މެރިން އެކްސްޕޯ 2026 ގެ އޮފިޝަލް އިންޝުއަރަންސް ޕާޓްނަރަކަށް އެލައިޑް

މޯލްޑިވްސް މެރިން އެކްސްޕޯ 2026 ގެ އޮފިޝަލް އިންޝުއަރަންސް ޕާޓްނަރެއްގެ ގޮތުގައި އެލައިޑް އިންޝުއަރަންސް އިން ބައިވެރިވެ، މެރިން އިންޑަސްޓްރީއަށް ޚާއްޞަ މުހިންމު މަޢުލޫމާތުތަކާއި ޕްރޮމޯޝަންތަކެއް ކުރިއަށް ގެންގޮސްފިއެވެ.

2014 ވަނަ އަހަރުން ފެށިގެން މެރިން އެކްސްޕޯގައި މެދުނުކެނޑި ބައިވެރިވަމުން އަންނަ އެލައިޑުން ބުނިގޮތުގައި، މި އެކްސްޕޯގައި ބައިވެރިވުމުގެ މައިގަނޑު މަޤްޞަދަކީ ކަނޑުދަތުރުފަތުރާއި ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކަށް އިންޝުއަރަންސްގެ މުހިންމުކަން އަންގައިދިނުމެވެ. 
އެގޮތުން ޑައިވް ސްކޫލްތަކާއި، ވޯޓާ ސްޕޯޓްސް ސެންޓަރުތަކާއި، އުޅަނދުފަހަރު ބަންނަ ފަރާތްތަކުގެ އިތުރުން މި ދާއިރާގެ އެކި ވިޔަފާރިތަކަށް ބޭނުންވާ އިންޝުއަރަންސް ޕްރޮޑަކްޓްތަކުގެ މަޢުލޫމާތު ވަނީ ހިއްސާކޮށްފައެވެ. މީގެ އިތުރުން އެލައިޑްގެ އިސްލާމިކް ވިންޑޯ ކަމަށްވާ "އެލައިޑް ތަކާފުލް" ގެ ޕްލޭންތަކާ ބެހޭ މަޢުލޫމާތުވެސް މި އެކްސްޕޯގައި ވަނީ ފޯރުކޮށްދީފައެވެ.

މި އަހަރުގެ އެކްސްޕޯއާ ދިމާކޮށް އެލައިޑުން ވަނީ "މެރިން ހަލް އިންޝުއަރަންސް" ނުވަތަ "މެރިން ހަލް ތަކާފުލް" އަލަށް ނަގާ ފަރާތްތަކަށް އަމާޒުކޮށްގެން ޚާއްޞަ ޕްރޮމޯޝަނެއް ކުރިއަށް ގެންގޮސްފައެވެ.

މި ޕްރޮމޯޝަނުގެ ދަށުން ގުރުއަތުން ހޮވުނު ނަސީބުވެރި ތިން ފަރާތަކަށް 8,000 ރުފިޔާގެ ޑިސްކައުންޓް ވައުޗަރ ވަނީ ހަވާލުކޮށްފައެވެ. މި ޕްރޮމޯޝަނުގެ ނަސީބުވެރިން ހޮވާފައިވަނީ އެކްސްޕޯ ނިންމުމަށް ހުޅުމާލެ ސެންޓްރަލް ޕާކުގައި ބޭއްވުނު ޚާއްޞަ ރަސްމިއްޔާތެއްގައެވެ.

އެކްސްޕޯ ކުރިއަށްދިޔަ ދުވަސްތަކުގައި އެލައިޑްގެ ސްޓޯލަށް ޒިޔާރަތްކުރި ފަރާތްތަކަށް ތަފާތު ހަރަކާތްތަކެއް ވަނީ ކުރިއަށް ގެންގޮސްފައެވެ. އަދި މި ހަރަކާތްތަކުގައި ބައިވެރިވި ފަރާތްތަކަށް އެލައިޑްގެ ފަރާތުން ޚާއްޞަ ހަދިޔާތަކެއްވެސް ވަނީ ބަހާފައެވެ.

މިފަދަ ބޮޑެތި އެކްސްޕޯތަކުގައި އެލައިޑުން ބައިވެރިވުމަކީ، ކަސްޓަމަރުންނާ ވީހާވެސް ގާތުން ބައްދަލުކޮށް، ލުއިފަސޭހަކަމާއެކު އިންޝުއަރަންސްގެ ޚިދުމަތްތައް ފޯރުކޮށްދިނުމަށް އެ ކުންފުނިން ދޭ އަހައްމިއްޔަތު ހާމަކޮށްދޭ ކަމެކެވެ.