ޖައްވީ ވާދަވެރިކަމުގައި އެންމެ ބޮޑު ނުރައްކަލަކީ ޗައިނާ: އެމެރިކާ

ޖައްވީ ވާދަވެރިކަމުގައި އެމެރިކާއަށް އޮތް އެންމެ ބޮޑު ނުރައްކަލަކީވެސް އަދި އެންމެ ބޮޑު ވާދަވެރިއަކީވެސް ޗައިނާކަމަށް އެމެރިކާއިން ބުނެފިއެވެ.

ޔޫ.އެސް. ސްޕޭސް ފޯސްގެ ކޮމާންޑަރ ލެފްޓިނަންޓް ޖެނެރަލް ޑަގްލަސް ޝިއެސް މިދިޔަ ހަފްތާގައި ވިދާޅުވީ ޗައިނާއިން ބާރު ދުވެއްޔެއްގައި ޖައްވީ ވާދަވެރިކަމުގައި ކުރިއެރުން ހޯދަމުން އަންނަކަމަށެވެ. އަދި އެއާއެކު، ޖައްވުގައި ހުރ އެމެރިކާގެ އެސެޓްތައް ބިރުވެރިކަމަކަށް ހުށަހެޅޭކަމަށް އޭނާ ވިދާޅުވިއެވެ. އަދި އެމެރިކާގެ ކަނޑާއި، އެއްގަމާއި ވައިގެ އަދި ޖައްވީ އެސެޓްތަކަށް އެއްފަހަރާ ހަމަލާދިނުމުގެ ބާރުވެރިކަން ޗައިނާއިން ހޯދަމުން އަންނަކަމަށް އޭނާ ވިދާޅުވިއެވެ.

އެމެރިކާގެ ޖާސޫސުން ދެކޭ ގޮތުގައި ޖައްވީ އެސެޓްތަކަށް ހަމަލާދިނުމުގައި ހަނގުރާމައިގެ ހާލަތެއްގައި ޗައިނާއިން ބޭނުންކޮށްފާނެ އުކުޅެކެވެ.

ޗައިނާއިން ހޯދަމުން އަންނަ ކުރިއެރުމާއި ދެކޮޅަށް އެމެރިކާއަށް ކުރެވެން އޮތް ކަމަކީ އިތުރު ޤާބިލްކަން ލިބިގެންވާ ސެޓެލައިޓްތައް ފަދަ ޖައްވީ އެސެޓްތައް ޖައްވަށް ފޮނުވުންކަމަށް ޖެނެރަލް ޝިއެސް ގަބޫލުކުރައްވައެވެ.