އީރާނާއި އިސްރާއީލުގެ ގުޅުން ބަދަހިކުރަން ތާއީދު: އީރާނުގެ ރިޒާ ޕަހްލަވީ
އީރާނުގެ ކުރީގެ ރަސްގެފާނު ޝާހުގެ ދަރިކަލުން ރިޒާ ޕަހްލަވީ، އީރާނާއި އިސްރާއީލާ ދެމެދު އޮންނަންޖެހޭ އެކުވެރި ގުޅުމަށް ތާއީދުކުރާކަން ހާމަކޮށްފިއެވެ.
އޭނާ މިކަން ހާމަކޮށްފައިވަނީ ވޮޝިންޓަންގައި ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުންނެވެ. ނޫސްވެރިންގެ ބައްދަލުވުމުގައި އޭނާވަނީ މީގެ ދެ އަހަރު ކުރިން އިސްރާއީލަށް ޒިޔާރަތްކުރިކަން ވެސް ހާމަކޮށްފައެވެ.
ޕަހްލަވީ ބުނި ގޮތުގައި އިސްރާއީލަށް ކުރި ޒިޔާރަތުގެ މައިގަނޑު މަގްސަދަކީ އީރާނާއި އިސްރާއީލުގެ ޔަހޫދީންނާ ދެމެދު އޮތް ތާރީޚީ ގުޅުންތަކާއި މެދު މަޝްވަރާތައްކޮށް، އެ ގުޅުން އިތުރަށް ވަރުގަދަ ކުރުމަށް މަސައްކަތްކުރުމެވެ. އަދި ދެ ގައުމުގެ ދެމެދުގައި ގާތް ގުޅުމެއް ކޮންމެހެންވެސް އޮންނަން ޖެހޭނެ ކަމަށް އޭނާ ވަނީ ބުނެފައެވެ.
މި ބައްދަލުވުމުގައި ޕަހްލަވީ ވަނީ އީރާނުގެ މިހާރުގެ ސަރުކާރުގެ ސިޔާސަތުތަކާ ޚިލާފަށް، އިސްރާއީލާއެކު އޮންނަ ގުޅުން އާލާކުރުމަކީ މުހިންމު ކަމެއްގެ ގޮތުގައި ސިފަކޮށްފައެވެ. މިއީ އީރާނުގެ ޝާހުގެ އާއިލާގެ އިސް ބޭފުޅަކު މި ފަހަކަށް އައިސް މިފަދަ މޭރުމަކުން ވާހަކަ ދެއްކި ފުރަތަމަ ފަހަރެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
