ވެލާނާ އިންޓަރނޭޝަނަލް އެއާޕޯޓްގައި އަލިފާނުގެ ހާދިސާއެއް ހިނގައިފި
ވެލާނާ އިންޓަރނޭޝަނަލް އެއާޕޯޓް (ވީއައިއޭ) ގައި އަލިފާނުގެ ހާދިސާއެއް ހިނގައިފިއެވެ.
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ މީޑިއާ އޮފިޝަލަކު 'ވޮއިސް' އަށް ދެއްވި ބަސްދީގަތުމެއްގައި ވިދާޅުވެފައިވަނީ ވީއައިއޭގައި އަލިފާނުގެ ހާދިސާ ހިނގީ ކޮންސްޓްރަކްޝަން ސައިޓެއްގައި ހުރި ތާރު އަޅާ މެޝިނެއްގައި ރޯވުމުގެ ސަބަބުން ކަމަށެވެ.
އަދި މި ހާދިސާގައި އެއްވެސް ފަރާތަކަށް ގެއްލުމެއް ލިބިފައިނުވާ ކަމަށްވެސް ވަނީ ވިދާޅުވެފައެވެ.
އެމްއޭސީއެލްއިން މިކަމާއި ގުޅިގެން އާންމު ކޮށްފައިވާ މެސެޖްގައި ބުނެފައިވަނީ އެ އެއާޕޯޓްގެ ފަޔަރ އެންޑް ރެސްކިޔު ޚިދުމަތުން ނަގާފައިވާ އަވަސް ފިޔަވަޅުގެ ސަބަބުން އަލިފާނުގެ ހާދިސާ ކޮންޓްރޯލް ކުރެވިފައިވާ ކަމަށެވެ.
މިއާއިއެކު މި ހާދިސާގެ ސަބަބުން އެއާޕޯޓްގެ ޚިދުމަތްތަކަށް އެއްވެސް ވަރަކަށް ބުރޫއަރާފައިނުވާ ކަމަށް އެމްއޭސީއެލް އިން ވަނީ ފާހަގަކޮށްފައެވެ.
މީގެ އިތުރުން އެމްއޭސީލް އިން ވަނީ މިކަމުގެ ސަބަބުން ކުރިމަތިވި އެއްވެސް ދަތި އުނދަގުލަކަށް މާފަށް އެދި ސަލާމަތަކީ އެންމެ އިސްކަމެއްދޭ ކަން ކަމަށް ފާހަގަކޮށް ފަޔަރ އެންޑް ރެސްކިއު ޓީމްގެ އަވަސް އަދި ވަރުގަދަ ރައްދަށް ޝުކުރު އަދާ ކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
