"ހިޔާ" އަށް އައު ބަސް ހުއްޓިއެއް
ހުޅުމާލެ ދެވަނަ ފިޔަވަހީގައި އޮންނަ ހިޔާ ސަރަހައްދުގައި އައު ބަސް ހުއްޓިއެއް އެމްޓީސީސީ އިން ހަދައިފިއެވެ.
އެމްޓީސީސީން މިއަދު ބުނީ ހިޔާ ޓަވަރުތަކުގެ ތެރެއިން 14، 15 އަދި 16 ވަނަ ޓަވަރުގައި ދިރިއުޅޭ ގިނަ ރައްޔިތުންގެ އެދުމަށް އާބަންކޯގެ އެހީއާއެކު ހިޔާ ސަރަހައްދުގެ އެޗް16 ގައި ބަސް ހުއްޓިއެއް ހަދައިފައިވާ ކަމަށެވެ. އެކުންފުނިން ބުނީ މިއަދުން ފެށިގެން އެކުންފުނީގެ ބަހުގެ ހިދުމަތުގައި ހިމެނޭ އާރު6، އާރު7، އާރު8 އަދި އާރު9 ގެ ބަސް ރޫޓްގެ ޚިދުމަތް ލިބެމުންދާނީ އެޗް16 ގައި އަލަށް ގާއިމްކޮށްފައިވާ ބަސް ހުއްޓި ކަމަށެވެ.
މީގެ އިތުށް އެމްޓީސީސީ އިން ބުނެފައިވަނީ މި ބަސް ހުއްޓީގެ ސަބަބުން އާރްޓީއެލް ބަހުގެ ހިދުމަތް ހޯދުމުގައި ގިނަ ލުއި ފަސޭހަތަކެއް ލިބިގެން ދާނެ ކަމަށެވެ.
ހުޅުމާލެ ދެވަނަ ފިޔަވަހީގެ ފަސް ހުއްޓިއަކަށް ބަސްތައް މިހާރު ހުއްޓައެވެ. ހިޔާ އަވަށަށް އިތުރުކުރި ބަސް ހުއްޓިއާއިއެކު މާލެއަށް ދަތުރުކުރާ ބަސްތައް ދެން ހަ ހުއްޓިއަކަށް ހުއްޓާނެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
