި އިންޑޮނޭޝިއަން ހޮސްޕިޓަލް ގައި  ހިނގި ގޮތަށް ޤަތުލުއާންމެއް ހިނގައިދާނެތީ، އެކަމާއި އަލް ބުރްޝް ވަނީ  ކަންބޮޑުވުން ފާޅުކުރައްވާފައެވެ.