މާލެއިން ގެއްލިގެން ހޯދަމުން ދިޔަ މީހާ ފެނިއްޖެ
މާލެއިން ގެއްލިގެން ހޯދަމުން ދިޔަ މީހާ ފެނިފައި ވާކަމަށް ފުލުހުން ބުނެފިއެވެ.
ގެއްލިގެން ހޯދަމުން ދިޔައީ ދ. ކުޑަހުވަދޫ / ދިލްކަޝްވިލާ، ޢަލީ ޢާތިފް ސާފީ އެވެ.
އޭނާ ގެއްލިގެން ފުލުހުން ކުރި އިއުލާނެއްގައި ބުނީ، ޢަލީ ޢާތިފް ސާފީ، މެއި 12 ވަނަ ދުވަހުން ފެށިގެން ހަބަރެއް ނުވެ، ގެއްލިގެން އާއިލާގެ ފަރާތުން ދ. ކުޑަހުވަދޫ ޕޮލިސް ސްޓޭޝަނަށް ރިޕޯޓްކޮށްފައިވަނީ މެއި 15 ވަނަ ދުވަހުގެ ވަގުތެއްގައި ކަމަށެވެ. އޭނާ އަކީ ރިސޯޓެއްގައި މަސައްކަތްކުރާ މީހެއްކަމާ އަދި މެއި 11 ވަނަ ދުވަހު އޭނާ މާލެއައި މައުލޫމާތު ފުލުހުންނަށްވަނީ ލިބިފައިވާ ކަމަށެވެ.
ފުލުހުން ބުނީ، ޢަލީ ޢާތިފް ސާފީ ގެއްލިގެން ރިޕޯޓުކުރުމާ ގުޅިގެން ފުލުހުންގެ ކަމާ ގުޅުންހުރި އެންމެހައި ބަހާތަކަށް އެކަމުގެ މަޢުލޫމާތު ފޯރުކޮށް، ޢަލީ ޢާތިފް ސާފީ ހޯދުމުގެ މަސައްކަތް ކުރަމުންދާ ކަމަށާ، ނަމަވެސް މިހާތަނަށް ފުލުހުންގެ އެކި ބަހާތަކުން ކުރެވުނު މަސައްކަތުން އޭރު ޢާތިފް ހޯދިފައި ނުވާ ކަމަށެވެ.
އެހެންކަމުން އޭނާއާއި ބެހޭ އެއްވެސް މައުލޫމާތެއް ލިބިފައިވާ ނަމަ، ފުލުހުންގެ ހޮޓްލައިން ނަންބަރު 3322111، ނުވަތަ ހުޅުމާލެ ފުރަތަމަ ފިޔަވަހީގެ ފުލުހުންގެ ނަންބަރު 9980062 އަށް ގުޅައި މައުލޫމާތު ހިއްސާކުރުމަށް ފުލުހުން އޭރު ވަނީ އެދިފައެވެ.
އެނާ ފެނުމާއެކު ފުލުހުން ކުރި ޓުވީޓެއްގައި ބުނީ، އޭނާ ފެނިފައި ވަނީ މާލެއިން ކަމަށާއި އޭނާގެ ހާލު ރަނގަޅު ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
