ވައިޓް ހައުސްގެ ޕްރެސް ސެކްރެޓަރީ ކޭޓީ 5 ދުވަސް ނުވަނީސް މަގާމުން ވަކިކޮށްފި

ވައިޓް ހައުސް ޕްރެސް ސެކްރެޓަރީ ކެޓީ ޒަކާރިއާ، މަގާމާ ހަވާލުވިތާ 5 ދުވަސް ނުވަނީސް އެ މަގާމުން ވަކިކޮށްފިއެވެ.

ޒަކާރިއާގެ ފުރަތަމަ ނޫސްވެރިންގެ ބައްދަލުވުން އަންގާރަ ދުވަހު ބޭއްވިއިރު، އެ ބައްދަލުވުން 15 މިނެޓަށް ދެމިގެންދިޔައިރު ޖަވާބުދެއްވީ ހަމައެކަނި ތިން ނޫސްވެރިއެއްގެ ސުވާލަކަށެވެ. އެ ބައްދަލުވުމުގައި ޒަކާރިއާ ފެނިގެން ދިޔައީ ފާޅުކަން ބޮޑު ގޮތެއްގައި ހާސްވެފައި ހުރި ތަނެވެ. ނޯޓު ފޮތަކުން ވާހަކަ ދައްކަމުން ނުކުތާތައް ކިޔައި، ދައްކަން ނުޖެހޭ ބައެއް ވާހަކަތައްވެސް ވަނީ ދައްކާފައެވެ.

އެ ބައްދަލުވުމާ ގުޅިގެން މީޑިއާގެ ފާޑުކިޔުންތައް އެކަމަނާއަށް އަމާޒުވެގެން ދިޔައިރު، ޖެހިގެން އައި ދުވަސްތަކުގައި އޭނާގެ ތަޖުރިބާއާއި ސެޓިފިކެޓްތަކާ ބެހޭ ގޮތުން ނޫސްތަކުން ކެނޑިނޭޅި ދިޔައީ ސުވާލު އުފައްދަމުންނެވެ. އެންމެފަހުން ނޫސްވެރިން ސުވާލުތައް ކުރިމަތިކުރުމުން ޒަކާރިއާ ވަނީ، ގާނޫނީ ވަކީލުކަމުގެ ބާ އެގްޒާމް ފާސް ނުވާ ކަމަށްވެސް އެއްބަސްވެފައެވެ. އެހެން ނަމަވެސް، ޗައިނާގައި ބައިނަލްއަގުވާމީ ވިޔަފާރީގެ ގާނޫނީ ދާއިރާގައި އެކަށީގެންވާ ސެޓިފިކެޓްތަކާ އެކު މަސައްކަތް ކޮށްފައިވާ ކަމަށް ބަޔާނެއް މެދުވެރިކޮށް ބުނެފައިވެއެވެ.

މިކަމާ ގުޅިގެން އެމެރިކާގެ ރައީސް ޑޮނާލްޑް ޓްރަމްޕްވެސް ވަނީ ކެޓީ ޒަކާރިއާ ބޭނުން ނުވާނަމަ އެކަން މަގާމުުގައި ކޮންމެހެން މަޑުކުރަން މަޖުބޫރު ނުވާނޭ ބުނެފައިވާކަމަށް ވިދާޅުވެފައެވެ.