ރައީސް، އިދިކޮޅަށް: ހިޔާލީ ދުނިޔެއެއްގައި ތިބޭ، ސަރުކާރުން ރައްޔިތުންނާއެކީ ހަގީގީ ދުނިޔޭގައި ދާނީ ކުރިއަށް
އިދިކޮޅު މީހުން ޚިޔާލީ ދުނިޔެއެއްގައި ބައިތިއްބާފައި ސަރުކާރުން ރައްޔިތުންނާއެކީ ހަގީގީ ދުނިޔޭގައި ދާނީ ކުރިއަށް ކަމުގައި ވިދާޅުވެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، އިދިކޮޅު ފަރާތްތަކަށް ވަރުގަދަ ރައްދެއް ދެއްވައިފި އެވެ.
އިދިކޮޅު ފަރާތްތަކަށް އަމާޒުކޮށް ރައީސުލްޖުމްހޫރިއްޔާ މި ރައްދު ދެއްވީ މިރޭ އޮތް ހާއްސަ ޖަލްސާގަ އެވެ. މިރޭގެ ޖަލްސާ އަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރަށް ތިން އަހަރު ފުރުން ފާހަގަކުރުމަށް ބޭއްވި ޖަލްސާ އެކެވެ.
ހުޅުމާލެ، ސެންޓަރަލް ޕާކުގައި މިހާރު ޖަހާފައިވާ ބޮޑު ޓެންޓްގައި މިރޭ އޮތް ޖަލްސާގައި ރައީސް ވިދާޅުވީ އެމަނިކުފާނަކީ ހުސް ވާހަކަ ދައްކަވާނެ ބޭފުޅެއް ނޫން ކަމަށެވެ. އަދި ވާހަކަ ދައްކަވާނީ ނަތީޖާއިން ކަމުގައި ވިދާޅުވެ އިދިކޮޅު ފަރާތްތަކަށް ރައްދު ދެއްވި އެވެ.
"އަޅުގަނޑުމެން ވާހަކަ ދައްކާނީ ނަތީޖާއިން. ހުސް ވާހަކައެއް ނުދައްކާނަން. އަޅުގަނޑުމެން އުޅޭނީ ޙަޤީޤީ ދުނިޔޭގައި. އިދިކޮޅު މީހުން ޚިޔާލީ ދުނިޔެއެއްގައި ބައިތިއްބާފައި އަޅުގަނޑުމެންދާނީ ރައްޔިތުންނާއެކީ ޙަޤީޤީ ދުނިޔޭގައި ކުރިއަށް،" ރައީސް ވިދާޅުވި އެވެ.
ރައީސް މި މޭރުމުން ވާހަކަފުޅު ދެއްކެވީ ސަރުކާރުގެ ގިނަ ކާމިޔާބީ ފާހަގަ ކުރަައްވާ އެކަންކަން އޮޅުވާލުމަށް އިދިކޮޅު ފަރާތްތަކުން ވާހަކަ ދައްކަމުންދާކަން ފާހަގަކުރައްވަ އެވެ. ރަައީސް ވަނީ ވަތަނީ ހިދުމަތުގެ ޕްރަގްރާމްގެ ކާމިޔާބާއި ޒުވާން ޙާފިޒުންގެ ޕްރަގްރާމްގެ ކާމިޔާބީ އާއި އިގްތިސާދު ހަމަމަގަށް އެޅުވުމަށް ކުރެއްވި މަސައްކަތްޕުޅާއި ދިވެހިރާއްޖޭގެ މިނިވަންކަމާއި ސިޔާދަތުގެ ދިފާއުގައި އަދި އަސްކަރިއްޔާ ވަރުގަދަ ކުރުމަށް އެޅިފައިވާ މުހިންމު ފިޔަވަޅުތައް އެމަނިކުފާނު ފާހަގަ ކުރެއްވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް