ދެވަނަ ބުރަކަށް ގެންދަން އުޅެނީ ޑީލު ހަދައިގެން އޭގެން އަމިއްލަ ފައިދާ ހޯދަން: ރައީސް ޞާލިޙް
ބޭނުންފުޅުވެލައްވަނީ އިންތިޚާބު އެއްބުރުން ނިންމަވާން ކަމަށާއި އެމަންޒަރު މިހާރު އެބަ ފެންނަކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ރައީސް މިހެން ވިދާޅުވީ ތ.އަތޮޅަށް ކުރައްވަމުން ގެންދަވަ ކެމްޕޭނު ދަތުރުފުޅުގައި ރޭ އަތޮޅު ތިމަރަފުއްޓަށް ވަޑައިގެން އެރަށު ރައްޔިތުންނާއި އެކު ބޭއްވުނު ޖަލްސާގައި ވާހަކަފުޅު ދައްކަވަމުންނެވެ.
"ކުރިމަތިލައްވާފައި ތިއްބެވި ބޭފުޅުންގެ ތެރޭގައި އެބަތިއްބެވި ކޮންމެހެން ވެރިކަމަށް އަންނަން ބޭނުންނުވާ ބައިބައިކޮށްލައި އިންތިޚާބު ދެވަނަ ބުރަކަށް ގެންދަން މަސައްކަތް ކުރާ ބޭފުޅުންތަކެއް އެބަތިއްބެވި، ބޭނުންވަނީ ދެވަނަ ބުރުގައި ކޮންމެވެސް ބަޔަކާއި ޑީލެއް ހަދައިގެން އަމިއްލައަށް އޭގެން ފައިދާތަކެއް ހޯދުން" ރައީސް ޞާލިޙް ވިދާޅުވިއެވެ.
ރައީސް ޞާލިޙް ވިދާޅުވީ އެފުރުސަތު ނުދެއްވުމަކީ ވަރަށް މުހިންމު ކަމެއް ކަމަށާއި، އެއީ ރާއްޖެއަށް އެންމެ ރަނގަޅު ގޮތް ނޫން ކަމަށެވެ.
"ބޭނުންވަނީ އެއްބުރުން މިކަން ނިންމަން، އިރާދަކުރެއްވިއްޔާ އެމަންޒަރު އަޅުގަނޑުމެންނަށް ރާއްޖޭގެ އެކި ކަންކޮޅުތަކުން އެބަފެނޭ، ކުރިއަށް އޮތް ރިޔާސީ އިންތިޚާބު އަޅުގަނޑުމެން ކާމިޔާބު ކުރާނީ ރާއްޖޭގައި މިހާތަނަށް އިންތިޚާބެއް ކާމިޔާބު ކުރާ އެންމެ ތަފާތުބޮޑު އަޣްލަބިއްޔަތުން"
ރައީސް އިބްރާހިމް މުޙައްމަދު ޞާލިޙް
އަދި އިންތިޚާބު ކާމިޔާބު ކުރައްވާނީ އެއްބުރުން ކަމަށް އެމަނިކުފާނު ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
