އުމްރާ ދަތުރު ލިބުނު ޝިފާންއާއެކު އޭނާގެ މަންމަ -- ފޮޓޯ: ހުޝާން
އުމްރާ ދަތުރު ލިބުނު ޝިފާންއާއެކު އޭނާގެ މަންމަ -- ފޮޓޯ: ހުޝާން
ރިޕޯޓް 10 Jun 2025 | 11:58

ޤަލަމްގެ އީދު އުފާ؛ މަންމަގެ ހެޔޮ ދުޢާއިން ދަރިފުޅަށް އުމްރާ ދަތުރެއް

މި އަހަރުވެސް އަލްހާ އީދުގެ ފޯރި އެންމެ ގަދަ އެއް ރަށަކީ އދ. ދަނގެއްޗެވެ. އެ ރަށުގެ ޖަމިއްޔަތުލް ޤަލަމް އާއި މުއައްސަސާތައް ގުޅިގެން އަލްހާ އީދުގެ މުނާސަބާ ވަނީ ކުލަގަދަކޮށް ފާހަގަކޮށްފަ އެވެ. މި އަހަރުވެސް އީދުގެ ފޯރި ކިތަންމެ ގަދަ ނަމަވެސް އެކަން ޤަލަމް އިން ކުރީ އެހެން އަހަރުތަކެކޭ އެއް ގޮތަށް އިސްލާމީ އުސޫލުތަކާއި ހަމަތަކުގެ ތެރެއިންނެވެ. ދީނުގެ "އިމުގެ" ތެރެއިންނެވެ.

އީދު ދުވަހުން ފެށިގެން ހަތަރު ދުވަސް ވަންދެން "ފޫހި" ވާނެ ވަގުތެއް ނުދީ އީދުގެ ހަރަކާތްތައް ކުރިއަށް ގެންދިޔަ އެވެ.

މި އަހަރުވެސް އީދުގެ ހަރަކާތްތައް ކުރިއަށް ގެންދިޔައީ ބައިވެރީންނަށް އަގުހުރި އިނާމްތައް ލިބޭ ގޮތަށެވެ. މުބާރާތްތަކުގައި ބައިވެރިވި މީހުންނާއި ޓީމުތަކަށް ފައިސާގެ އިނާމު ވެސް ހުށައަޅައިގެންނެވެ. މުބާރާތްތައް ވަރަށް ވާދަވެރި އެވެ. ގިނަ ޓީމުތައް ވާދަކުރި އެވެ.

ވާދެމުމާއި މަސް ބޭނުމުގެ މުބާރާތާއި ރަނިރަހަ ނަމުގައި ބޭއްވި ކެއްކުމުގެ މުބާރާތާއި ހުނަރު ދައްކާލުމުގެ މުބާރާތް ވެސް އެހާމެ ވަރަށް ފޯރިގަދަ އެވެ. އިސްރަށްވެހީންގެ ހަވީރާއި އާއިލީ ހަވީރުގެ އިތުރުން ބޮޑު މަސް ޝޯ އިން ދަނގެއްޗަށް ގެނެސް ދިނީ އުފާވެރި އީދެވެ.

އުމްރާ ދަތުރު ލިބުނު ޝިފާންއާއެކު އޭނާގެ މަންމަ -- ފޮޓޯ: ހުޝާން

މި އަހަރުގެ އީދަށް ހުށައަޅާފައި އޮތް އެންމެ ބޮޑު އިނާމަކީ އުމްރާ ދަތުރެކެވެ. މި ފަހަރު އީދަށް މި ރަށަށް އައި އެންމެންނާއި އީދުގެ ހަރަކާތުގައި ބައިވެރިވި މި ރަށުގެ އެންމެންވެސް އެންމެ ބޮޑަށް އުންމީދު ކުރި އިނާމަކީ މިއީ އެވެ.

އީދުގެ ހަރަކާތް ނިންމުމަށް ރޭ އޮތް ރައްޔިތުންގެ ބާބެކިއު ގައި ވަނީ އުމްރާ ދަތުރުގެ ހައްގުވެރިޔާ ހޮވާފަ އެވެ. ރޭ އޮތް ގުރުއަތުގައި އެތައް ސަތޭކަ ބަޔަކު ބައިވެެރިވި އެވެ. ނަސީބުވެރި އަކަށް ހޮވުނީ އުމުރުން 19 އަހަރުގެ މުހައްްމަދު ޝިފާން އެވެ.

މިއީ ޝިފާން އަށް ލިބުނު ވަރަށް ބޮޑު އުފުލަކަށް ވި އެވެ. އުފަލުން ގޮސް އޭނާއަށް ވާހަކަ ވެސް ނުދެއްކުނެވެ. އެކަމަކު އޭނާއަށް ލިބުނު މި ބޮޑު ނަސީބާއެކު މާތްﷲއަށް ހަމްދުކޮށް ހުރިހާ ޝުކުރެއް އަރިސް ކުރީ އޭނާގެ މަންމަ އަށެވެ.

އުމްރާ ދަތުރު ލިބުނު ޝިފާންއަށް ކައުންސިލްގެ ރައީސް ރަމްޒީ ބޯޑް ހަވާލު ކުރަނީ -- ފޮޓޯ: ހުޝާން

ހަގީގަތުގައި ވެސް ޝިފާންއަށް މި ބޮޑު ނަސީބު ލިބުމުގައި އޭނާގެ މަންމަގެ ދައުރު ވަރަށް ބޮޑެވެ. އެކަން އޭނާ އަށް ލިބުމަށް އެދި އެ މަންމަ ހިތުގެ އެންމެ އަޑީން ޚާލިސް ކަމާއެކު ދުއާ ކުރި އެވެ. ރައްޔިތުންގެ ބާބެކިއު އޮތް ސަރަހައްދަށް ރޭ ޝިފާން ފޮނުވީ ވެސް އެ މަންމަ އެވެ.

ޝިފާންގެ މަންމަ ބުނި ގޮތުގައި ޤަލަމްގެ އީދު އުފާ ހަރަކާތްތައް އިއުލާނުކޮށް ބޮޑު އިނާމަކަށް އުމްރާ ދަތުރެއް ދޭނެ ކަން އިއުލާނު ކުރީއްސުރެ އޭނާގެ ހިތުގެ ދުއާ އަކީ އެ ދަތުރު އޭނާގެ ކުއްޖަކަށް ލިބުމެވެ. އޭނާއަށް ނޫނީ އާއިލާގެ މީހަކަށް ލިބުން އެދިވެސް ދުއާކުރި އެވެ.

އެކަމަކު ރޭ އޭނާާގެ ހިތް ބުނީ އުމްރާ ދަތުރު އިރާދަކުރެއްވިއްޔާ ލިބޭނީ ދަރިފުޅު ޝިފާން އަށް ކަމެވެ. ހިތަށް އެހެން އަރާވަރުން އެތައް ފަހަރަކު އެކަން ހަގީގަތަކަށް ވޭތޯ ދުއާ ކުރި އެވެ. އަދި ރައްޔިތުންގެ ބާބެކިއު އޮތް ތަނަކަށް ދާން އެދި އެތައް ފަހަރަކު ޝިފާންގެ ކައިރީގައި އެދުނެވެ. ގުރުއަތު ގަޑި ޖެހުމުން އޭނާ އެތަނުގައި ހުރިތޯ ވެސް ޔަގީން ކުރި އެވެ.

އުމްރާ ދަތުރު ލިބުނު ޝިފާންއާއެކު އޭނާގެ މަންމަ އަދި އާއިލާ މެންބަރުން -- ފޮޓޯ: ހުޝާން

ގުރުއަތު ނަގާ އައިޑީނަންބަރު ކިޔަމުންދިއިރު އޭނާ ހުރީ ދަރިފުޅުގެ ނަންބަރު ހިތުން ދަސްކޮށްގެނެވެ. އޭނާގެ ދުއާ އިޖާބަކުރެއްވީ އެވެ. އެތައް ސަތޭކަ ނަންބަރެއް އެނބުރެމެނުން ގޮސް ހުއްޓުނީ ޝިފާގެ އައިޑީ ނަންބަރަށެވެ. ގުރުއަތުން ލައްވާނީ ޝިފާން މަންމަ އެންމެ އެދުނު ގޮތަށެވެ. ވަގުތުން ޝިފާންއަށް ގުޅި އެވެ. އޭރު މަންމަގެ ބަސް އަހައިގެން ޝިފާން ހުރީ އެސަރަހައްދުގަ އެވެ. މަންމައަށް ޓަކައި އެތަނުގައި މަޑުކޮށްގެނެވެ.

އުމްރާ ދަތުރު ލިބުނު ޝިފާންއާއެކު އޭނާގެ މަންމަ އަދި އާއިލާ މެންބަރުން -- ފޮޓޯ: ހުޝާން

އީދުގެ އުސޫލު އޮންނަ ގޮތުން އިނާމު ލިބޭ މީހަކު ވަގުތުން އައިސް އެ އިނާމ- ހަވާލުވާން ޖެހެ އެވެ. އެހެން ނޫނީ އެ އިނާމު ލިބޭނެ މީހަކު އަލުން ކަނޑައަޅަން ގުރުނަގަ އެވެ. ޝިފާން އެތަނުގައި ހުރިތޯ އޭނާގެ މަންމަ އެވަރަކުން ޔަގީން ކުރީ އެހެން ވެގެނެވެ.

ޝިފާން ވެސް ގަބޫލުކުރާ ގޮތުގައި މި އީދުގައި މިފަދަ ބޮޑު ނަސީބެއް އޭނާއަށް ލިބުނީ މާތްﷲގެ އިރާދަފުޅުން މަންމަގެ ހެޔޮ ދުއާގެ ސަބަބުންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ސްކްރީނާ ދުރުވެ، އުމުރުން 11 އަހަރުގެ އިބާ އުފެއްދި ކްރޯޝޭގެ ދުނިޔެ
22 Nov 2026 ރިޕޯޓް

ސްކްރީނާ ދުރުވެ، އުމުރުން 11 އަހަރުގެ އިބާ އުފެއްދި ކްރޯޝޭގެ ދުނިޔެ

އދ. ދަނގެތީ ސްކޫލުގެ ގްރޭޑް 6 ގައި ކިޔަވަމުން އަންނަ އުމުރުން 11 އަހަރުގެ އިބާ އިބްރާހީމް ދާއޫދު މިވަނީ އެ އޮއިވަރާ ދެކޮޅަށް ފަތައި، ތަފާތު ނަމޫނާއެއް ދައްކުވައިދީފައެވެ. އިންޓަނެޓާއި ސްކްރީނުގެ ބޭނުން ހެޔޮގޮތުގައި ހިފައިގެން ޔޫޓިއުބް މެދުވެރިކޮށް ކްރޯޝޭ ކުރަން ދަސްކޮށް، ވޫލު ބަރަނިތަކުގެ އެހީގައި އޭނާ މިވަނީ ސްކްރީންތަކާ ދުރު، ފަންނީ އަދި އުފެއްދުންތެރި އަމިއްލަ ދުނިޔެއެއް ބިނާކޮށްފައެވެ.

އެލައިޓް އެފްސީ ބަލިކޮށް، "ހަނދު ރުނބާ ޗެލެންޖް 2026"ގެ ޗެމްޕިއަންކަން އެމްޕަޔަރސް އެފްސީއަށް؛ މުބާރާތުގެ ކިންގް އަކީ ލޫކް
17 Nov 2026 ކުޅިވަރު

އެލައިޓް އެފްސީ ބަލިކޮށް، "ހަނދު ރުނބާ ޗެލެންޖް 2026"ގެ ޗެމްޕިއަންކަން އެމްޕަޔަރސް އެފްސީއަށް؛ މުބާރާތުގެ ކިންގް އަކީ ލޫކް

އދ. ދަނގެތީ، ޤަލަމް ސްޕޯޓްސް އެކަޑަމީ އިން އިންތިޒާމްކޮށްގެން ބޭއްވި "ހަނދު ރުނބާ ޗެލެންޖް2026" ފުޓްސަލް މުބާރާތުގެ ފައިނަލް މެޗުގައި 3-0 ގެ ނަތީޖާއަކުން އެލައިޓް އެފްސީ ބަލިކޮށް، މުބާރާތުގެ ޗެމްޕިއަންކަން އެމްޕަޔަރސް އެފްސީން ހޯދައިފިއެވެ.

އދ.ދަނގެތީގައި އެފްއެސްއެމްގެ ޝެޑެއް ގާއިމްކޮށް ހިދުމަތްދޭން ފަށައިފި
07 Nov 2026 ހަބަރު

އދ.ދަނގެތީގައި އެފްއެސްއެމްގެ ޝެޑެއް ގާއިމްކޮށް ހިދުމަތްދޭން ފަށައިފި

ދަނގެތީގެ މަސްވެރިންގެ އިތުރުން އެ ސަރަޙައްދުގައި ދަތުރުފަތުރުކުރާ ފަރާތްތަކަށް ވެސް މި ސްޓޭޝަނުން ހެޔޮ އަގުގައި ފަސޭހަކަމާ އެކު ތެޔޮ ލިބުމުގެ ފުރުސަތު ލިބިގެންދާނެކަމަށް އެސްއެސްއެމުން ފާހަގަކުރެއެވެ.

އިމުގެ ތެރެއިން އީދު ފާހަގަކުރި ފަރާތްތައް ހޮވައި، ސަލަފުން އެކަމުގެ އަގުވަޒަންކޮށްފި
27 Jun 2026 ދީން

އިމުގެ ތެރެއިން އީދު ފާހަގަކުރި ފަރާތްތައް ހޮވައި، ސަލަފުން އެކަމުގެ އަގުވަޒަންކޮށްފި

ޖަމްޢިއްޔަތުއްސަލަފުގެ ފަރާތުން މިއަހަރުގެ އަޟްޙާ ޢީދު ފާހަގަކުރުމުގައި ދީނީ އިމުގެ ތެރެއިން ޢީދު ފާހަގަކުރި 11 ފަރާތެއް ހޮވައި އެކަމުގެ އަގުވަޒަންކޮށް އިނާމު ދީފިއެވެ. ސަލަފުން ބުނީ އިސްލާމީ އިމުތަކު...

ޢީދު ފާހަގަކުރުމަށް އިސްލާމިކް މިނިސްޓްރީން ޚާއްސަ ޕްލޭނެއް އެކުލަވާލަނީ
04 Jun 2026 ހަބަރު

ޢީދު ފާހަގަކުރުމަށް އިސްލާމިކް މިނިސްޓްރީން ޚާއްސަ ޕްލޭނެއް އެކުލަވާލަނީ

އިސްލާމީދީނުގައި ފާހަގަކުރާ ބަރަކާތްތެރި ދެ ޢީދު ކަމުގައިވާ ފިޠުރު ޢީދާއި އަޟްޙާ ޢީދު، މާލެއާއި އަތޮޅުތަކުގައި ކުލަގަދަކޮށް ފާހަގަކުރުމަށްޓަކައި ޚާއްޞަ ޕްލޭނެއް އެކުލަވައިލުމުގެ މަސައްކަތް އިސްލާމިކް ...

ދަނގެތީ ޢީދުއުފާ: ދައްކުވައިދިނީ އިމުގެ ތެރޭގައިވެސް ފޯރިގަދަ އުފާވެރި ޢީދެއް ފާހަގަކުރެވޭނެކަން
02 Jun 2026 ރިޕޯޓް

ދަނގެތީ ޢީދުއުފާ: ދައްކުވައިދިނީ އިމުގެ ތެރޭގައިވެސް ފޯރިގަދަ އުފާވެރި ޢީދެއް ފާހަގަކުރެވޭނެކަން

މިއަހަރުގެ ބޮޑު ޢީދު ނިމި، އެންމެން އެބައެއްގެ އާއްމު ދިރިއުޅުމުގެ މަސައްކަތަށް އެނބުރި ރުޖޫޢުވެފައިވާއިރު ބަހުސް ކުރެވޭ އެއް ސުވާލަކީ އެންމެ އުފާވެރި އަދި މަޖާ ޢީދެއް ފާހަގަކުރި ރަށަކާމެދުގައެވެ. އެ ...