ފެންބޮޑުވުމުގައި ލިބުނު ގެއްލުން 40 ބިލިޔަން ޑޮލަރަށް އަރާނެ: މިފަތާހް

މިއަހަރުގެ ޖޫން މަހުގެ ފަހުކޮޅުން ފެށިގެން ޕާކިސްތާނަށް ކުރަމުންދާ މޫސުމީ ވިއްސާރައިގެ ސަބަބުން އެގައުމަށް ލިބުނު ގެއްލުން 40 ބިލިއަން ޑޮލަރަށް އަރާނެ ކަމަށް އެގައުމުގެ ކުރީގެ ފިނޭންސް މިނިސްޓަރ ވިދާޅުވެއްޖެއެވެ.

މޫސުމީ ވިއްސާރައިގެ ސަބަބުން އެތައް ހާސް ބައެއް ގެދޮރު ގެއްލިފައިވާއިރު، އެތައް ބަޔަކު ވަނީ ހާލުގައި ޖެހިފައެވެ.

ޕާކިސްތާނުގައި ހާލުގައި ޖެހިފައިވާ މީހުންނަށް އެހީތެރިކަން ފޯރުކޮށްދިނުމަށް އިތުރަށް ފައިސާ ހޯދުމަށް ޑަބްލިޔު.އެފް.ޕީ.ގެ ފަރާތުން ޕާކިސްތާނަށް ކަނޑައަޅާފައި ހުންނަވާ ކަންޓްރީ ޑިރެކްޓަރ ކްރިސް ކޭއެ ވަނީ ގޮވާލައިފައެވެ. މީގެ އިތުރުން ރާއްޖޭންވެސް ވަނީ ޕާކިސްތާނަށް އެހީވުމުގެ ގޮތުން ޓެލެތޯނެއް ހިންގައިފައެވެ.

ޕާކިސްތާނުގެ ކުރީގެ ފިނޭންސް މިނިސްޓަރު މިފަތާހް އިސްމާއިލް ވިދާޅުވީ 30 މިލިޔަން ނުވަތަ 40 މިލިޔަން ޑޮލަރު ދޭން އެއްބަސް ނުވެދާނެ ކަމަށާއި، އެހެންނަމަވެސް ބައިނަލްއަގްވާމީ އޭޖެންސީތަކުން ޕާކިސްތާނަށް އެހީތެރިވާން ޖެހޭ ކަމަށެވެ.

އަޅުގަނޑަށް ހީވަނީ އެމީހުން ރަނގަޅު 30 ބިލިއަން ޑޮލަރު ނުވަތަ 40 ބިލިއަން ޑޮލަރު އަޅުގަނޑުމެންނަށް ގެއްލުނު ކަމަކަށް ނުހަދާނެ ހެން، އެކަމަކު އަޅުގަނޑަށް ހީވަނީ ކޮންމެވެސް ވަރެއްގެ އެހީއެއް ވާން ޖެހޭނެހެން، އެއީ ބައިނަލްއަގުވާމީ އޭޖެންސީތަކުން ޕާކިސްތާނަށް އިތުރު ލޯނު ތައް ހޯދުން ކަމުގައި ވިޔަސް، އެއީ އެހެން ގައުމުތަކުން ޕާކިސްތާނަށް ލޯނު އަންޑަރރައިޓިން ދިނުން ކަމުގައި ވިޔަސް"

މާލީ ވަޒީރުކަމުގައި ހުންނެވި އިރު މިފްތާހު އިސްމާއިލް މިދިޔަ މަހުގެ ފަހުކޮޅު އަލްޖަޒީރާއަށް ވިދާޅުވި އެވެ.

ޕާކިސްތާނަށް ބޯކޮށް ވާރޭ ވެހި ބޮޑު ސަރަހައްދެއްގައި ބޮޑުވެފައިވާ ފެންގަނޑު މިހާރު ހިނދެން މިހާރު ވަނީ ފަށާފައެވެ. އެހެން ނަމަވެސް އެ ހާދިސާގައި ގެދޮރު ހަލާކުވި އެތައް ހާސް ބަޔަކު މިހާރު ވެސް ދިރިއުޅެން ޖެހިފައިވަނީ، ސްކޫލްތަކާއި މައިދާންތަކުގައި ސަރުކާރުން ތައްޔާރުކޮށްދިން ވަގުތީ ހިޔާތަކުގަ އާއި، ހުސް ބިންތަކުގައި އެމީހުން އަމިއްލަ އަށް ހެދި ވަގުތީ ފޭލިގެތަކުގަ އެވެ.

ފެންބޮޑުވުމުގެ ސަބަބުންނާއި މިފަދަ އެހެނިހެން ކަންކަމުގެ ސަބަބުން ޕާކިސްތާނުގައި ފެނުގެ ޒަރީޢާއިން ޖެހޭ ބަލިތައް އަންނަނީ ހަލުވިކަމާއެކު ފެތުރެމުންނެވެ. އޭގެ ތެރޭގައި ބޭރަށް ހިންގުމާއި، ކޮލެރާއާއި، ހަމުގެ ބަލިތަކާއި، މެލޭރިއާ ފަދަ އެތައް ބަލިތަކެއް ހިމެނެއެވެ.

ޕާކިސްތާނަކީ މޫސުމަށް އަންނަ ބަދަލުތަކުގެ ނުރައްކާ އެންމެ ބޮޑު 10 ގައުމުގެ ތެރޭގައި ހިމެނޭ ގައުމަކަށްވީ ނަމަވެސް، އެފަދަ ކާރިސާއަކަށް އެ ގައުމު އޮތީ ތައްޔާރަކަށް ނޫނެވެ.