ރަތް ކަނޑުގައި ދޭ ހަމަލާތަކުގައި އީރާނުގެ އަތެއްވާކަމަށް އެމެރިކާއިން ތުހުމަތުކޮށްފި
ރަތް ކަނޑުގައި ޙޫޘީން ދެމުންގެންދާ ހަމަލަތަކުގައި އީރާނުގެ ބައިވެރިވުންވާކަމަށް އެމެރިކާއިން ތުހުމަތުކޮށްފިއެވެ.
ރަތް ކަނޑުގައި ދަތުރުކުރަމުންދާ ވިޔަފާރި ބޯޓުތަކަށް ޙޫޘީން ހަމަލަދެމުންދާއިރު، އިސްރާއީލާ ގުޅިފައިވާ އެހެން ވިޔަފާރި އުޅަނދެއް ވެސް މި ހަމަލަތަކުގެ އަމާޒަކަށްވެފައިވާ ކަމަށް ރިޕޯޓްތައް ބުނެއެވެ.
ޙޫޘީންނަށް އީރާނުން ތާއީދުކުރުމުގެ ގޮތުން ހަތިޔާރާއި ޓެކްޓިކަލް އިންޓެލިޖެންސްގެ އެހީދޭކަމަށް އެމެރިކާގެ ވައިޓް ހައުސްއިން ހުކުރު ދުވަހު ބުނެފައިވަނީ ހަމަލާތަކުގައި އީރާނުގެ ބައިވެރިވުން ދައްކާ ކަމަށް ބުނެ ކްލެސިފައިޑް އިންޓެލިޖެންސް ހުށަހަޅައިގެންނެވެ.
އެހެންނަމަވެސް އީރާނުން ވަނީ މި ތުހުމަތުތައް ތަކުރާރުކޮށް ދޮގުކޮށްފައެވެ.
"އަޅުގަނޑުމެންނަށް އެނގޭ، ރަތް ކަނޑުގައި ވިޔަފާރި އުޅަނދުތަކާ ދެކޮޅަށް ހިންގާ އޮޕަރޭޝަންތައް ރޭވުމުގައި އީރާނުން ވަރަށް ބޮޑަށް ބައިވެރިވިކަން"
ވައިޓް ހައުސްގެ ގައުމީ ސަލާމަތާ ބެހޭ ތަރުޖަމާނު އެޑްރިއެން ވޮޓްސަން ވިދާޅުވިއެވެ.
ވައިޓް ހައުސް އިން ބުނީ ވިޝުއަލް އެނަލިސިސް އިން ދައްކާ ގޮތުގައި އީރާނުގެ ކޭއޭއެސް-04 ޑްރޯންތަކާއި ޙޫޘީން ބޭނުންކުރާ އުޅަނދުތަކުގެ އިތުރުން ޙޫޘީންގެ މިސައިލްތަކުގައި އީރާނުގެ މިސައިލްތަކާއި އެއްގޮތް ސިފަތަކެއް ހުރި ކަމަށެވެ.
އެހެންނަމަވެސް ޙޫޘީން ބުނީ މިއީ އެމީހުން އަމިއްލަ އަށް އަމިއްލަ އީޖާދެއް ކަމަށެވެ.
ޙޫޘީންގެ ޖަމާޢަތުން އަންނަނީ ޑްރޯންތަކާއި މިސައިލްތައް ބޭނުންކޮށްގެން އަނިޔާވެރި އިސްރާއީލަށް ހަމަލާތައް އަމާޒު ކުރަމުންނެވެ. މިގޮތުން މިދިޔަ މަހު ރަތް ކަނޑުގައި އިސްރާއީލާ ގުޅިފައިވާ ވެހިކަލް ޓްރާންސްޕޯޓް ބޯޓެއް ޙޫޘީން ވަނީ އަތުލައިގެންފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
