"މަސްޖިދުއް ސަލާމް" ސީރިޔާގައި ދިވެހިންގެ އެހީގައި ބިނާކޮށްފައިވާ ޗާލު މިސްކިތެއް
އިންޓަރނޭޝަނަލް އެއިޑް ކެމްޕޭނުގެ ދަށުން ހިންގާ "ތަޖްރީ" ޕްރޮގްރާމްގެ ދަށުން ސީރިޔާގައި ދިވެހިންގެ ނަމުގައި މިސްކިތެއް ބިނާ ކޮށް ހުޅުވައިފިއެވެ.
އައިއޭސީއިން ބުނެފައިވަނީ ތަޖްރީ އަކީ އަބަދުވެސް ހުޅުވާލެވިފައިވާ ފަންޑެއްކަމަށެވެ.
ދެމިގެންދަނިވި ޞަދަޤާތުގެ އެކި އެކި ޕްރޮޖެކްޓްތަކެއް ތަޖްރީގެ ތެރެއިން ކުރިއަށް ގެންދެވޭ ކަމަށް ވެސް އައިއެސީ އިން ބުނެއެވެ.
"އެބޭފުޅަކަށް ދެވުނު މިންވަރެއް ދީގެން މި ޞަދަޤާ ޖާރިޔާގައި ބައިވެރިވެވޭ ގޮތަށް މި އޮންނަނީ. ފޮޓޯތަކުން މިފެންނަ މިސްކިތަކީ ހަމަ މިގޮތަށް ތަޖްރީއަށް ޑޮނޭޓް ކޮށްގެން ތިބޭފުޅުންގެ ނަމުގައި, ދިވެހިންގެ ނަމުގައި ސީރިޔާގައި ބިނާކޮށް ހުޅުވުނު މިސްކިތެއް" އައިއޭސީއިން ބުނެފައިވެއެވެ.
އައިއޭސީ އިން ބުނީ މި މިސްކިތުގައި 500 މީހުންނަށް ނަމާދުކުރެވޭނެ ޖާގަ އޮންނާނެކަމަށެވެ. އަދި މިސްކިތް ފުރިހަމަ ކުރެވިފައި ވަނީ ލިބެން ހުރި އެންމެ ފެންވަރު ރަނގަޅު, ދިގު މުއްދަތަކަށް ހުންނާނެފަދަ ވަސީލަތްތަށް ބޭނުންކޮށްގެން ކަމަށްވެސް ބުނެފައިވެއެވެ.
އައިއޭސީ އިން ބުނީ މި މިސްކިތުގައި ނަމާދުކުރުމުގެ އިތުރުން ޤުރުއާން ކިޔަވަދިނުންފަދަ ޕްރޮގްރާމްތަށް ކުރިއަށް ގެންދާނެ ކަމަށެވެ.
ތަޖްރީ ޕްރޮގްރާމްގެ ދަށުން އައިއޭސީ އިން މިވަގުތު ދަނީ ޔަމަނުގައި ތިބި ސާފު ބޯފެން ނުލިބޭ އަދި ހޯދުމަށް ދަތިވެފައިވާ ފަރާތްތަކަށް ސާފު ބޯފެން ހޯދައިދިނުމަށް ފަންޑު ހޯދުމަށް ހުޅުވައިލައިފައެވެ. އައިއޭސީ އިން ބުނެފައިވަނީ މި ޕްރޮޖެކްޓަކީ 1160 އާއިލާ ދިރިއުޅޭ ސަރަހައްދަކަށް ޚާއްސަ ކޮށްގެން ކުރިއަށް ގެންދާ ޕްރޮޖެކްޓެއް ކަމަށެވެ.
މި ޕްރޮޖެކްޓްގެ ސަބަބުން ފެނަށް ޖެހި، ސާފު ފެން ނުލިބި ތިބި އާއިލާތަކަށް ލުޔެއް ލިބިގެންދާނެ ކަމަށާއި، އަދި ފެންފޮދެއް ބޭނުންނަމަ އެތަކެއް ކިލޯ މީޓަރަށް އެހިނގަން ޖެހޭ ހިނގުން ނިމުމަކަށް އަންނާނެ ކަމަށެވެ.
މީގެ އިތުރުން ތަޖްރީއަށް އަބަދުވެސް ޑޮނޭޓް ކުރެވޭގޮތަށް މި ޕްރޮޖެކްޓަށްވެސް ބޭނުން އަދަދަކުން އެހީވެވޭނެކަމަށް ބުނެފައިވެއެވެ.
ބީއެމްއެލް އިސްލާމިކް
އެކައުންޓް ނަމްބަރު: 7770000062742
އެކައުންޓް ނަން: International Aid Campaign
އެކައުންޓް ލޭބަލް: SADAQA JARIYA | IAC
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
