ނަތަންޔާހޫ ތަގުރީރުކުރަނީ
ނަތަންޔާހޫ ތަގުރީރުކުރަނީ
ދުނިޔެ 25 Sep 2026 | 11:09

ނަތަންޔާހޫ ތަޤުރީރު ފެށުމުން އެތަކެއް ޤައުމުން ހޯލު ދޫކޮށް ނުކުތްއިރުވެސް، ޔޫއޭއީގެ ވަފުދު މަޑުކުރި

އދ. ގެ ޢާންމު މަޖިލީހުގައި އިސްރާއީލުގެ ނިރުބަވެރި ބޮޑުވަޒީރު ބެންޖަމިން ނަތަންޔާހޫ ތަޤުރީރު ކުރަން ފެށުމާއެކު، ދުނިޔޭގެ 70 އަށްވުރެ ގިނަ ޤައުމެއްގެ ވަފުދުތަކުން ހޯލު ދޫކޮށް ނުކުމެ އިހުތިޖާޖުކުރި ނަމަވެސް، މި ދަނޑިވަޅުގައި ޔުނައިޓެޑް އަރަބް އެމިރޭޓްސް (ޔޫއޭއީ) ގެ ވަފުދު ހޯލުން ނުނިކުމެ މަޑުކުރިކަން ހާމަވެއްޖެއެވެ.

ނިއުޔޯކުގައި ހުންނަ އދ. ގެ މައި މަރުކަޒުގައި ކުރިއަށްދިޔަ ޢާންމު މަޖިލީހުގެ ޖަލްސާގައި، ޣައްޒާގައި އިސްރާއީލުން ހިންގަމުންދާ ލާއިންސާނީ ޤަތުލުޢާންމާއި ޢުދުވާންތަކާ ގުޅިގެން ނަތަންޔާހޫއާ ދެކޮޅަށް ގިނަ ޤައުމުތަކަކުން ވަނީ ބޮޑަށް ނުރުހުން ފާޅުކޮށްފައެވެ.

އޭނާ ޕޯޑިއަމްއަށް އެރުމާއެކު ގިނަ އަދަދެއްގެ މަންދޫބުން ވަނީ ޖަލްސާކުރާ މާލަން ދޫކޮށް ނުކުމެފައެވެ. މިގޮތަށް މަންދޫބުން ނުކުތުމުން އެ މަންދޫބުންނަކީ ފިނޑިން ކަމަށް ބުނެ ނަތަންޔާހޫ ވަނީ އެ ފަރާތްތަކަށް ބަހުގެ ހަމަލާތަކެއް ރައްދުކޮށްފައެވެ.

އަދި އިތުރު ”ފިނޑިން“ ނުކުންނަން ބޭނުންތޯވެސް އޭނާ އަހާފައިވާއިރު، ޔޫއޭއީގެ ވަފުދު މަޑުކޮށްފައިވާކަން ވަނީ ފާހަގަވެފައެވެ. އަދި ޤަތުލް އާއްމު ދިފާއުކޮށް ނަތަންޔާހޫ ދެއްކި ހުރިހާ ވާހަކައެއް ދެއްކި އިރުވެސް ހޯލުގައި ޔޫއޭއީގެ ވަފުދުގެ މެންބަރުން ތިބުމުން ގިނަ ބައެއްގެ ނުރުހުން ވަނީ އެގައުމަށް އަމާޒުވެފައެވެ.

މި ބައްދަލުވުމުގައި ވާހަކަދައްކަމުން، ބައިނަލްއަޤްވާމީ މައިދާނުގައި އެކަހެރިވަމުންދާ ނިރުބަވެރި ނަތަންޔާހޫ ވަނީ އޭނާގެ ޢަމަލުތައް ދިފާޢުކުރަން މަސައްކަތްކޮށްފައެވެ. އަދި އޭނާއަކީ ހަނގުރާމައިގެ ކުށްވެރިއެއް ކަމަށް ބުނެ ވާހަކަދެއްކި ނިއުޔޯކުގެ މޭޔަރު ޒޮހްރާން މަމްދާނީ އަށާއި، ތުރުކީ އަދި ޤަޠަރަށް ބޮޑެތި ތުހުމަތުތަކެއް ކޮށް، އެ ޤައުމުތަކުން ދޮގު ފަތުރާ ކަމަށް ބުނެފައެވެ. ނަމަވެސް ޤަޠަރުންނާއި މޭޔަރު މަމްދާނީ ވަނީ ނަތަންޔާހޫގެ މި ދޮގު ވާހަކަތައް ދޮގުކޮށް، އޭނާއަކީ ފަލަސްޠީނުގެ ނަސްލުހޭދު ކުރުމުގެ މޭސްތިރިޔާ ކަމަށް ބުނެފައެވެ.

ގާތްގަނޑަކަށް 40 މިނެޓަށް ދެމިގެންދިޔަ މި ތަޤުރީރުގައި، އެމެރިކާގެ ރައީސް ޑޮނަލްޑް ޓްރަމްޕަށް ނަތަންޔާހޫ ވަނީ ތަޢުރީފުކޮށްފައެވެ. އަދި ހުޅަނގު އައްސޭރީގައި ޔަހޫދީ ވަޒަންވެރިން ހިންގާ ޓެރަރިޒަމްގެ ޢަމަލުތަކަކީ އާދައިގެ ކަންތައްތަކެއްގެ ގޮތުގައި ދައްކަން އޭނާ މަސައްކަތް ކުރިއެވެ.

ނަތަންޔާހޫ އދ. ގައި ވާހަކަދެއްކިއިރު، އދ. ގެ އިމާރާތުގެ ބޭރުގައި އެތައް ސަތޭކަ ބަޔަކު ވަނީ ފަލަސްޠީނުގެ ޙައްޤުގައި އަޑުއުފުލައި، އިސްރާއީލަށް ހަތިޔާރު ދިނުން ހުއްޓާލުމަށް ގޮވާލައި ވަރުގަދަ މުޒާހަރާއެއް ކޮށްފައެވެ.

ބައިނަލްއަޤްވާމީ ޖިނާއީ ކޯޓު (އައިސީސީ) އިން ހަނގުރާމައިގެ ކުށްތަކާ ގުޅިގެން ހައްޔަރުކުރުމުގެ އަމުރު ނެރެފައިވާ މި ނިރުބަވެރި ވެރިޔާގެ ތަޤުރީރު ބޮއިކޮޓްކޮށް ގިނަ ޢަދަދެއްގެ ޤައުމުތަކުން ހޯލުން ނުކުތް ނަމަވެސް، ޔޫއޭއީގެ މަންދޫބުން ހޯލުގައި ތިބުމުން ގިނަ ބައެއްގެ ފާޑުކިޔުންތައް އަންނަނީ އަމާޒުވަމުންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

މުސްލިމުންގެ އާބާދީ ކްރިސްޓިއަނުންނަށްވުރެ އިތުރުވާނެ ކަމަށް ލަފާކުރުމުން، ކްރިސްޓިއަނުން ކައިވެނިކޮށް ގިނައިން ދަރިން ހޯދުމަށް ގޮވާލައިފި
22 Nov 2026 ދުނިޔެ

މުސްލިމުންގެ އާބާދީ ކްރިސްޓިއަނުންނަށްވުރެ އިތުރުވާނެ ކަމަށް ލަފާކުރުމުން، ކްރިސްޓިއަނުން ކައިވެނިކޮށް ގިނައިން ދަރިން ހޯދުމަށް ގޮވާލައިފި

2035 ވަނަ އަހަރު އަންނަންވާއިރަށް ދުނިޔޭގެ އެންމެ ބޮޑު އާބާދީ އޮތް ދީނަކަށް އިސްލާމްދީން ވެގެންދާނެ ކަމަށް ދިރާސާއަކުން ދެއްކުމާ ގުޅިގެން، ކައިވެނިކޮށް ގިނައިން ދަރިން ހޯދުމަށް އެމެރިކާގެ ކުރީގެ ވައިޓް ހައުސް ޕްރެސް ސެކްރެޓަރީ ކެރޮލައިން ލީވިޓް ކްރިސްޓިއަނުންނަށް ގޮވާލައިފިއެވެ.

އިސްރާއީލުގައި ސަރުކާރެއް އެކުލަވާލުމަށް އައިޒެންކޮޓް، ނަތަންޔާހޫގެ ލިކުޑް ޕާޓީއަށް މަޝްވަރާއަށް ދައުވަތު ދީފި
22 Nov 2026 ދުނިޔެ

އިސްރާއީލުގައި ސަރުކާރެއް އެކުލަވާލުމަށް އައިޒެންކޮޓް، ނަތަންޔާހޫގެ ލިކުޑް ޕާޓީއަށް މަޝްވަރާއަށް ދައުވަތު ދީފި

އިސްރާއީލުގެ އާ ސަރުކާރެއް އެކުލަވާލުމުގެ މަސްއޫލިއްޔަތު ހަވާލުކުރެވިފައިވާ ކުރީގެ އަސްކަރީ ވެރިޔާ ގާޑީ އައިޒެންކޮޓް، ބެންޖަމިން ނަތަންޔާހޫގެ ކަނާތުފިޔައިގެ ލިކުޑް ޕާޓީއާ އެކު ކޯލިޝަން މަޝްވަރާތައް ފެށުމަށް ދައުވަތު ދީފިއެވެ.

ދީނީ އަދި ރޫޙާނީ ކަންކަމަށް އިސްކަންދޭ އުމުރުން ދުވަސްވީ މީހުންގެ ދިރިއުޅުން، ދީނާ ދުރުމީހުންނަށްވުރެ މާ އުފާވެރި: ދިރާސާ
22 Nov 2026 ދުނިޔެ

ދީނީ އަދި ރޫޙާނީ ކަންކަމަށް އިސްކަންދޭ އުމުރުން ދުވަސްވީ މީހުންގެ ދިރިއުޅުން، ދީނާ ދުރުމީހުންނަށްވުރެ މާ އުފާވެރި: ދިރާސާ

އުމުރުން ދުވަސްވާއިރު ދީނީ އަދި ރޫޙާނީ ކަންކަމަށް ލޯބިކުރާ މީހުންނަށް ދިރިއުޅުމުގައި ލިބޭ އުފާވެރިކަމާއި، ދިރިއުޅުމުގެ ފެންވަރު މާ ބޮޑަށް ރަނގަޅު ކަމަށް ބައިނަލްއަޤްވާމީ ފެންވަރުގައި ކުރެވުނު ދިރާސާއަކުން ދައްކައިފިއެވެ.

އިސްރާއީލުގެ މީހުންނާއި، ޖަމާޢަތްތަކަށް އޮސްޓްރޭލިޔާއިން ދަތިކުރުމުގެ ފިޔަވަޅު އަޅައިފި
18 Nov 2026 ދުނިޔެ

އިސްރާއީލުގެ މީހުންނާއި، ޖަމާޢަތްތަކަށް އޮސްޓްރޭލިޔާއިން ދަތިކުރުމުގެ ފިޔަވަޅު އަޅައިފި

އިސްރާއިލުން، ފަލަސްޠީނުގެ ހުޅަނގު އައްސޭރީގައި ބިން ފޭރުން އިތުރުކުރަމުންދާ މައްސަލައާ ގުޅިގެން، އިސްރާއީލުގެ ތިން ފަރުދަކަށާއި ހަތަރު ޖަމާޢަތަކާ ދެކޮޅަށް އޮސްޓްރޭލިޔާ ސަރުކާރުން ދަތިކުރުމުގެ ފިޔަވަޅު އަޅައިފިއެވެ.

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް: ރައީސް މުޢިއްޒު
15 Nov 2026 ހަބަރު

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް: ރައީސް މުޢިއްޒު

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް، އިރުމަތީ ޤުދުސްއަކީ އެ ޤައުމުގެ ވެރިރަށް ކަމުގައި ކަނޑައަޅައިގެން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ފަލަސްތީނުގެ ހުޅަނގު އައްސޭރީގައި އިތުރު 895 ޔަހޫދީ އާބާދީ ޔުނިޓް އިސްރާއީލުން އަޅަނީ
14 Nov 2026 ދުނިޔެ

ފަލަސްތީނުގެ ހުޅަނގު އައްސޭރީގައި އިތުރު 895 ޔަހޫދީ އާބާދީ ޔުނިޓް އިސްރާއީލުން އަޅަނީ

ފަލަސްތީނުގެ ރަސްމީ ނޫސް އެޖެންސީ، ވަފާއާ ހަވާލާދީ 'ކޮލޮނައިޒޭޝަން އެންޑް ވޯލް ރެސިސްޓެންސް ކޮމިޝަން' އިން މިކަން ވަނީ ކަށަވަރުކޮށްދީފައެވެ.

ޣައްޒާގެ ނާސިރު މެޑިކަލް ކޮމްޕްލެކްސްއަށް އިސްރާއީލުން ދިން ހަމަލާއަކީ ހަނގުރާމައިގެ ޖަރީމާއެއް: ހަމާސް
12 Nov 2026 ދުނިޔެ

ޣައްޒާގެ ނާސިރު މެޑިކަލް ކޮމްޕްލެކްސްއަށް އިސްރާއީލުން ދިން ހަމަލާއަކީ ހަނގުރާމައިގެ ޖަރީމާއެއް: ހަމާސް

އިސްރާއީލުން ދިން މި ހަމަލާގައި 6 މީހަކު ޝަހީދުވެ، މަދުވެގެން 20 މީހަކު ވަނީ ޒަހަމްވެފައެވެ.

އިސްރާއީލުން ޣައްޒާގެ މެޑިކަލް ކޮމްޕްލެކްސްއަކަށް ހަމަލާދީފި: އެކި ސަރަޙައްދުތަކުން 9 މީހުން ޝަހީދުކޮށްލައިފި
12 Nov 2026 ހަބަރު

އިސްރާއީލުން ޣައްޒާގެ މެޑިކަލް ކޮމްޕްލެކްސްއަކަށް ހަމަލާދީފި: އެކި ސަރަޙައްދުތަކުން 9 މީހުން ޝަހީދުކޮށްލައިފި

އިސްރާއީލުގެ ޓެރަރިސްޓް އިސްތިއުމާރީ ބާރުތަކުން ޣައްޒާގެ އެކި ސަރަޙައްދުތަކަށް ދިން ވަރުގަދަ ޙަމަލާތަކެއްގައި މަދުވެގެން ފަލަސްޠީނުގެ 9 މީހަކު ޝަހީދުކޮށްލައިފިއެވެ. މި ޙަމަލާތައް ދީފައި މިވަނީ، ޣައްޒާއަށް ބޯކޮށް ވާރޭވެހި ފެންބޮޑުވުމުގެ ސަބަބުން ޙާލުގައި ޖެހިފައިވާ އެތައް ލައްކަ ރައްޔިތުންނަށް ފެން ނުވަންނަ ފަދަ ޓެންޓުތައް ފޯރުކޮށްދިނުމަށް އދ. އިން އިލްތިމާސެއް ކޮށްފައިވާ ދަނޑިވަޅެއްގައެވެ.