ބައެއް ފަހަރު ސުލްހަވެރި އެއްބަސްވުމަކަށް އައުމަށް ދެބަސްވާންވެސް ޖެހޭ: ފައްޔާޒު

ބަައެއް ފަހަރު ސުލްޙަވެރި އެއްބަސްވުމަކަށް އާދެވެނީ ދެބަސްވުމެއްގެ ތެރެއިން ކަމަށް އެމްޑީޕީގެ ކުރީގެ ޗެއާޕާަސަން ފައްޔާޒު އިސްމާއީލް ވިދާޅުވެއްޖެއެވެ.

ނިމިދިޔަ ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބުގެ އިތުރުން ފެންނަ ނުފެންނަ ވޯޓްގައި އެމްޑީޕީއަށް ލިބުނު ކާމިޔާބީގެ ”ކްރެޑިޓް“ ނެގުމަށް އެކި ފަރާތްތަކުން ނަގަން އުޅުނު މައްސަލައެއް ފެންމަތިވިއެވެ.

އެއަށްފަހު، އެ އިންތިހާބުތަކުގެ ކާމިޔާބީ ފާހަގަކުރުމަށް ބޭއްވި ޖަލްސާއާ ގުޅުވައި  ހިޔާލުތަފާތުވުންތައް ބޮޑުވެގެންދިޔައެވެ.

އެގޮތުން އެ ޖަލްސާގައި ރައީސް ނަޝީދާއި ފައްޔާޒް އިސްމާއީލަށް ވާހަކަ ދެއްކުމުގެ ފުރުސަތު، މިހާރުގެ ޗެއާޕާސަން އަބްދުލްޣަފޫޜު މޫސާއާއި ޕާޓީގެ ބައެއް ފަރާތްތަކުން ނުދިން މައްސަލަ ވަރަށް ބޮޑަށް ހޫނުވިއެވެ. އެ މައްސަލައިގައި ފައްޔާޒް ވިދާޅުވެފައިވަނީ އޭނާއަށް ފުރުސަތު ނުދިން ނަމަވެސް، ރައީސް ނަޝީދަށް ވާހަކަ ދެއްކުމުގެ ފުރުސަތު ދޭންޖެހޭނެ ކަމަށެވެ.

އެފަހުން، މައްސަލަ ހައްލުކުރުމަށް މަޝްވަރާ ކުރެވި، ލީޑާޝިޕްގެ މެދުގައި އެއްބަސްވުމަށް އާދެވުނުކަމަށް ރައީސް ޞާލިޙްވެސް އިއްޔެ ވަނީ ވިދާޅުވެފައެޗެ.

އަދި ރޭގައި ބޭއްވުނު އެމްޑީޕިގެ ގައުމީ މަޖިލިސް ކުއްލި ޖަލްސާގައި ޕާޓީ ހިންގުމަށް ހަ މެންބަރުންގެ ކޮމިޓީއެއް އުފެއްދުމަށް ހުށަހެޅުމުން، އެ ހުށަހެޅުމަށް ޖަލްސާގައި ބައިވެރިވި 61 މެންބަރުން ވަނީ ތާއީދުކޮށް ވޯޓު ދެއްވާފައެވެ.

ޕާޓީ ހިންގުމަށް އެކުލަވާލި މި ވަގުތީ ކޮމިޓީގައި ހިމެނިވަޑައިގަންނަވަނީ ޕާޓީގެ އިސް ހަ ލީޑަރުންނެވެ. އެ ބޭފުޅުންނަކީ ކުރީގެ ރައީސް އިބްރާހިމް މުހައްމަދު ޞާލިޙް، ކުރީގެ ޗެއާޕާސަން ފައްޔާޒް އިސްމާއީލް، ކުރީގެ ރައީސް މުހައްމަދު ނަޝީދު، ޕާޓީގެ މިހާރުގެ ރައީސް އަބްދުالله ޝާހިދު، ވަގުތީ ޗެއާޕާސަން އަބްދުލްގަފުރު މޫސާ އަދި ޕީޖީ ލީޑަރު އިބްރާހިމް ނާޒިލް އެވެ.

މި ނިންމުމާ ގުޅިގެން އެމްޑީޕީގެ ފައްޔާޒް ރޭ އެކްސްގައި ކުރެއްވި ޕޯސްޓެއްގައި ވިދާޅުވީ، "ބައެއް ފަހަރު އެއްބަސްވުމަކަށް އައުމަށް ދެބަސްވާންޖެހޭ"  ކަމަށެވެ.