ބޮއިކޮޓް ކުރުމަށް ގޮވާލާ އަޑު ގަދަވެ ޕޫމާއިން އިޒްރާއިލްގެ ފުޓުބޯޅަ ޓީމްގެ ސްޕޮންސަރޝިޕް ހުއްޓާލަނީ
ޕޫމާ ކުންފުނީގެ އުފެއްދުންތައް ބޮއިކޮޓް ކުރުމަށް ގޮވާލާ އަޑު ގަދަވެ އިޒްރާއިލްގެ ފުޓްބޯޅަ ޓީމްގެ ސްޕޮންސަރޝިޕް ހުއްޓާލުމަށް އެކުންފުނިން ނިންމައިފިއެވެ.
ޕޫމާ ކުންފުނިން ބުނެފައިވަނީ އިޒްރާއިލް ޓީމުގެ ސްޕޮންސަރޝިޕް ހުއްޓާލުމަކީ މާކުރިންވެސް އެކުންފުނިން ނިންމައިފައިވާ ނިންމުމެއް ކަމަށާއި، އެނިންމުމަކީ ބޮއިކޮޓް ކުރުމަށް ގޮވައިލާއ ގޮވައިލުންތަކާއި ގުޅިގެން ނިންމި ނިންމުމެއް ނޫން ކަމަށެވެ.
ޕޫމާއިން ބުނެފައިވީނަމަވެސް އިޒްރާއިލުން ޣައްޒާއަށް ދޭން ފެށި ހަމަލާތަކާއި އެކު ޕޫމާ ބޮއިކޮޓްކުރުމަށް ދިޔައީ ގޮވާލަމުންނެވެ. އޒްރާއިލްގެ ހަމަލާތަކުގެ ސަބަބުން މިހާތަނަށް ޣައްޒާގެ 18000 މީހުން ވަނީ ޝަހީދުވެފައެވެ.
ރޮއިޓާސް ނިއުސް އެޖެންސީ އަށް ފޮނުވި އީމެއިލް އެއްގައި ޕޫމާއިން ބުނެފައިވަނީ 2024 ވަނަ އަހަރަށް އެކުންފުނިން އިޒްރާއިލްގެ ފުޓުބޯޅަ ޓީމާއި އެކު ހަދައިފައިވާ އެއްބަސްވުމުގެ މުއްދަތު ހަމަވާނެ ކަމަށާއި، އެ އެއްބަސްވުން ދެން އައު ނުކުރާނެ ކަމަށެވެ.
އިޒްރާއިލުން ޣައްޒާގައި ހިންގަމުންދާ ޤަތުލް ޢާންމަށް 2 މަސްވެފައި ވާއިރު ދުނިޔޭގެ މަޝްހޫރު ބްރޭންޑް ތަކުގެ ތެރެއިން އިޒްރާއިލަށް ވާގިވެެެރިވާ ބްރޭންޑްތަކާއި ކުންފުނިތައް ބޮއިކޮޓް ކުރުމަށް ދުނިޔޭގެ ކަންކޮޅުތަކުން ދަނީ ގޮވައިލަމުންނެވެ. އަދި މިކަމުގެ ސަބަބުން އެކުންފުނިތަކުން އަންނަނީ ބޮޑެތި ގެއްލުންތަކާއި ކުރިމަތިލަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
