ހިތަދޫގައި ހިނގި އަލިފާނުގެ ހާދިސާއެއްގައި ގެއެއް އަނދައިފި
ސި ހިތަދޫގައި ރޭ ދަންވަރު ހިނގި އަލިފާނުގެ ހާދިސާއެއްގައި ގެއެއް އަނދައިފި އެވެ.
އެ ހާދިސާ ހިނގާފައިވަނީ ހިތަދޫ މާކޯޅި ގޭގައިކަމަށް ނެޝަނަލް ޑިޒާސްޓާ މެނޭޖުމަންޓު ސެންޓަރުން ވަނީ ހާމަކޮށްފަ އެވެ.
އެން.ޑީ.އެމް.އޭއިން ބުނީ އެ ހާދިސާގައި ގެއަށް ވަރަށް ބޮޑު ގެއްލުމެއް ލިބިފައިވާ ކަމަށެވެ. އަދި ގޭގައި ދިރިއުޅެމުންދާ ފަރާތްތައް ވަގުތީ ބޯހިޔާވަހިކަމަށް ބަދަލުކުރެވިފައި ވާ ކަމަށެވެ.
އޭގެ އިތުރުން އެ ރަށު ކައުންސިލާއި ގުޅިގެން އެ ފަރާތްތަކަށް ފޯރުކޮށްދޭން ޖެހޭ އެހީތެރިކަން ފޯރުކޮށްދިނުމުގެ މަސައްކަތް އެންޑީއެމްއޭއިން ކުރަމުންދާ ކަމަށް އެ އިދާރާއިން ވަނީ މައުލޫމާތު ދީފަ އެވެ.
މި ހާދިސާ ހިނގަން މެދުވެރިވި ސަބަބު އަދި މިހާތަނަށް ކަމާގުޅުންހުރި އިދާރާއަކުން ހާމަކޮށްފައެއް ނުވެއެވެ. އެހެން ނަމަވެސް މި މައްސަލަ ބަލަމުންދާކަމަށް ފުލުހުން ވަނީ ބުނެފަ އެވެ.
ހާސިދާއާއި ގުޅިގެން ގެއާއި މުދަލަށް ބޮޑެތި ގެއްލުންތަކެއް ލިބުނު ނަމަވެސް އެއްވެސް މީހަކަށް އަނިޔާއެއް ލިބިފައެއް ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
