ފަހަތުން އަރައި ޖަޕާނު ބަލިކޮށް، ބްރެޒިލް ގަދަ 16 އަށް

ފަހަތުން އަރައި ޖަޕާނު ބަލިކުރުމަށްފަހު ވަރލްޑްކަޕް ގަދަ 16 ގެ ޖާގައެއް ބްރެޒިލް ހޯދައިފިއެވެ.

ވަރަށް ފޯޯރިގަދަ ކުޅުމެއް ފެނިގެންދިޔަ މިމެޗްގައި އެންމެން ހައިރާން ކޮށްލުމަށްފަހު، އެންމެ ފުރަތަމަ ލަނޑުޖަހައި ކުރި ހޯދާފައިވަނީ ޖަޕާނުންނެވެ. އެއީ މެޗްގެ 29 ވަނަ މިނެޓް ތެރޭގައި ޖަޕާނުގެ ކައިޝޫ ސާނޯ ކާމިޔާބުކޮށްދިން ލަނޑުންނެވެ.

މި ލަނޑު ކައިޝޫ ޖަހާފައިވަނީ، ކަސެމީރޯ ކައިރިން ވަރަށް ފަސޭހަކަމާއެކު ނައްޓާލުމަށްފަހު އޭރިއާ ބޭރުން ފޮނުވާލި ބޯޅަ ގޯލްތެރެއަށް ވައްދާލައިގެންނެވެ. މި ލަނޑާއެކު ބްރެޒިލް ޕްރެޝަރަށް ވެއްޓިގެންދިޔައިރު، ބްރެޒިލަށް ހަމަޖެހުމެއް ލިބިގެންދިޔައީ ދެވަނަ ހާފްގެ 56 ވަނަ މިނެޓް ތެރޭގައި ކަސެމީރޯ ޖަހައިދިން ލަނޑުންނެވެ.

ބްރެޒިލްގެ ލަނޑަށްފަހު އެޓީމް ވަނީ ކުޅުން ރަނގަޅުކޮށް ޖަޕާނުގެ ގޯލަށް ނުރައްކާ ކޮށްފައެވެ. މިގޮތުން އެންމެ ފާހަގަކޮށްލެވެނީ، ވިނީޝިއަސް ޖޫނިއާ ފޮނުވާލި ހަމަލާތަކެވެ.

ބްރެޒިލް މޮޅުކޮށްދިން ލަނޑު ކާމިޔާބުކޮށްދިނީ މެޗްގެ އިތުރުވަގުތުގެ ކުޅުމުގެ ތެރޭގައި މާޓިނެލީއެވެ. މި މުބާރާތުގައި ދެން ބްރެޒިލް ނިކުންނާނީ، އައިވަރީ ކޯސްޓާއި ނޯވޭ ބައްދަލުކުރާ މެޗުން މޮޅުވާ ޓީމަކާއެވެ.