ސްވިޓްޒަރލޭންޑް އިން އެމެރިކާގެ ހަނގުރާމަމަތީ ބޯޓުތަކަށް ބުނީ ނޫނެކޭ

އެމެރިކާއާއި އިޒްރޭލުން އިރާނަށް ހަމަލާދިނުމަށްޓަކައި ސްވިޓްޒަރލޭންޑްގެ ވައިގެ ސަރަހައްދު ބޭނުން ކުރުމަށް އެދުމުން ސްވިޓްޒަރލޭންޑް އިން އެކަމަށް އިންކާރުކޮށްފިއެވެ.

މިއަދު ސްވިޓްޒަރލޭންޑްގެ ސަރުކާރުން ކުރި އިއުލާނެއްގައި ބުނީ އެމެރިކާއިން އެ ޤައުމުގެ ވައިގެ ސަރަހައްދު ދިރާސީ ބޭނުމައްޓަކައި ބޭނުން ކުރުމަށް އެދިފައިވާ ކަމަށެވެ. ނަމަވެސް، ސްވިޓްޒަރލޭނޑްގެ އިން ވަކި ކޮޅެއް ހަނގުރާމަަތަކުގައި ނުނެގުމުގެ އުސޫލުގެ މަތިން ވަނީ އެެމެރިކާގެ ހަނގުރާމަމަތީ ބޯޓުތަކަށް އެ ޤައުމުގެ ވައިގެ ސަރަހައްދު ބޭނުން ކުރުން މަނާ ކޮށްފައެވެ.

އެ ގޮތުން، އެމެރިކާއިން ވަނީ ޖުމްލަ 5 ބޯޓެއް އެ ޤައުމުގެ ވައިގެ ސަރަހައްދު ބޭނުން ކުރުމަށް ހުއްދައަށް އެދިފައެވެ. މީގެން ސީދާ ހަނގުރާމައާއި ގުޅޭ 2 ބޯޓު ސްވިޓްޒަރލޭނޑްގެ ވައިގެ ސަރަހައްދު ބޭނުން ކުރުމުން އެ ޤައުމުން މަނާ ކޮށްފާވާއިރު 3 ޓްރާަންސްޕޯރޓް އަދި 1 މެއިންޓެނެންސް އާއި ގުޅޭ ބޯޓުތަކަށް ވަނީ ހުއްދަ ދީފައެވެ.

މިދިޔަ ފެބްރުއަރީ މަހުގެ 28 ވަނަ ދުވަހު އެމެރިކާ-އިޒްރޭލާއި އިރާން އާއި ދެމެދު ފެށުނު ހަނގުރާމައަށް އެމެރިކާގެ ސެންޓްރަލް ކޮމާންޑް ސެންޓަރުން ދަނީ މެދުއިރުމަތީގައި ހުންނަ އެމެރިކާގެ އަސްކަރީ މަރުކަޒުތައް އިރާނަށް ހަމަލާ ދިނުމަށް ބޭނުން ކުރަމުންނެވެ.

އަދި އިރާނުން ދަނީ ބަދަލު ހިފުމުގެގެ ގޮތުން މެދުއިރުމަތީގައި ހުންނަ އެމެރިކާގެ އަސްކަރީ މަރުކަޒުތަކަށް ހުއްޓުމެއްނެތި ހަމަލާ ދެމުންނެވެ.