ކުރިއަށް އޮތް 24 ގަޑިއިރު ވެސް މުޅި ރާއްޖެއަށް ވިއްސާރަކުރާނެ: މެޓް

ކުރިއަށް މިއޮތް 24 ގަޑިއިރު ތެރޭއިވެސް މުޅިރާއްޖެއަށް ވިއްސާރަ ކުރާނެކަމަށް ރާއްޖެގެ މޫސުމާއި ބެހޭ ޤައުމީ ޢިދާރާ ޑިޕާރޓްމަންޓު އޮފް މީޓަރަލޮޖީ މެޓް އިން ހާމަކޮށްފިއެވެ.

އެގޮތުން މޫސުމާއި ބެހޭ ޤައުމީ ޢިދާރާއިން މަޢުލޫމާތު ދެއްވާ ގޮތުގައި ކުރިއަށް އޮތް 24 ގަޑިއިރު ތެރޭގައި މެދުރާއްޖެ ތެރެ އާއި އުތުރުގެ ހިސާބުތަކަށް 10 މޭލާއި 20 މޭލާއި ދޭތެރޭގައި ވައި ޖެހޭނެއެވެ. އަދި  ވިލާގަނޑުގައި 35 މޭލަށް ވައިގަދަވެގެންދާނެ ކަމަށްވެސް އެ ޢިދާރާއިން ލަފާ ކުރައްވައެވެ.

މީގެ އިތުރުން ހުޅުމާލެ އާއި ހަނިމާދޫއަށް ގަޑިއަކު 10 މޭލާއި 20 މޭލާ ދެމެދަށް ވައިޖޭނެކަމަށް ލަފާކުރާއިރު ރާޅުގެ އުސްމިން 4 ފޫޓައި 7 ފޫޓަށް އުފުލޭނެ ކަމަށްވެސް ޤައުމީ މޫސުމާއި ބެހޭ ޢިދާރާއިން ލަފާކުރައްވައެވެ. މީގެ އިތުރުން ރާއްޖޭގެ ދެކުނުން ކާޑެއްދޫ އާއި ކައްދޫ އަދި ގަމަށް ގަޑިއަކު 5 މޭލާއި 10 މޭލަށް ވައި ޖެހޭނެ ކަމަށްވެސް ލަފާ ކުރައްވައެވެ. މި ސަރަހައްދުތަކަށް ވިލާގަނޑުގައި ވައި ގަދަވާނެކަމަށް ލަފާކުރައްވާއިރު ރާޅުގެ އުސްމިން ހުންނާނެ ކަމަށް ލަފާ ކުރައްވަނީ 2 ފޫޓާއި 5 ފޫޓައި ދެމެދުގައެވެ.

ރާއްޖޭގެ ހުރިހާ ސަރަހައްދެއްގެ މޫސުން ގޯސް ވާނެކަމަށް ޤައުމީ މޫސުމާއި ބެހޭ ޢިދާރާއިން ލަފާ ކުރައްވާއިރު ރާއްޖޭގެ އުތުރާއި މެދު ރާއްޖެތެރޭގެ ކަނޑުތައް ގަދަވި ނަމަވެސް ރާއްޖޭގެ ދެކުނުގެ ސަހައްދުތަކުގެ ކަނޑުތައް އާދައިގެ ވަރަކަށް މަޑުވާނެކަމަށް ޤައުމީ މޫސުމާއި ބެހޭ ޢިދާރާއިން މަޢުލޫމަތު ދެއްވައެވެ.

މިހެންކަމާއި އެކު ކަނޑުދަތުރު ފަތުރު ކުރައްވާ ފަރާތްތަކުން މޫސުމަށް ބަލައިގެން ދަތުރު ކުރެއްވުމަށް އެފަރާތުން އިލްތިމާސް ކުރައްވައެވެ.