އިޒްރޭލުން ދިން ހަމަލާއެއްގައި ފަލަސްޠީނުގެ 61 މީހުން ޝަހީދުވެއްޖެ

ޔަހޫދީ އިޒްރޭލުގެ އަސްކަރިއްޔާއިން ފަލަސްޠީނުގެ ރައްޔިތުންނާއި ދެކޮޅަށް ހިންގަމުންދާ ލާއިންސާނީ ހަމަލާތަކުގެ ތެރެއިން މިއަދު އެކަނިވެސް ޣައްޒާގައި ފަލަސްޠީނުގެ 61 މީހުން ޝަހީދުކޮށްލައިފިއެވެ.

މިހަމަލާގައި ޝަހީދުވި މީހުންގެ ތެރެއިން 39 މީހަކީ ޣައްޒާގެ އިންސާނީ އެހީ ފޯރުކޮށްދޭ ސަރަހައްދަކަށް އަމާޒުކޮށް ދިން ހަމަލާއެއްގައި ޝަހީދުކޮށްލެވުނު މީހުންނެވެ. މިހަމަލާގައި ޝަހީދުކޮށްލެވުނުގެ މީހުންގެ ތެރޭގައި އަންހެނުންނާއި ކުޑަކުދިން ވެސް ހިމެނެއެވެ.

ޣައްޒާ ސަރުކާރުގެ މީޑިޔާ އޮފީހުން ނެރެފައިވާ ބަޔާނެއްގައިވާ ގޮތުން، އިޒްރޭލުން ހިންގަމުން ގެންދާ ޖަރީމާތަކުގެ ސަބަބުން ދުވަހެއް ދުވަހަކަށް ދަނީ މައްސަލަ ގޯސްވަމުން ކަމަށް ބުނެފައިވެއެވެ. އަދި ޣައްޒާއަށް އެހީގެ ޓްރަކްތަށް ވަނަ ނުދީ ބޯޑަރުތަށް ބަންދުކުރުމުގެ ސަބަބުން އެތަކެއް ބަޔަކު ބަނޑުހައި ހޫނު ކަމުގައި ދުނިޔެ ދޫކޮށްދާކަމަށް ވެސް އެބަޔާނުގައި ބުނެފައިވެއެވެ. މީގެ އިތުރުން އިންސާނީ އެހީ ފޯރުކޮށްދޭ ތަންތަނަށް އަމާޒުކޮށްދޭ ހަމަލާތަކުގެ ސަބަބުން އެތަކެއް ބައެއްގެ ފުރާނަ ކޮންމެ ދުވަހަކު ގެއްލެމުންދާކަމަށްވެސް އެބަޔާނުގައި އިތުރަށް ބުނެފައިވެއެވެ.

ފާހަގަކޮށްލަންޖެހޭ ގޮތުގައި ފަލަސްޠީނުގެ ރައްޔިތުންދަނީ އިންސާނީ އެހީ ފޯރުކޮށްދޭ ތަންތަނަކީ އިންސާނުން ކަތިލާ ތަންތަނުގެ ގޮތުަގައި ސިފަކޮށްފައެވެ.

އިޒްރޭލޮން ޣައްޒާއަށް ދެމުންދާ ހަމަލާތަކުގައި ފަލަސްޠީނުގެ 54,981 މީހުން ޝާހީދުވެފައިވާއިރު 126,920 މީހުން ޒަހަމްވެފައިވާކަމަށް މީޑިޔާތަކުން ރިޕޯޓްކޮށްފައިވެއެވެ.