ޣަޒާއަށް އެހީވުމަށް އައިއޭސީން އެމަރޖެންސީ ފަންޑެއް ހުޅުވާލައިފި

ހައްދުފަހަނައަޅާފައިވާ އިސްރާއީލުން ޣައްޒާއަށް ރޭ ދަންވަރު ދިން ބޮމުގެ ހަމަލާތަކުގައި ގެއްލުންވި ފަރާތްތަކަށް އެހީވުމަށް އިންޓަނޭޝަނަލް އެއިޑް ކެންޕެއިން، އައިއޭސީ އިން އެމަޖެންސީ ފަންޑެއް ހުޅުވައިފި އެވެ.

ރޭ ދަންވަރު އިސްރާއީލް އިން ޣައްޒާގެ ޚަންޔޫނިސް އަށް އަށް ދިން ބޮމުގެ ހަމަލާތަކުގައި ގިނަބަޔަކު ވަނީ ޝަހީދުކޮށްލާފައެވެ.

އެ ހަމަލާތައް ދަންވަރު 3:57 ވީއިރުވެސް ހުއްޓާލާފައި ނުވާއިރު އެންމެ ފަހުން ޓައިމްސް އޮފް ޣައްޒާއިން ހިއްސާ ކުރި މައުލޫމާތަށް ބަލާއިރު، އިސްރާއީލް އިން ރޭ ދިން ހަމަލާތަކުގައި 12 މީހަކު ވަނީ ޝަހީދު ވެފައެވެ. އަދި މި ހަމަލާތަކުގައި އިތުރު 20 މީހަކު ޒަހަމްވެފައިވާ ކަމަށްވެސް ބުނެފައިވެއެވެ. މި ބޮމުގެ ހަމަލާތަކުގައި ޝަހީދުވި މީހުންގެ ތެރޭގައި އަންހެނުންނާއި ކުޑަ ކުދިން ހިމެނޭ ކަމަށް މީޑިއާ ރިޕޯޓްތައް ބުނެއެވެ.

މީގެ އިތުރުން މި ހަމަލާތަކުގައި ބައެއް ތަންތަނަށްވެސް ބޮޑެތި ގެއްލުންތަކެއް ވަނީ ވެފައެެވެ.

މިކަމާއި ގުޅިގެން އައިއޭސީން ކުރި ޓުވީޓެއްގައި ބުނީ، ޣަޒާގެ ހާލަތާއި ގުޅޭގޮތުން މީސްމީޑިއާގައި އަދާހަމަ ހިއްސާކުރަމުންދާކަމަށެވެ.

އަދި މިހާލަތާއި ގުޅިގެން އައިއޭސީން އެމަރޖެންސީ ރިލީފް ފަންޑެއް ހުޅުވާލާފައިވާ ކަމަށާ، ފައިސާ ޖަމާ ކޮށްގެން ޣަޒާ އަށް އެހީވުމުގެ ފުރުސަތު ހުޅުވާލެވިފައިވާ ކަމަށްވެސް ބުނެފައިވެއެވެ.

ބީއެމްއެލް އިސްލާމިކް

އެކައުންޓް ނަމްބަރު: 7770000062741

އެކައުންޓް ނަން: International Aid Campaign

އެކައުންޓް ލޭބަލް: IAC | EMERGENCY

އައިއޭސީގެ ޕްރޮޖެކްޓް އަގުތައް ހެދިފައިވަނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށް ކަމަށް އެ ޖަމިއްޔާ އިން ބުނެއެވެ.