އެލައިޑުން ސައިކަލުތަކަށް ޙާއްސަ ޕްރޮމޯޝަނެއް

އެލައިޑް އިންޝުއަރެންސް ކުންފުނީގެ 41 ވަނަ އަހަރީ ދުވަހުގެ މުނާސަބަތުގައި، ސައިކަލުތަކަށް ޚާއްޞަ މޮޓޯ ކޮމްޕްރިހެންސިވް ޕޮލިސީތަކުން 25 އިންސައްތައިގެ ބޮޑު ޑިސްކައުންޓެއް ދިނުމަށް ނިންމައިފިއެވެ.

މި ޕްރޮމޯޝަން ކުރިއަށްދާނީ މިހިނގާ ފެބުރުއަރީމަހުގެ އެއްވަނަ ދުވަހުން ފެށިގެން ކުރިއަށްދާއިރު، ޕްރޮމޯޝަންގެ ދަށުން ޑިސްކައުންޓް ދިނުމަށް ހަމަޖެހިފައިވަނީ އެންމެ ފުރަތަމަ ޕޮލިސީ ނަގާ 41 ކަސްޓަމަރުންނަށެވެ.

މި ޚާއްޞަ ޑިސްކައުންޓް ލިބޭނީ އެލައިޑްގެ އޮންލައިން ޕްލެޓްފޯމްތައް މެދުވެރިކޮށް އަލަށް މޮޓޯ ކޮމްޕްރިހެންސިވް ޕޮލިސީ ނަގާ ފަރާތްތަކަށެވެ. މީގެ ތެރޭގައި އެލައިޑް މޯބައިލް އެޕް އަދި "މައި އެލައިޑް" ޕޯޓަލް ހިމެނެއެވެ. ޕޭމަންޓް ދެއްކުމުގެ ކުރިން ޑިސްކައުންޓް އޮޓޮމެޓިކުން ހިސާބު ކުރެވޭނެ ކަމަށްވެސް އެ ކުންފުނިން މަޢުލޫމާތުދެއެވެ.

މަގުމަތީގެ އެކްސިޑެންޓްތައް ދުވަހަކަށް ވުރެ ދުވަހެއް އިތުރުވަމުން އަންނައިރު، މިއީ ތިމާގެ ސައިކަލްގެ ރައްކާތެރިކަން ކަށަވަރުކުރުމަށް އޮތް ވަރަށް ރަނގަޅު ފުރުސަތެކެވެ. އެކްސިޑެންޓެއް ހިނގައިފި ހާލަތެއްގައި އެލައިޑްގެ ކޮމްޕްރެހެންސިވް މޮޓޯ ޕްލޭނެއް އޮތުމުން ކުއްލިއަކަށް ކުރިމަތިވާ އެކްސިޑެންޓްތަކުގައި ގެއްލުން ލިބޭ ހިނދު ތިމާގެ އުޅަނދުގެ އިތުރުން ތިންވަނަ ފަރާތަކަށް ފަރާތެއްގެ އުޅަނދަށް ލިބޭ ގެއްލުން އުފުލަންޖެހޭ މާލީ ބުރައިންވެސް ސަލާމަތްވެއެވެ.

ކޮމްޕްރެހެންސިވް މޮޓޯ ޕްލޭނެއް ނަގާފައިވާކަމަށް ކުރިމަތިވާ އެކްސިޑެންޓްގައި ދުއްވާ މީހާއަށް ނުވަތަ ތިންވަނަ މީހަކަށް ކުރިމަތިވާ ޖިސްމާނީ ގެއްލުންތަކަށް ނުވަތަ ނިޔާވެއްޖެ ނަމަ 60،000 ރުފިޔާއާ ހަމައަށް ބަދަލު ނަގާދެވެއެވެ. މީގެ އިތުރުން ކުރިމަތިވާ އެހެނިހެން ގެއްލުންތަކުންވެސް މި ޕްލޭންގެ ދަށުން ބަދަލު ނަގާދެވެއެވެ.