ރައްޔިތުންނަށް އުނދަގޫ ވާގޮތަށް ހުރި ޓްރާންސްފޯމަރުތައް މަގުމަތިން ނަގައިފި
ރައްޔިތުންނަށް އުނދަގޫ ވާ ގޮތަށްހުރި ޓްރާންސްފޯމަރުތައް ސްޓެލްކޯއިން މަގުމަތިން ނަގައިފިއެވެ.
މިކަމާއި ބެހޭގޮތުން އެ ކުންފުނީގެ މެނޭޖިން ޑިރެކްޓަރ ހުސެން ފަހުމީ އެކްސް ގައި ކުރެއްވި ޕޯސްޓެއްގައި ވިދާޅުވީ ކުޑަ ދުވަސްކޮޅެއްގެ ތެރޭގައި ޓްރާންފޯމަރު ތައް ނަގާފައި ވާކަމަށާއި އާ އަހަރު އެއްވެސް ހުރަހެއްނެތި އެ މަގުން ރައްޔިތުންނަށް ދަތުރު ކުރެވޭނެ ކަމަށެވެ.
ފަހުމީ ވިދާޅުވީ މި ތަކެތި ނަގާފައި މިވަނީ ރައްޔިތުންނަށް ތަކުލީފަކަށްވާ ހުރިހާ ކަމަކުން މިންޖު ކުރުމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކުރައްވަމުންގެންދަވާ މަސައްކަތްޕުޅުތަކުގެ ތެރެއިން، ދެއްވި ހަރުދަނާ އިރުޝާދުތަކާއި އެކު ކަމަށެވެ.
"މާތްﷲގެ އިރާދަފުޅާއެކު، އައު އަހަރު އެއްވެސް ހުރަހެއްނެތި އެމަގުން ރައްޔިތުންނަށް ދަތުރު ކުރެވި އޭގެ ފަސޭހަ ލިބިގެންދާނެ. ދިވެހީންގެ ރާއްޖޭގައި ކަންކަން ހިނގަމުންދާނީ ރައްޔިތުން އެދޭގޮތަށް"
ފަހުމީ ވިދާޅުވިއެވެ.
ސްޓެލްކޯގެ މެނޭޖިން ޑިރެކްޓަރުކަމާއި ހަވާލުވެވަޑައިގަތުމަށް ފަހު, ފަހުމީ ފެއްޓެވި އެއް މަސައްކަތަކީ މާވެޔޮ މިސްކިތް ހުންނަ ސަރަހައްދުގައި ބަހައްޓާފައިވާ ޓްރާންސްފޯމަރުތައް ނެގުމުގެ މަސައްކަތެވެ. ޓްރާންސްފޯމަރު ނެގުމުގެ މަސައްކަތް ސްޓެލްކޯއިން ފުރިހަމަކޮށްފައި މިވަނީ ގާތްގަނޑަކަށް މަސް ދުވަހުގެ މަސައްކަތުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
