ސަރުކާރުން ވައުދު ނުފުއްދާތީ މަސްވެރިކަން އިނދަޖެހި މަސްވެރިން ތިބީ ވަރަށް ދަތި ހާލުގައި: ފައްޔާޒު

މަސްވެރިންގެ ދުވަސް ފާހަގަކުރަމުންދާއިރު، ސަރުކާރުން ވައުދުތައް ނުފުއްދުމުގެ ސަބަބުން މަސްވެރިކަން އިނދަޖެހި، މަސްވެރިން ވަރަށް ދަތި ހާލުގައި ތިބިކަމަށް ކުރީގެ އިކޮނަމިކް މިނިސްޓަރ އަދި އެމްޑީޕީ ޗެއަރޕާސަން ފައްޔާޒު އިސްމާޢީލް ވިދާޅުވެއްޖެއެވެ.

މަސްވެރިންގެ ދުވަހާ ގުޅިގެން އެކްސްގައި ކުރެއްވި ޕޯސްޓެއްގައި ފައްޔާޒު ވިދާޅުވީ، މަސްވެރިންނަށާއި މަސްވެރިކަމުގެ ސިނާއަތުގައި ހަރަކާތްތެރިވާ އެންމެހާ ފަރާތްތަކަށް މަސްވެރިންގެ ދުވަހުގެ ތަހުނިޔާ އަރިސްކުރައްވާ ކަމަށެވެ. 
ނަމަވެސް މި ދުވަސް ފާހަގަކުރަމުންދާއިރު، ސަރުކާރުން ވައުދުތައް ނުފުއްދުމުގެ ސަބަބުން މަސްވެރިކަން އިނދަޖެހި، މަސްވެރިން ވަރަށް ދަތި ހާލުގައި ތިބިކަން ފާހަގަކުރެއްވިއެވެ.

މީގެއިތުރުން ފައްޔާޒު ވިދާޅުވީ، މި ކަންބޮޑުވުންތައް ސަރުކާރަށް އިއްވުމަށްޓަކައި މިރޭ ކާނިވާ ސަރަހައްދުގައި ބޭއްވުމަށް ހަމަޖެހިފައިވާ ޖަލްސާގައި ބައިވެރިވުމަށް އެންމެހާ ފަރާތްތަކަށް ދަޢުވަތު އަރުވާ ކަމަށެވެ.

ފައްޔާޒު މިހެން ވިދާޅުވެފައި ވާއިރު، "ގާނޫނުއަސާސީގެ ދިފާއުގައި ރައްޔިތުން“ ނަމުގައި ބާއްވާ މި ޖަލްސާ ބޭއްވުމަށް ހަމަޖެހިފައިވަނީ، މިރޭ 20:30 ގައި ކާނިވާ ސަރަހައްދުގައެވެ.

އެމްޑީޕީން ބުނެފައިވާ ގޮތުން، މި ޖަލްސާއަކީ ގިނަ ބައެއްގެ މަސައްކަތުން ހޯދި ޑިމޮކްރަސީ އާއި އިންސާނީ ހައްގުތައް މި ސަރުކާރުން ނިގުޅައިގަންނަމުން ދާތީ އެކަމާ ދެކޮޅަށް އަޑުއުފުލަން ބާއްވާ ޖަލްސާއެކެވެ.