ޕާކިސްތާނު ސަރުކާރުގެ އެހީގަައި މަރުކަޒުގެ ކާޕެޓް އައުކުރަނީ
މަސްޖިދުލް ސުލްޠާން މުޙައްމަދު ތަކުރުފާނުލް އައުޡަމު (އިސްލާމީ މަރުކަޒު)ގެ ކާޕެޓް އައުކުރުމަށް ޕާކިސްތާނުގެ އެހީތެރިކަން ލިބިފައިވާ ކަމަށް އިސްލާމިކް މިނިސްޓްރީން ބުނެފި އެވެ.
އެ މިނިސްޓްރީން ބުނީ މަރުކަޒުގެ އިސްލާމީ މަރުކަޒުގެ ކާޕެޓް އައުކުރުމަށް ޕާކިސްތާނު ސަރުކާރުން ދީލަތި އެހީއެއް ދީފައިވާ ކަމަށެވެ. އެކަމުގެ ރަމްޒީ އެހީ މިއަދު ވަނީ މިނިސްޓްރީއާ ހަވާލުކޮށްފަ އެވެ.
ނަމަވެސް މުޅި އެހީގެ ފުރިހަމަ ތަފްސީލެއް މިނިސްޓްރީން ހާމައެއް ނުކުރެ އެވެ. އެ މިނިސްޓްރީން ބުނީ ބައިބައި ކުރިއަށް ގެންދާ އެ މަޝްރޫއު ނިމުމުން ތަފްސީލް ހާމަ ކުރާނެ ކަަމަށެވެ.
ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި މީގެ 40 އަހަރު ކުރީން މަރުކަޒު ބިނާކުރިއިރުވެސް މިސްކިތުގެ ބަޔަށް ކާޕެޓް ހަދިޔާ ކުރީ ޕާކިސްތާނުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް