އެމްޑީޕީގެ 20 ވަނަ އަހަރީ ދުވަސް ފާހަގަކުރުމަށް އިއްޔެ ބޭއްވި ދިދަ ނެގުމުގެ ހަރަކާތުގެ އަރިމަތިން އެ ޕާޓީގެ ޗެއާޕާސަން ފައްޔާޒާއި ޕާޓީގެ ރައީސް ޝާހިދު މަޝްވަރާއެއްގައި.--- ފޮޓޯ: އެމްޑީޕީ
އެމްޑީޕީގެ 20 ވަނަ އަހަރީ ދުވަސް ފާހަގަކުރުމަށް އިއްޔެ ބޭއްވި ދިދަ ނެގުމުގެ ހަރަކާތުގެ އަރިމަތިން އެ ޕާޓީގެ ޗެއާޕާސަން ފައްޔާޒާއި ޕާޓީގެ ރައީސް ޝާހިދު މަޝްވަރާއެއްގައި.--- ފޮޓޯ: އެމްޑީޕީ
ހަބަރު 27 Jun 2025 | 16:01

އެމްޑީޕީގެ ޗެއާޕާސަނާއި ރައީސްގެ މަގާމު އެއްކޮށްލައި ބޮޑެތި ބަދަލުތަކެއް ގެންނަނީ

އެމްޑީޕީގެ ރައީސާއި ޗެއާޕާސަންގެ މަގާމު އެއްކޮށްލައި، އެ ޕާޓީ ހިންގުމާ ގުޅޭ އަސާސީ ގަވާއިދަށް ބޮޑެތި ބަދަލުތަކެއް ގެންނަން ނިންމާފައިވާ ކަމަށް އެމްޑީޕީގެ ޗެއާޕާސަން ފައްޔާޒު އިސްމާއިލް ރޭ ވިދާޅުވެއްޖެއެވެ.

ސަންގުޓީވީގެ ހަބަރަށްފަހު ޕްރޮގްރާމްގައި ވާހަކަދައްކަވަމުން ފައްޔާޒް ވިދާޅުވީ، އެމްޑީޕީގެ އަސާސީ ގަވާއިދަށް ބަދަލުތަކެއް ގެންނަންޖެހޭ ކަމަށާ އެކަން ދެން ބޭއްވޭ އެޕާޓީގެ ކޮންފަރެންސްގެ ތެރެއިން ކުރިއަށްދާނެ ކަމަށެވެ.

އެ ބަދަލުތަކުގެ ތަފްސީލް ހާމަކުރައްވައި ފައްޔާޒު ވިދާޅުވީ، ޕާޓީގެ ޗެއަރޕާސަން އަދި ރައީސްގެ މަގާމުންކުރެ އެއް މަގާމެއް އުވާލުމެވެ.

މިހާރަކު ޕާޓީގެ ޗެއާޕާސަން އަކާއި ޕާޓީގެ ރައީސް އަކު ހުރުމުގެ ބޭނުމެއް ނެތޭ. ކޮންމެސް އެއް މަގާމެއް އޮތީމަ ނިމުނީއޭ. އެއީ ޕާޓީގެ ރައީސް ކަމަށް ވިއްޔާ ޕާޓީގެ ރައީސް. ޗެއާޕާސަން ވިއްޔާ ޗެއާޕާސަން. ޕާޓީއެއް ބާރަށް ކުރިއަށް ގެންދިޔުމުގައި އެފިޝިއަންސީތަކެއް، ފަސޭހަތަކެއް އޭރުން ގެނެވޭ. އެހެންވީމާ އަޅުގަނޑުމެންގެ ރޯޑު މެޕުގައި އޮންނާނީ، ދެ މަގާމު އެއްކޮށްލާފައި ކޮންމެސް އެއް މަގާމެއް ބޭނުން ކުރުން. މިއީ މުހިންމު ބަދަލެއް. ބައެއް ބޭފުޅުންނަށް ފަސޭހަވެސް ނުވެދާނެ އެކަން.

އެމްޑީޕީގެ ޗެއާޕާސަން ފައްޔާޒު އިސްމާއިލް

ދެވަނަ ބަދަލެއްގެ ގޮތުގައި ހުށަހަޅާނެ ބަދަލަކީ ޕާޓީގެ ލީޑަރުގެ މަގާމަށް ހޮވޭ މީހަކަށް އެ ދައުރެއްގައި އަންނަ ރިޔާސީ އިންތިހާބަށް ކުރިމަތިނުލެވޭ ގޮތަށް ގަވާއިދު ބަދަލުކުރުން ކަމަށް ފައްޔާޒު ވިދާޅުވުއެވެ.

ބޭނުމަކީ މިހާރު މިދެކެވޭ ވާހަކަ ތަކާ، ފެކްޝަންތަކާ، އެކަންކަމުގެ ސަބަބުން ޕާޓީ ހިންގަން ހުންނަ މީހާއަށް ކޮންމެސް ވަރެއްގެ ދަތިތަކެއް އަންނާނެ. އެމީހަކަށް އެއްވެސް ރަނގަޅު ކަމެއް ނުކުރެވޭނެ. ފާޑުކިޔުން އަންނަ ގޮތުން އަންނާނެ. އެހެންވީމާ ޕާޓީގެ ލީޑަރަކީ އެކަންކަމުން ސަލާމަތްވެފައި ހުންނަ މީހެކޭ. އޭނާގެ މަސައްކަތަކީ ޕާޓީ ބާރަށް ކުރިއަށް ގެންދިޔުމޭ.

އެމްޑީޕީގެ ޗެއާޕާސަން ފައްޔާޒު އިސްމާއިލް

ފައްޔާޒު ވިދާޅުވީ، ލީޑަރުގެ ދައުރުގައި ރިޔާސީ އިންތިޚާބުގައި ވާދަ ނުކުރެވުނު ނަމަވެސް، ޕާޓީ ވަރުގަދަކުރުމަށްފަހު އެމީހެއްގެ ގާބިލުކަން މެމްބަރުންނަށް ސާބިތުކޮށްދިނުމުން ދެން އަންނަ ރިޔާސީ އިންތިހާބަކަށް އެމީހަކަށް ޖާގަ ލިބިގެންދާނެކަމަށެވެ. އެހެންކަމުން އެއީ ރާއްޖޭގެ އެންމެ މަތީ ހަރުފަތަށް އެރުމަށްޓަކައި އެމީހެއްގެ ގާބިލުކަން ހުރި މިންވަރު ރައްޔިތުންނަށް ދައްކުވައިދޭ މަންސައަކަށްވެސް ވެގެންދާނެކަމަށެވެ.

އެކަންކަމުގެ އިތުރުން ދެން ހުށަހަޅާނެ ކަމަކީ، އެމްޑީޕީގެ ވެރިކަމެއް ގާއިމުވެއްޖެ ހާލަތެއްގައި އެމްޑީޕީގެ ލީޑަރަށް އެއްވެސް ވަޒީފާއަކަށް ނުދެވޭނެ ގޮތަށް ބަދަލުގެނައުން ކަމަށެވެ.

ކެބިނެޓަކަށްވެސް ނުދެވޭނެއޭ. މަޖިލީހަކަށްވެސް ނުދެވޭނެއޭ. މިނިވަން މުއައްސަސާތަކަށްވެސް ނުދެވޭނެއޭ. އަދި އެހެންވެސް އެސްއޯއީއެއްގެ އެމްޑީ އަކަށް ނުދެވޭނެއޭ.

އެމްޑީޕީގެ ޗެއާޕާސަން ފައްޔާޒު އިސްމާއިލް

އެފަދައިން ގަވާއިދު ބަދަލު ކުރަން ނިންމި ސަބަބެއްގެ ގޮތުގައި ފައްޔާޒު ވިދާޅުވީ، ނިމިދިޔަ އެމްޑީޕީގެ ދެ ވެރިކަމުގައިވެސް ޕާޓީގެ ވަރުގަދަ ބޭފުޅުން އެކި އެކި މަގާމުތަކަށް ވަޑައިގަތުމުން ޕާޓީ ހީނަރުވެގެންދާތަން ފެނިގެންގޮސްފައިވާކަމަށެވެ. އަދި އެ ހާލަތުގައި ސަރުކާރު ހިންގުނު ނަމަވެސް ޕާޓީ ކުޑަވެ ޕާޓީ ހީނަރުވާ ކަމަށް ފައްޔާޒު ވިދާޅުވިއެވެ. އެހެންކަމުން މިފިޔަވަޅުގެ ބޭނުމަކީ ސަރުކާރެއް އެކުލެވިގެންދާއިރުވެސް ޕާޓީ ރަނގަޅަށް ހިނގުންކަމަށް އޭނާ ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ރަށުމެދުގައި ހުރި އިންޖީނުގެތައް ބަދަލުކުރުމުގެ ބޮޑުބައެއް އަންނަ އަހަރު ނިންމާނަން: ޑރ. އަޒުވަރު
15 Nov 2026 ހަބަރު

ރަށުމެދުގައި ހުރި އިންޖީނުގެތައް ބަދަލުކުރުމުގެ ބޮޑުބައެއް އަންނަ އަހަރު ނިންމާނަން: ޑރ. އަޒުވަރު

ޑރ.އަޒުވަރު ވިދާޅުވީ ރަށްރަށުގެ މީހުން ދިރިއުޅެމުންދާ ސަރަހައްދުގައި ހުރި އިންޖީނުގޭތައް ނަގައި މީހުން ދިރިނޫޅޭ ސަރަހައްދަށް ބަދަލުކުރުމަކީ އެކުންފުނިން ވަރަށް ބޮޑު އިސްކަމެއް ދީގެން ކުރަމުން އަންނަ މަސައްކަތެއް ކަމަށެވެ. އެގޮތުން މި މަސައްކަތުގެ ބޮޑު ބައެއް، އަންނަ އަހަރުގެ ނިޔަލަށް ނިންމުމަށް އަމާޒު ހިފާފައިވާ ކަމަށެވެ.

ކަނޑުގެ އިލްމާއި އެކުއަކަލްޗަރގެ ދާއިރާއިން އެމްއެންޔޫގެ ވަފުދަށް ހައިނާންއިން އަގުހުރި ތަޖުރިބާތަކެއް!
15 Nov 2026 ހަބަރު

ކަނޑުގެ އިލްމާއި އެކުއަކަލްޗަރގެ ދާއިރާއިން އެމްއެންޔޫގެ ވަފުދަށް ހައިނާންއިން އަގުހުރި ތަޖުރިބާތަކެއް!

ކަނޑުގެ އިލްމާއި އެކުއަކަލްޗަރގެ ދާއިރާއިން ޒަމާނީ ކުރިއެރުންތައް ދެނެގަތުމަށް، ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ) ގެ ވަފުދަކުން ޗައިނާގެ ހައިނާންއަށް ކުރި ރަސްމީ ދަތުރު ކާމިޔާބުކަމާއެކު ނިންމާލައި، އަގުހުރި އަމަލީ ތަޖުރިބާތަކެއް ހޯދައިފިއެވެ.

ސައުތު އޭޝިއަން ޔުނިވާސިޓީން ޒުވާނުންނަށް އިތުރު ފުރުސަތު ހޯދަން މަޝްވަރާތަކެއް
15 Nov 2026 ހަބަރު

ސައުތު އޭޝިއަން ޔުނިވާސިޓީން ޒުވާނުންނަށް އިތުރު ފުރުސަތު ހޯދަން މަޝްވަރާތަކެއް

މީގެއިތުރުން، ޒުވާނުންނަށް އިތުރު ފުރުޞަތުތައް ހޯދައިދިނުމަށްޓަކައި، ސައުތު އޭޝިއަން ޔުނިވާސިޓީއާއި ރާއްޖޭގެ މަތީ ތަޢުލީމު ފޯރުކޮށްދޭ މަރުކަޒުތަކާ ދެމެދު ގުޅުން ބަދަހިކުރެވިދާނެ ގޮތްތަކާ މެދުވެސް ދެބޭފުޅުން މަޝްވަރާ ކުރެއްވި އެވެ.

ފުލުހުންގެ ތަމްރީން ކޯސްތަކުގައި "އިހްތިރާމް" މާއްދާއެއްގެ ގޮތުގައި ހިމަނަނީ
15 Nov 2026 ހަބަރު

ފުލުހުންގެ ތަމްރީން ކޯސްތަކުގައި "އިހްތިރާމް" މާއްދާއެއްގެ ގޮތުގައި ހިމަނަނީ

ފުލުހުންގެ ތަމްރީނުތަކުގެ ތެރެއިން، އެކަކު އަނެކަކަށް އިހުތިރާމްކުރުމާއި، ފަންނީ މިންގަނޑުތައް ހިފެހެއްޓުމާއި، އަދި އިންސާނީ ކަރާމާތް ރައްކާތެރިކުރުމުގެ ސިފަ އަށަގެންނެވުމަށް އިތުރު އެހީއަކަށް ވެގެންދާނެކަމަށް ވެސް ސީޕީ ވިދާޅުވި އެވެ.

ރާއްޖޭގެ ތާރީހުގައި ފުރަތަމަ ފަހަރަށް ދަނޑުވެރިކަމުގެ ޤައުމީ ބޯހިމެނުން ރަސްމީކޮށް ފަށައިފި
15 Nov 2026 ހަބަރު

ރާއްޖޭގެ ތާރީހުގައި ފުރަތަމަ ފަހަރަށް ދަނޑުވެރިކަމުގެ ޤައުމީ ބޯހިމެނުން ރަސްމީކޮށް ފަށައިފި

ދިވެހިރާއްޖޭގެ ތާރީހުގައި ފުރަތަމަ ފަހަރަށް ކުރިއަށްގެންދާ ދަނޑުވެރިކަމުގެ ޤައުމީ ބޯހިމެނުމުގެ އަމަލީ މަސައްކަތް ރަސްމީކޮށް ފަށައިފިއެވެ. މިއީ ދަނޑުވެރިކަމާއި ދިރޭތަކެއްޗާ ބެހޭ ވުޒާރާއާއި، މޯލްޑިވްސް ބިއުރޯ އޮފް ސްޓެޓިސްޓިކްސްގެ އިތުރުން، އދ. ގެ ފުޑް އެންޑް އެގްރިކަލްޗަރ އޮގަނައިޒޭޝަން (އެފް.އޭ.އޯ) ގުޅިގެން ކުރިއަށްގެންދާ މުހިންމު ޤައުމީ ހަރަކާތެކެވެ.

"ވަޑާންވެރިން ރަށުގެ އުރީދޫ މަސްރޭސް 2026" ބައިވެރިވުމުގެ ފުރުސަތު ހުޅުވާލައިފި
15 Nov 2026 ހަބަރު

"ވަޑާންވެރިން ރަށުގެ އުރީދޫ މަސްރޭސް 2026" ބައިވެރިވުމުގެ ފުރުސަތު ހުޅުވާލައިފި

މިއަހަރުގެ މަސްވެރިންގެ ދުވަސް ކުލަގަދަކޮށް ފާހަގަކުރުމުގެ ގޮތުން، ރ. އިނގުރައިދޫ ކައުންސިލާއި އެ ރަށުގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީ ގުޅިގެން ބާއްވާ "ވަޑާންވެރިންގެ ރަށް، އުރީދޫ މަސްރޭސް 2026" ގައި ބައިވެރިވުމުގެ ފުރުޞަތު ޢާންމުކޮށް ހުޅުވާލައިފިއެވެ.

ގެއްލިފައިވާ ސިފައިންގެ މީހާގެ ހަނދާނުގައި ބަންގްލަދޭޝްގައި މިސްކިތެއް ބިނާކުރަން ލޮކާސްއިން ނިންމައިފި
15 Nov 2026 ހަބަރު

ގެއްލިފައިވާ ސިފައިންގެ މީހާގެ ހަނދާނުގައި ބަންގްލަދޭޝްގައި މިސްކިތެއް ބިނާކުރަން ލޮކާސްއިން ނިންމައިފި

މިދިޔަ އޮގަސްޓު މަހުގެ ފަސް ވަނަ ދުވަހު ސަޕްލައި ދޯނި "ފްރެންޑް ހަތަރެއް" ހުވަދޫ ކަނޑަށް އަޑިއަށް ދިޔަ ހާދިސާގައި ގެއްލުނު ތިން މީހުންގެ ތެރޭގައި ހިމެނޭ އެމްއެންޑީއެފްގެ ސްޓާފް ސާޖަންޓް އިބްރާހީމް އަޙްމަދުގެ ހަނދާނުގައި މިސްކިތެއް ބިނާކުރުމުގެ މަސައްކަތް ފަށައިފިއެވެ.

އެމްޕީއެލްގެ ކޯޕަރޭޓް މަޖައްލާ "އުޅަނދު" ގެ 4 ވަނަ އަދަދު ނެރެފި
15 Nov 2026 ހަބަރު

އެމްޕީއެލްގެ ކޯޕަރޭޓް މަޖައްލާ "އުޅަނދު" ގެ 4 ވަނަ އަދަދު ނެރެފި

މޯލްޑިވްސް ޕޯޓްސް ލިމިޓެޑް (އެމް.ޕީ.އެލް) ގެ ރަސްމީ ކޯޕަރޭޓް މަޖައްލާ "އުޅަނދު" ގެ ހަތަރުވަނަ އަދަދު ނެރެ، އާންމުކޮށްފިއެވެ.