ޔޫކްރެއިން އަންހެން މީހާގެ އުނދަގޫ އާންމުންނަށް؛ ފުލުހުންނަށް ރިޕޯޓް ނުކުރާތީ މައްސަލަ ނުބަލާ: ފުލުހުން
ޔޫކްރެއިންއަށް ނިސްބަތްވާ އަންހެން މީހާގެ އުނދަގޫ އާންމުންނަށް ކުރިމަތިވެފައިވާއިރު ފުލުހުންނަށް ރިޕޯޓް ކޮށްފައިނުވާތީ މައްސަލަ ނުބަލާ ކަމަށް ފުލުހުން ވިދާޅުވެއްޖެއެވެ.
ޑާރިއާ ސުމީނާ ނަަމަކަށް ކިޔާ ޔޫކްރެއިން އަށް ނިސްބަތްވާ 32 އަހަރުގެ އަންހެން މީހާއަކީ ރާއްޖޭގައި އެތައް އަހަރުތަކެއް ވަންދެން ދިރިއުޅެފައިވާ މީހެއްކަން އޭނާގެ މީސް މީޑިއާ އެކައުންޓްތަކުން އެނގިގެންދެއެވެ.
އެހެންނަމަވެސް ފަހަކަށް އައިސް އޭނާ އާންމުންނަށް އުނދާގޫވާހެން މަގުމަތީގައި ހަރަކާތްތެރިވެ، ކެފޭއެއްގެ މުވައްޒަފުންނަށް ފުރައްސާރަ ކުރާ ވީޑިއޯތަކެއް މީސް މީޑިއާގައި ވަނީ އާންމު ވެފައެވެ.
އެގޮތުން އެބް އެންޑް ފްލޯ ކެފޭގެ މުވައްޒަފަކަށް ހަޑިހުތުރު ބަހުން މުޚާތަބުކޮށް ފުރައްސާރަ ކުރާ ވީޑިއޯގައި އޭނާ ވަނީ މުވައްޒަފަށް ޖިންސީ ގޯނާކުރާނެ ކަމަށްވެސް ބުނެފައެވެ.
މިއާއިއެކު އާންމުންނަށް އުނދަގޫ ވާހެން މަގުމަތީގައި ނަށާ ވައްތަރު ޖައްސާ އެތަކެެއް ވީޑިއޯތަކެއްވެސް ވަނީ ފެންމަތިވެފައެވެ.
މިކަމާއި ގުޅިގެން 'ވޮއިސް' އިން ފުލުހުންނަށް ސުވާލުކުރުމުން ވިދާޅުވެފައިވަނީ މި މައްސަލަ ފުލުހުންނަށް ރިޕޯޓް ކޮށްފައިނުވާ ކަމަށެވެ.
އެހެންނަމަވެސް މި އަންހެން މީހާ މަޖްލިސް ކަންމަތީގައި އާންމުންނަށް އުނދަގޫވާހެން ހަރަކާތްތެރިވުމުން މީހުންތަކެއް އޭނާ ހިފަހައްޓާތަނުގެ ވީޑިއޯއެއް ވަނީ އާންމުވެފައެެވެ. މި ވީޑިއޯއިން އޭނާ ކައިރި ފުލުހުން ހަރަކާތްތެރިވާތަން ވެެސް ފެނިގެންދެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
