އެމިރޭޓްސް އެއަރލައިނުގެ ދަތުރުތަށް އާންމު ހާލަތަށް

މެދުއިރުމަތީގެ ހާލަތު ގޯސްވުމުގެ ސަަބަބުން ބައެއް މަންޒލްތަކަށް އުދުހުންތައް މެދުކަނޑާލި އެމިރޭޓްސް އެއަރލައިންސްގެ ދަތުރުތަށް އަލުން ފަށައިފިއެވެ.

އެމިރޭޓްސް އެއަރލައިންސް އިން ބުނެފައިވާ ގޮތުގައި އެ އެއަރލައިންގެ ދަތުރުތަށް މަޑުޖައްސާލާފައިވަނީ ސަލާމަތީ ގޮތުން އަޅަންޖެހޭ ފިޔަވަޅުތައް އެޅުމަށްކަމަށެވެ. އެމިރޭޓްސް އެއަރލައިނުން ބުނީ މިދިޔަ 2 ހަފްތާ ތެރޭގައި އެކަނިވެސް 5،800 ދަތުރު ކޮށްފައިވާނެ ކަމަށާއި އެދަތުރުތަކުގައި 1.7 މިލިއަން ޕަސިންޖަރުން އެ އެއަރލައިނުން ހިދުމަތްހޯދާފައިވާކަމަށެވެ.

އެމިރޭޓްސް އިން ވަނީ އައްމާން އާއި ބައިރޫތު ފަދަ ސިޓީތަކަށް ކުރަމުން އައި ދަތުރު މެދުކަނޑާލި ނަމަވެސް، މިހާރު އެ ސަރަހައްދުތަކަށް އަލުން ފަށާފައިވާ ކަމަށެވެ.

އެމިރޭޓްސް އެއަރލައިންސް އިން ބުނީ، އެ އެއަރލައިން އިން އެންމެ އިސްކަމެއް ދޭނީ ޕަސިންޖަރުންގެ ރައްކާތެރިކަމަށެވެ. އެމިރޭޓްސް އެއަރލައިންސް އަކީ ދުނިޔޭގައި އެންމެ މަގުބޫލު އެއަރލައިންތަކުގެ ތެރެއިން އެއް އެއަރލައިންނެވެ. އަދި އެ އެއާލައިނަކީ އެންމެގިނަ މަންޒިލްތަކަށް ދަތުރުކުރާ އެއާލައިންތަކުގެ ތެރޭގައި އެންމެ ކުރީގައި އުޅޭ އެއް އެއާލައިނެވެ. އެމިރޭޓްސްއިން ރާއްޖެއަށްވެސް ކޮންމެ ދުވަހަކު އުދުހުންތައް ބާއްވަމުން އަންނަކަން ފާހަގަކޮށްލެވެއެވެ.