މުޢާޒް ރައީސް ނަޝީދަށް: ރައީސް ޔާމީނަށް އަނިޔާ ދެމުން ދިޔައިރު ހުރިހާ ބާރެއް އޮވެމެ މަނިކުފާނު ހުންނެވީ އަތްޖައްސަވަން
ފިތުނަ އުފައްދަން ނޫޅުއްވުމަށް މަޑަވެލި ދާއިރާގެ ކުރީގެ މެމްބަރ މުޢާޒް މުޙައްމަދު ރަޝީދު ކުރީގެ ރައީސް މުޙައްމަދު ނަޝީދަށް ގޮވައިލައިފިއެވެ.
މުޢާޒް މިފަދައިން ވިދާޅުވެފައިވަނީ އޭނާ ކުރެއްވެވި ޓްވީޓެއްގައެވެ.
އޭނާ މިހެން ވިދާޅުވީ ރައީސް ޢަބްދުﷲ ޔާމީން ޢަބްދުލްޤައްޔޫމް 5 އަހަރު ޖަލުގައި އެ ހުންނެވީ ޕީޕީއެމްގެ ލީޑަރޝިޕް އެގޮތަށް ބޭނުންވުމުން ކަމަށާއި ރައީސް ޔާމީން މިނިވަން ކުރަން މަސައްކަތް ކުރެވޭނީ ދަ ޑިމްކްރެޓްސް އަށް ކަމަށް ކުރީގެ ރައީސް ނަޝީދު ވިދާޅުވާ ވީޑިއޯ އެެއް ޙިއްސާ ކުރައްވަމުންނެވެ.
"ފިތުނަ އުފައްދަން ނޫޅުއްވާ، ރައީސް ޔާމީނަށް އަނިޔާ ދެމުން ދިޔައިރު ހުރިހާ ބާރެއް އޮވެމެ މަނިކުފާނު ހުންނެވީ އަތްޖައްސަވަން"
މުޢާޒް ވިދާލުވެފައިވެއެވެ.
މީގެ އިތުރުން މުޢާޒް ވިދާޅުވީ ރައީސް ނަޝީދާއި އެމްޑީޕީން އިން ޖުޑީޝަރީއަށް އަތާއި ފައި ނުބޭނި ނަމަ ރައީސް ޔާމީން ހުންނަވާނީ މިނިވަންކަންމަތީގައި ކަމަށެވެ.
"އިރާދަ ކުރެއްވިއްޔާ ރައީސް ޔާމީން ދާދި އަވަހަށް މިނިވަންވެގެންދާނެ، ރައީސް ޔާމީންގެ ހައްޤުގައި ދެންވެސް މަސައްކަތް ކުރާނީ ޕީޕީއެމްގެ މެންބަރުން"
މުޢާޒް ވިދާޅުވެފައިވެއެވެ.
ގދ ގައްދޫގައި ބޭއްވުނު ޖަލްސާއެއްގައި ވާހަކަދައްކަވަމުން ރައީސް ނަޝީދު ވިދާޅުވެފައިވަނީ އެމްޑީޕީއާއި ޕީޕީއެމްގެ ގިނަ މެންބަރުން ދަ ޑިމޮކްރޭޓްސްއަށް ވޯޓު ދޭނެކަމަށެވެ. އަދި ޕީޕީއެމްއިން ދަ ޑިމޮކްރޭޓްސްއާ ގުޅޭތާ 1 ހަފްތާތެރޭ ރައީސް ޔާމީން ގެއަށް ގެނެސްދީ ދޫކޮށްލާނެކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
