އެލައިޑް ހުޅުމާލެ ރަން 2026 ކާމިޔާބުކަމާއެކު ނިންމާލައިފި

އެލީޓް ރަނާސް މޯލްޑިވްސް އިން އިންތިޒާމުކޮށްގެން ބޭއްވި "އެލައިޑް ހުޅުމާލެ ރަން 2026" ގިނަ އަދަދެއްގެ ދުވުންތެރިންނާއި އާއިލާތަކެއްގެ ބައިވެރިވުމާއެކު މިއަދު ކާމިޔާބުކަމާއެކު ނިންމާލައިފިއެވެ.

ދުޅަހެޔޮ ދިރިއުޅުމަކަށް ހިތްވަރުދީ، އިޖުތިމާއީ ބަދަހިކަން އާލާކުރުމުގެ މަގުސަދުގައި ހުޅުމާލޭގައި ބޭއްވި މި ދުވުމުގައި ތަފާތު ހަތަރު ކެޓަގަރީއަކުން ދުވުންތެރިން ބައިވެރިވިއެވެ.

އޭގެ ތެރޭގައި 1 މޭލުގެ ފެމިލީ ރަން، 5 ކިލޯމީޓަރު، 10 ކިލޯމީޓަރު އަދި 21.1 ކިލޯމީޓަރުގެ ހާފް މެރަތަން ހިމެނެއެވެ. މި އިވެންޓަކީ ހުރިހާ އުމުރުފުރާއަކަށްވެސް ބައިވެރިވެވޭ ގޮތަށް ހުޅުވާލައިގެން ކުރިއަށްގެންދިޔަ ހަރަކާތެކެވެ.

މި ދުވުމުގައި ބައިވެރިވި ހުރިހާ ދުވުންތެރިންގެ ރައްކާތެރިކަމަށް އިސްކަންދީ، އެލައިޑް އިންޝުއަރެންސްގެ ފަރާތުން ވަނީ ހާއްސަ ގްރޫޕް ޕާސަނަލް އެކްސިޑެންޓް ކަވަރޭޖެއް ހިލޭ ފޯރުކޮށްދީފައެވެ. މި ކަވަރޭޖްގެ ދަށުން ދުވުމުގެ ތެރޭގައި ދިމާވާ ހާދިސާތަކަށް 100,000 ރުފިޔާއާ ހަމައަށް ބަދަލު ލިބޭނެ އިންތިޒާމު ހަމަޖައްސާފައި އޮތުމަކީ ބައިވެރިންނަށް ލިބުނު ބޮޑު އިތުބާރަކާއި ހިތްހަމަޖެހުމެކެވެ.

ދުވުމުގެ އެކި ކެޓަގަރީތަކުން ވަނަވަނައަށް ދިޔަ ދުވުންތެރިންނަށް އިނާމު ހަވާލުކޮށްފައިވާއިރު، މައިގަނޑު ކެޓަގަރީތަކުން ވަނަ ހޯދި ފަރާތްތަކަކީ:

21.1 ކިލޯމީޓަރު (ހާފް މެރަތަން):

ފިިރިހެން: 1 ވަނަ: މުހައްމަދު ޝިފާޒް، 2 ވަނަ: ޔޫސުފް އިބްރާހީމް، 3 ވަނަ: ތިތިވަތު ކޫސަކުލް.

އަންހެން: 1 ވަނަ: ޕެޗަރަތު ޗްލާޑްޓޯއި، 2 ވަނަ: އައިޝަތު ޖިނާނީ އިބްރާހީމް، 3 ވަނަ: އައިޝަތު ރިޝްމީ.

10 ކިލޯމީޓަރު:

ފިިރިހެން: 1 ވަނަ: ހުސައިން ފަޒީލް، 2 ވަނަ: މުހައްމަދު އިރުފާން، 3 ވަނަ: ސަތަޕޯން އަކަތަމް.

އަންހެން: 1 ވަނަ: ކަންލަޔާ ސަންކައު، 2 ވަނަ: ކަމޮންވަން ކޮއެޑްނައިމޮންކޮން، 3 ވަނަ: އަނާން އަހުމަދު ރަޝީދު.

5 ކިލޯމީޓަރު:

ފިިރިހެން: 1 ވަނަ: އައިދު އަބްދުﷲ ރިފާއު، 2 ވަނަ: މޫސާ ފަވާޒް، 3 ވަނަ: މުހައްމަދު ފަސީލް.

އަންހެން: 1 ވަނަ: ކްލާރާ ސަރީނާ އާސިފް، 2 ވަނަ: އައިޝަތު ރިޝްމީ، 3 ވަނަ: ކިއާރާ އަފްރާހު ގާސިމް.

މި ހަރަކާތް ނިންމުމުގެ ގޮތުން ބޭއްވި ހާއްސަ ރަސްމިއްޔާތުގައި ނަސީބުވެރި 10 ފަރާތެއް ހޮވައި، ކޮންމެ ފަރާތަކަށް 2,000 ރުފިޔާގެ ފައިސާގެ އިނާމު ވަނީ ދީފައެވެ.

އެލައިޑް އިންޝުއަރެންސް ކޮމްޕެނީގެ ފަރާތުން ވަނީ މި ހަރަކާތް ކާމިޔާބުކަމާއެކު ކުރިއަށް ގެންދިއުމުގައި އެހީތެރިވި އެލީޓް ރަނާސް މޯލްޑިވްސްއަށާއި، ބައިވެރިންނަށް، ވޮލަންޓިއަރުންނަށް އަދި ޕާޓްނަރުންނަށް ހާއްސަ ޝުކުރެއް އަދާކޮށްފައެވެ.