ރާއްޖޭގައި ހިންދޫ ދީނުގެ ކްލާސް ހިންގާކަން، 'ގުރޫ' ކަށަވަރު ކޮށްދީފި!
ހިންދޫ ދީނުގެ ދީނީ ހަރަކާތެއް މާލޭގެ ހޮޓަލެއްގައި ބާއްވާކަން އެކަން ކުރިއަށް ގެންދާ ގަނޭޝް ޑުބޭ ނަމަކަށް ކިޔާ ގުރޫ ކަށަވަރު ކޮށްދެއްވައިފިއެވެ.
ހިންދޫ ދީނުގެ 'ގުރޫ'އެއް އިންތިޒާމް ކޮށްގެން ބާއްވާ ދީނީ ހަރަކާތެއް މާލޭގެ ހޮޓަލެއްގައި ބާއްވަން ނިންމައި އެކަން އިއުލާން ކޮށްފައިވާ ޕޯސްޓަރެއް މިއަދު ސޯޝަލްމީޑިއާގައި ވަނީ ދައުރުވެފައެވެ.
މީސްމީޑިއާގައި ދައުރުވަމުންދާ އެ ޕޯސްޓަރުން އެނގޭ ގޮތުން މި ކުލާސްތަކެއް ބޭއްވުމަށް ހަމަޖެހިފައިވަނީ މިއަދާއި މާދަމާއެވެ.
އަދި އޮފްލައިންކޮށް ގެންދާ މި ކްލާސްތަކުގައި ކިޔަވާދޭނެ ކަމަށް ބުނެފައިވަނީ ހިންދޫ ދީނުގެ ބޮޑު ފާދިރީއެއް ކަމުގައިވާ ގަނޭޝް ޑުބޭ ނަމަކަށް ކިޔާ ގުރޫއެއް ކަމަށް އޭގައި ބުނެފައިވެއެވެ. އަދި މިކަމެއް ކުރިއަށް ދާނީ އުނިމާ ގުރޭންޑުގައި ކަމަށްވެސް އެ ޕޯސްޓުގައި ބުނެފައިވެއެވެ.
މީގެ އިތުރުން އެ ޕޯސްޓުގައި ބުނެފައިވާ ގޮތުން މި ކުލާސްތަކުގައި "ވަރުގަދަ ދަރުސްތަކާއެކު މައްސަލަތަކަށް" ހައްލުތައް ލިބިގެންދާނެ އެވެ.
މިކަމާއި ގުޅިގެން ގިނަބައެއްގެ ނުރުހުން އަމާޒުވެފައި ވަނިކޮށް، އޭނާގެ ރަސްމީ ފޭސްބުކް ޕޭޖުގައި، ކޮށްފައިވާ ޕޯސްޓެއްގައި ބުނީ، އޭނާ އެ ހިންގު ކުލާސްތަކާއި، އެ ހިންގަމުންދާ ހޮޓެލާއި އެއްވެސް ގުޅުމެއް ނޯންނަ ކަމަށެވެ. އަދި އެއީ އެއްވެސް ސިޔާސީ އަދި ދީނީ ބަޔަކާއި ގުޅިގެން ހިންގި އެއްޗެއް ނޫން ކަމަށްވެސް ބުނެފައި ވެއެވެ.
މިއާއެކު އޭނާ ބުނީ، އޭނާގެ މަގުސަދަކީ ދީނާއި، ފިކުރާއި، އަގީދާ އަށް ބެލުމެއް ނެތި އޭނާގެ އެ ފިލާވަޅައި، އޭނާގެ ތަރުބިއްޔަތު އެންމެނަށްވެސް ފޯރުކޮށްދިނުން ކަމަށެވެ.
އަދި އެކަމުގެ ސަބަބުން އެއްވެސް މީހަކަށް އޮޅުމެއް އަރާފައިވާ ނަމަ މަޢާފަށް އެދޭ ކަމަށާ، އޭނާގެ މަގުސަދަކީ ހަމަނުޖެހުމެއް ހިންގުން ނޫން ކަމަށެވެ. އަދި ކުރިއަށް އޮތް ތަނުގައި އެފަދަ ކަންކަމަށް ބަލާނެ ކަމަށްވެސް އޭނާ ބުންޏެވެ.
ފާދިރީގެ ކުލާހާއި ގުޅިގެން މީހުންގެ ނުރުހުން އޭނާއަށް އަމާޒުވުމާއި އެކު ފުލުހުން ވަނީ އޭނާ މީރުމާ ގްރޭންޑް އިން ނެރެ ފުލުހުންގެ ބެލުމުގެ ދަށަށް ގެންގޮސްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
